Humor
 

大大師兄

香港網絡大典，真正屬於香港網民的網絡百科

大大師兄
大大師兄
大大師兄的金句
所屬網絡社群
 高登
會員編號
97371
117758
119445
199266
特徵
30幾歲人搵唔到工，上網9up扮博學
職業
「Freelance」[1]
政治取向
扮民主派
加入日期
2004年2月19日
活躍時期
2005年至今
主要作品
金句
網上榮譽
其他資料或評價
此人乃高登討論區用戶，俗稱「高登人」。歡迎各網友向其賜酒、派發或致送小丑膠幣（即派膠）。
此人已被部分網民歸類為：
不愛7up，只愛9up。
此人的脊椎（被部分人懷疑）已經折斷，被標籤為斷背人士。

大大師兄（高登ID：199266），青山三巨頭之大師兄、與CS888合稱為青山雙雄，自認高登史上第一個博學家，雜學家。無所不知，無所不曉。經常擅自闖進各類型post內並強行為會員解答難題，拯救各會員學術上的疑問，藉此建立偽專家形象。

目錄

[編輯] 網上資料

  • 所屬論壇︰香港高登討論區
  • 會員編號︰97371 (舊帳戶)
    • 加入日期︰19/2/2004
    • 曾使用名字︰
      • 訓街卿_XDDDD
      • 訓街卿 XDDDD
  • 會員編號︰117758 (第二帳戶)
    • 加入日期︰12/2/2005
    • 曾使用名字(大大師兄自認為經常要「拯救各會員」，故此經常改名，可惜卻逃不過各會員之法眼)︰
大大師兄我傾日番青山 (2006年11月後)
國美買電話我減除鬥窮人 (2006年11月後)
我訓街卿_XDDDD凍檸檬茶 (2006年11月後)
硬．膠．膠我聽日番青山 (2006年11月後)
WertherLocke_ (2006年11月後)
買電話哨牙珍==老舉 (2006年11月後)
我係乞衣仔！多謝支持_ (2006年12月後)
麵包麵包麵包 (2005年前)你快D去食藥 (2006年12月後)
我老豆肝癌死反對清拆天星 (2006年12月後)
乞依.甘鈴兒
密室遊戲 (2006年11月後)
  • 會員編號︰119445 (帳戶聲稱被ban[1])
    • 加入日期︰20/3/2005
    • 曾使用名字︰
      • 1+1=2
      • 1+1=2＊71見
      • 1+1=2＊64見
      • 陳偉葉係隻狗
      • 劉健儀做主席
      • 喂呀..爛左啦
  • 會員編號︰199266 (現時所用帳戶)
    • 加入日期︰17/9/2008
    • 曾使用名字︰
      • 0+0=0
      • 特首_田北俊
  • 會員編號︰ 170465
    • 加入日期︰18/1/2008
    • 曾使用名字︰
      • PARADE_71見(被部分高登會員誤認為分身，但實質乃另一巨頭CS888)

[編輯] 個人特徵

大大師兄失業
  • 大大師兄自稱30歲，學歷為IVE High Dip畢業，失業兩年。
  • 他的政治取向近民主派，於07年立法會補選中支持陳方安生，並表示曾有意從政。[2]
  • 大大師兄勇於承認自己是同性戀者，與高登基頭四經常否認的態度不同。

[編輯] 金句

大大師兄因自覺高人一等，故此在字裡行間常常流露出鄙視及輕視其他會員知識的行為。在一次討論P2P Algorithm中，因為被會員ReaperHK串他「我office d野夠你睇成個月」而發作，說出以下金句：


