FANDOM


厚多士事件,又名「你厚多士」事件,發生於2014年5月,源自在網絡上流傳的一段操鄉音的香港婦人因為被指在港鐵車廂霸佔座位,以及在車廂進食,被一名女乘客出言阻止,繼而引起罵戰。有關罵戰情景被人拍攝並上載至網絡,事件影片起初分為上集及下集,及後有網民把有關事件影片結集。

由於片段中的婦人不斷重覆地說「你好多事」,因其口音帶鄉音,被網友取笑,而慘遭惡搞成「你厚多士」,及後她說的其他字句更被惡搞成多種食物。

事件發生經過

一名帶有口音,拖著行李箱的操鄉音的婦人連同隨行的男童在港鐵觀塘綫油麻地方向的列車裡,進入其中一個車廂之後隨即霸佔三個座位,以及在車廂內進食批類食物,坐在鄰座的女乘客見狀,出言阻止,表示車廂內「不准飲食」。被指摘的婦人不滿被指摘,並找藉口指其隨行男童進食,出言反擊:「你唔正常、夠膽報警啊,你又唔係梁振英、又唔係警察!」屢次批評女乘客多事,引發罵戰,女乘客隨即冷靜回應道:「梗係關我事啦!車廂係大家嘅!」

及後其他乘客亦加入戰團,之後該名操鄉音的婦人破口大罵:「你多事!你又唔係梁振英!你又唔係警察!你想蝦我呀?你好多事!」隨後,其他乘客亦不值該婦人所為,聲援女乘客,該名婦人情緒激動,站聲身以粗言大罵「你想蝦我呀?你好多事!」最後,婦人叫喊至聲嘶力竭,聲音沙啞,與男童起身離開。

事件影片

上集

內地女人車箱食野:「你厚多士」- 【影片控】

內地女人車箱食野:「你厚多士」- 【影片控】

上下結集

強國婦車廂進食掀起罵戰 (上下結集)

強國婦車廂進食掀起罵戰 (上下結集)

MTR車箱內食野大陸人大哂 "你厚多士!" (完整版)

MTR車箱內食野大陸人大哂 "你厚多士!" (完整版)

高清完整版

【鍵盤戰士】- 內地女人在地鐵車箱中飲食:「你厚多士」 Full version

【鍵盤戰士】- 內地女人在地鐵車箱中飲食:「你厚多士」 Full version

對白

上集

女乘客:你喺度食嘢。
鄉音婦:我細佬哥食吖嘛。
女乘客:咩嘢人食都唔得。
鄉音婦:係又點呀?你報警吖!你報警!你可以報警!(話)我細佬哥喺呢度食……食嘢呀!
女乘客:(指著車廂告示,表示車廂內不准飲食)呢度唔可以食嘢㗎。
鄉音婦:哎喲,你真係呀……你呀……哎喲,你「厚多士」(好多事)!呀你,你唔正常,你「食菜肉」(食錯藥)呀!個個人都咁好……個個人都好正常坐車呀……你唔正常呀你……我細佬哥食嘢,啱啱坐落去,啱啱見人坐我咪坐囉!你厚多士呀真係!
其他乘客:但係你食,唔係細佬哥食……照下鏡啦!
鄉音婦:你厚多士呀!你報警吖!你夠膽就報警!關你咩事呀?!
女乘客:你嘈吖嗱!
鄉音婦:我嘈!就喺度嘈!你「無丁丁」(無端端)……你無丁丁……
女乘客:咁多人見到你食嘢呀!
鄉音婦:哎喲,我細佬食嘢嘛!唔係我食!我係比細佬食吖嘛!
女乘客:都唔得!
鄉音婦:厚多士呀你!你厚多士!你厚多士!你想「蝦鵝」(蝦我)呀?我同我細佬食,關你咩事呀?你咩事呀?關你咩事呀?你食菜肉呀你,你唔正常呀!你唔正常呀!
女乘客:我睇唔過眼。
鄉音婦:你睇唔過眼?報警啦!你報,話比警察聽,係我個仔喺度入……
其他乘客:你咁樣遲早撞板啦!
鄉音婦:你真係……個個人都咁好……坐車……
女乘客:呢度真係唔可以食嘢嘛!
鄉音婦:你唔正常呀你!你唔正常呀你!你厚多士呀你,你食菜肉呀你,你想蝦鵝呀?我湊個仔入嚟……
女乘客:你仲咁大聲咁惡……
鄉音婦:你仲……你唔正常……
女乘客:你坐三個位……
鄉音婦:(望住女乘客)我邊度有坐三個位呀?
女乘客:依家先唔係姐,(之前)我唔出聲……
鄉音婦:哎喲,你厚多士呀你真係……我無霸位……你厚多士呀,多士……
女乘客:喂,大佬,你匆匆入,飲食……我話你呀真係……
鄉音婦:你多士,你無丁丁……發脾氣做咩呀?關你咩事呀?
女乘客:梗係關我事啦!車廂係大家㗎!咩嘢唔關我事呀?
鄉音婦:關你咩事呀?你係「洋蔥圈」(梁振英)吖?你又唔係警察,又唔係洋蔥圈!你想蝦鵝呀?我湊個仔……
女乘客:湊個仔大晒呀?
鄉音婦:你!你厚多士!
女乘客:再指吖嗱!
鄉音婦:你厚多士!你厚多士!你真係多士!你多士!
女乘客:喺車廂入面飲食就唔得!
鄉音婦:我為咩要食呀?我個仔食吖嘛!唔係我食。哎呀,係我個仔食……
女乘客:邊個食都唔得!
鄉音婦:哎喲,你厚多士,你食菜肉呀你,你食菜肉呀你,你唔正常呀你!我坐兩個位,你話我坐三個位……
其他乘客:呢個女人(鄉音婦)離晒譜呀真係……
鄉音婦:離晒譜又點呀?!你家下同我報警呀……關你咩事呀?!(站起)你厚多士!你哋厚多士!
其他乘客:坐低啦,師奶。我今日企喺度都要講粗口鬧你啦……

