本頁會列出2018年的公關災難個案。
吉野家趁阿根廷輸波抽水引來批評[]
2018年6月20日，2018年俄羅斯世界盃正在進行阿根廷對克羅地亞的比賽，賽果為克羅地亞大勝阿根廷3:0，引來不少討論。
吉野家於其Facebook專頁趁機「抽水」，貼文指「阿根廷慘吞克羅地亞三隻溫泉玉子，但齋食玉子真係會有啲齋，可以考慮吓食埋牛肉飯喎！」，並在貼文中宣傳其世界盃優惠，笑言「美斯都用到」。此貼文隨即引來大批留言批評，不少網民聲言罷食，引來公關災難。
有網民斥該貼文直接影響公司形象，對該快餐店徹底失望，並指「又要召喚關公」。亦有網民表示貼文內容惹笑，並稱「抽美斯抽得好」。更有網民聲言罷食：「垃圾Marketing，你唔道歉永遠罷食」。
Facebook專頁有關帖子截圖。
優品360°老闆評林偉駿不懂做生意引批評[]
2018年8月19日，CEC國際控股發公告表示，759阿信屋創辦人兼主席林偉駿昨日(2018年8月18日)於在養和醫院逝世，享年59歲。[2]品牌最大對手優品360°老闆林子峰立即表示，若759阿信屋10億以下賣盤會有興趣，以免阿信屋會被其他強勢先收購打倒自己，更指林偉駿不懂做生意，覺得他「亂咁開鋪」。 言論隨即引來網民不滿，批評「好心佢啦，逝者而去，係呢個時候講啲咁嘅嘢!」、「冇品360」，又揚言不會再光顧優品360°，引發公關災難。[3]而facebook專頁我睇咗啲乜嘢便在8月1日推出惡搞廣告片，直至當日午夜前，共吸引近3.7萬人次觀看。[4]