如果你知我係邊個，你一定唔夠膽串我


訓街卿_XDDDD，2005年9月6日


如果你知我係邊個，你一定唔夠膽串我

[編輯] 其他金句

  • 我唔直接去答你, 用例子答你
  • 今次係例外, 係一次好悲哀既例外
  • 一定唔算係乾淨果隻
  • 上面講左乜野, 自己參透下啦
  • 我望一眼就知衛生有問題.....
  • 我想用另一個方法去令你明白一 D 野......[3]
  • 又要我解話 http://forum2.hkgolden.com/faces/donno.gif http://forum2.hkgolden.com/faces/donno.gif http://forum2.hkgolden.com/faces/donno.gif [4]
  • 我 6, 7 歲已經俾人問呢 D 問題啦 [5]
  • 就係地心吸力拉你向前郁 [6]
  • 美國用既係同香港一樣既選舉代表制, 點解你要唔會話美國唔民主, 但會話香港唔民主http://forum.hkgolden.com/faces/wonder2.gif[7]
  • 你講既野有無任何 supporting?http://forum.hkgolden.com/faces/wonder.gif[8]
  • 唔該你搵資料 check 清楚先[9]
  • 做多少少資料蒐集先黎扮香港人會唔會無咁肉酸?[10]
  • 很白痴的回應[11]
  • 我理鬼得你係邊個呀，借過唔該[12]
  • 係呀, 所以我估佢隻"似立腸狗既狗"應該係有鬥狗血統[13]
  • 好心你就早d 訓啦
  • 仲有呀, 全港 700 萬人先得果百一萬人投左票.....[14]
  • 高登人永遠都係咁仆街
    同班野都未做過又鍾意上網吹水扮乜都識既人......玩......
    你驚唔驚遲早你都變到好似佢地咁低能呀?
    人地無料咪無料囉, 而家又唔係咩特別野
    洗唔洗下下 jer 住, 搞到人地露曬 "咸" 你先開心呀?
    佢無料要扮野, ok, 無問題, 佢唔識野
    但係你有料, 咁玩佢, 係咪於理不合呀?
    你自己諗下啦[15]
  • 自己講錯野, 都無左件事, 即刻講第二樣野
    我由開站到而家都有上黎, 果陣係咁, 幾年前係咁, 而家都係咁
    其他 bbs 唔係咁架, 係高登既人先會咁乞衣架咋
    呢......你講錯一句半句野咪鍾意講十年八載囉
    呢樣野由開站到而家呢一刻都未改善過[16]
  • 你老味, 明明係講緊 mcdonald 有無果d 人架嘛(我唔係太想講果個名詞, 因為我都覺得好似有少少唔尊重佢地咁)
    無啦啦又轉話題, 當無左件事......
    你老母生你出黎係為乜架?
    你老母生你出黎係咪多能餘呀請問?[17]
  • 質素咁低既, 你學咩人成日扮專家?[18]
  • 原本(真係)想同你地講, 如果陳方安生今次贏到港島區立法會補選既....
    我係客觀情況許可之下(例如無 lover), 將來會出黎從政....

    但係諗諗下都係唔夠膽咁講......
    根本都無可能既
    我其實只係一個好低能既人之嘛
    而且我自己真係真心覺得, 如果一個人無番咁上下既經濟支持(例如有番 d 錢咁), 真係唔應該從政囉我覺得[19]

http://moderator.mine.nu/files/shutuptai.gif

  • 我唔係撐果個所謂無理顧客(吉之島阿姐), 我隱約已經感覺到精神病既氣味
  • 我有咁既定力, 唔係人人都做得到[20]
  • 你地放心, 今晚食左藥啦, 而家我好正常, 我唔係未食藥先會講 d 咁唔正常既野[21]
  • 遇到我係你既不幸[22]
  • 太專業既野我唔會係高登(講) that's all[23]

[編輯] 個人大事記

[編輯] 大大師兄精華錄

[編輯] 大大師兄精華錄2006

2006年10月尾11月初，大大師兄因為經常在多個問題上自稱專家，引起會員anonz注意並蒐集其資料，並發了兩個post記述大大師兄之事跡：

其後我不愛蔡楓華又回帶。

大大師兄勿入

自此之後，大大師兄人氣急升，許多會員都向他詢問難題，但是這些問題以恥笑他令他出醜居多。大大師兄曾懷疑自己是一個現象，令他開始在各post發表偉論。

此舉激起各會員之憤怒，皆禁止他進入其post內發言。

[編輯] 大大師兄精華錄2007

大大師兄暗戀一間麥當勞的男經理

[編輯] 大大師兄食麵記

主條目：我唔直接答你

活著多好於21/1/2007問「點解沙津得d菜可以賣成三十幾蚊」，大大師兄卻以食車仔麵為例子，並叫人「自己參透下啦」。

大大師兄唔直接去答你，用例子答你。
上面講左乜野，自己參透下啦

錢唔緊要，但係健康好緊要

大大師兄望一眼就知衛生有問題

[編輯] 食麵過程

(由大大師兄親述，笑書神佛所寫)
入到去車仔麵間野
大大師兄係價錢牌望了幾眼。
粗幼麵果 D $9
出前一丁 $11
"食送"貴既 $6，平既 $5

心想：我食開三 "食送" ，淨係碗麵已經 $28
野飲無得平，$11 凍飲
食就要埋單 $39，仲未計我計劃叫埋油菜

大大師兄：咁貴㗎，http://forum2.hkgolden.com/faces/donno.gif
老板娘：差唔多㗎啦，哥仔。http://forum2.hkgolden.com/faces/smile.gif
大大師兄：有無平 D 既野呀咁？ http://forum2.hkgolden.com/faces/biggrin.gif
老板娘：有，$10 腸份，$10 粉果，$10 三隻粉果 http://forum2.hkgolden.com/faces/smile.gif (http://forum2.hkgolden.com/faces/angry.gif )
大大師兄：咁貴㗎，我買電話都有得平啦。買wii仲平50。你點做生意㗎，我知你可以賺好多㗎。http://forum2.hkgolden.com/faces/devil.gif
老板娘：http://forum2.hkgolden.com/faces/wink.gif ( http://forum2.hkgolden.com/faces/fire.gif )
大大師兄再望下佢個 "廚房" (車仔麵通常係o係出面架嘛)
心想：一定唔算係乾淨果隻。http://forum2.hkgolden.com/faces/donno.gif
大大師兄：(喃喃自語)又貴，又唔算係乾淨果隻。http://forum2.hkgolden.com/faces/donno.gif
老板娘：你講乜野呀？！！！ http://forum2.hkgolden.com/faces/fire.gif
大大師兄：一定唔算係乾淨果隻。http://forum2.hkgolden.com/faces/kiss.gif
老板娘：X你XX，無錢咪落家食野呀。http://forum2.hkgolden.com/faces/fire.gif http://forum2.hkgolden.com/faces/fire.gif http://forum2.hkgolden.com/faces/fire.gif
大大師兄：望一眼就知你衛生有問題。http://forum2.hkgolden.com/faces/slick.gif
老板娘：快Xd走，咪阻X住我做生意。http://forum2.hkgolden.com/faces/fire.gif http://forum2.hkgolden.com/faces/fire.gif http://forum2.hkgolden.com/faces/fire.gif.
大大師兄心知不妙，拔足而逃。逃走時大喊：
如果你知我係邊個，你一定唔夠膽串我。http://forum2.hkgolden.com/faces/slick.gif
.....續