下集

鄉音婦:你哋全部想打我呀?!
其他乘客:係全部人都話你啦!
鄉音婦:你哋夠膽話我呀?!
其他乘客:幾廿歲,都要話你……
鄉音婦:你哋夠膽全部打我呀?!
其他乘客:係我就打你㖭啦!
鄉音婦:比你打!比你打!你報警啦!我湊個仔出嚟關你咩事呀?!大家嚟坐車……大家嚟呢度坐車……
其他乘客:坐低喇!
鄉音婦:坐低!!
其他乘客:返去喇!返鄉下啦你!
鄉音婦:你老母!!屌你老母!!
鄉音婦:我湊個仔……你想蝦鵝呀?你想蝦鵝呀?
其他乘客:返鄉下啦你!
鄉音婦:你想蝦鵝呀?想蝦鵝呀?我屌你老母!!屌你老母!!屌你老母!!
其他乘客:你有得屌我真係比你屌喇!哈哈哈哈……真係呀,你有得屌我真係益你呀!
鄉音婦:我湊個仔……你想蝦鵝呀?你想蝦鵝呀?我屌你老母!個個人咁好……
其他乘客:你發癲啦你……
鄉音婦:你哋心地唔好呀!
其他乘客:發癲啦……入青山啦,唔好嘈呀你。
鄉音婦:你哋心地唔好呀,又唔係洋蔥圈,又唔係警察!……想蝦鵝呀?想蝦鵝呀?屌你老母臭閪!!想蝦鵝呀?……大家都喺呢度坐車……厚多士呀!屌你老母臭閪呀!
女乘客:無人蝦你㗎!係呢度唔比飲食咋!
其他乘客:講晒粗口添。
鄉音婦:(起來轉身離開,並對兒子說)唔好喺度坐喇。
其他乘客:邊度坐一樣喇,哈哈哈哈……
(其他乘客議論)
鄉音婦:你想點吖!!
其他乘客:你兩個人霸三個位呀,係人都睇到你啦!又喺度食嘢。屌……話你就嘈喧巴閉,幾廿歲人,真係……

網民評論

有網民激讚事件中的女乘客見義勇為,更表示若小事也不出聲,錯事事事包容,香港只會愈來愈退步。另由於婦人多次叫嚷「你好多事」,因其口音問題,被網友取笑,而慘遭惡搞成「你厚多士」,而「梁振英」的讀音亦類似「洋蔥圈」,及後她說的其他字句更被惡搞成多種食物。

事主懷疑被起底

有網民在facebook「告狀」,表示自己是該肇事鄉音婦兒子就讀學校的班主任,並在貼文中揭發該惡婦過往在學校不斷維護兒子的惡性,因而令肇事鄉音婦被疑似起底

該爆料者自稱是資深老師,於2010/11年度在某幼稚園任教時遇上「厚多士姐」和他的兩名兒子,結果留下極深刻印象,並數落5宗罪,包括兩名孩子報名時沒有穿褲子,其母表示「喺鄉下都係咁」;孩子經常撼傷頭,老師溫馨提示母親要小心時,卻被大罵;「厚多士姐」有錢染髮扮靚,但經常拖欠每月80元的學費;孩子功課表現欠佳,屢勸不改;「厚多士姐」曾在全校家長面前罵老師是死八婆。不過,該爆料者表示,極同情兩名孩子,指「厚多士姐」發狂罵人時,孩子只能「將個頭耷低同唔出聲,因為佢哋咁細個都感到難堪,我看見了也難過」。

文章立即被網民瘋傳,有網民進一步指責「厚多士姐」是潑婦,但亦有不少網民認為,家長和學校之間的交流,誰是誰非老師都不應該公開談論,如今似是侵犯私穩,又指該爆料者口裏說同情孩子,但該篇文章恐怕會令人繼續嘲笑家長,亦會令孩子被取笑,甚至被進一步「起底」,令孩子造成極大傷害,呼籲大家不要「禍及孩子」。[1]

5月下旬,《東周刊》報導了厚多士姐的專訪,她表示自己九年前嫁來香港,後與丈夫離婚。每月靠約7,000元綜援為生,並與兩個兒子居於九龍區的公居單位。對於在港鐵衝突的一幕,她猶有餘怒的強調,兒子肚餓,不能不給他吃:「我被人罵時為什麼沒有拍下來?鄉下婆都是人,我都有香港身份證,為什麼要看我不起?我又沒有偷、沒有偷搶,為什麼要如此玩弄我?如果我自殺死了,全香港人要負責!」[2]很多網民回應請安心上路[3]

事件後續

及後,港鐵公司因應此事而開始嚴格執行車廂內不准飲食的條例,加強在列車內巡邏並檢控違反有關規定之乘客。

及後網上流傳一張有關在港鐵車廂喝水而被判罰款的相片,以及有女乘客在車廂內進食榴槤,這些事件都引起網民熱議。[4]

二次創作

惡搞圖片

惡搞影片

改編歌曲

相關條目

註解

外部連結