[編輯] 後記

大大師兄的食麵言論吸引了高登另一位會員地產界革離為其不斷在其他無關的主題內張貼「大大師兄食麵記」，又不停發表針對大大師兄的言論及其食麵金句「我一望就知佢……」，有借大大師兄上位之嫌。

地產界革離的硬膠舉動卻吸引了大大師兄的注意。

[編輯] 大大師兄精華錄2008

2/5/2008 01:14 - 香港高登討論區 - 我而家會變番中立人士 此post大大師兄透露了自己失業的原因

「 我係果 d 人口中有優勢既人,咁又點?讀書叻,係咪問題?做野盡力,又係咪問題?老實講,我之前始終唔肯出番黎做野就係因為呢個原因。做野做得好反而成為俾人攻擊既原因,係咪好sad?

我真心,好感謝之前個老細,人又後生,又幾靚仔,係衰格左少少同串左少少.... 係公司可以搞到完全無政治,所以我都做得 ok 開心(係人工衰左少少, 8k 都無但係所有野一腳踢) 如果唔係去到最後, 知道佢原來對我 "咁有好感", 我又唔鍾意同老細有不尋常關係..... 我唔會有幾年都唔肯番出黎打工的

」

6/5/2008 04:00 - 香港高登討論區 - 高清好戲派: 牛腩3號 VS 大大師兄

大大師兄同牛腩3號係睇高清既電腦config上面各執一詞

24/6/2008 04:08 - 香港高登討論區 - 我又想講廢話(你唔鍾意我就唔該唔好入黎吠人) 大大師兄食麵記2008。大大師兄一萬蚊計埋租可以洗到三四個月。

[編輯] 大大師兄試高清機頂盒
主條目：大大師兄/試機頂盒事件
我要高清

2008年6月17日，大大師兄(帳戶為1+1=2＊64見)於高登吹水台內發表名為香港寬頻呢 d 公司, 真係信佢一成, 雙目失明！！！！的帖子，於帖子內猛烈批擊被香港寬頻客戶熱線的服務生誤導，欲往客戶服務中心試機之際，該此職員卻向他表示因服務中心未有數碼接收的覆蓋所以並沒有試機服務，令他未能為媽媽購買高清機頂盒。雖然有網友對此深感同情，可是仍然有大量網民報以恥笑。

[編輯] 大大師兄評物價

2008年7月22日，大大師兄(帳戶為1+1=2＊64見)於高登吹水台內發表原來物價升得咁離譜, 根本就係人為, 唔係自然引致，比較多項食品價格，認為「而家係某 d 公司 d 人, 無任何因素引致, 係佢地想加就加喎」，並忽然自我檢討：「但問題係....你地覺唔覺我俾建議既密度係太高呀?我唔覺得咁樣係一個健康既現象囉」

[編輯] 大大師兄論劉翔

2008年8月18日，劉翔因傷退出2008年北京奧運110米跨欄。事後大大師兄(帳戶為1+1=2＊64見)於高登吹水台內發表各位聽我講一句公道說話。大大師兄提及自己都算係"跑過下既人"，以前100m 係跑十幾秒，而家都唔過廿秒。

[編輯] 大大師兄露底反民主

2008年立法會選舉前，高登有眾多選舉政治討論。大大師兄不知何故經常指出部份支持社民連高登會員為親建制派，直至選舉前數日，更公然批評社民連，使用香港保皇人士之詞彙，指責社民連為偽民主派[24]。更公開承認與親建制派合作[25]，故大大師兄被認為高登內扮民主派份子。

[編輯] 大大師兄傳授攝影技術

12/7/2008 4:28 PM - 香港高登討論區 - DC 新手買相機, 普通DC定單反機好?? 大大師兄於post內聲稱一晚可以拍攝過千張相片，手持影相曝光2秒都唔會手震。

[編輯] 大大師兄精華錄2009

[編輯] 大大師兄抽HappyGal水

高登會員HappyGal離世後，大大師兄瘋狂發post抽水，盡顯煩膠本色。*4 點係天水圍(天華村), 5 點出到瑪嘉烈醫院?

[編輯] 打油詩

因為大大師兄之成就，各會員齊歌誦其偉大之處，即萬千巴打讚師兄。

大大師兄，範範皆精；天文地理，係佢至醒；
電腦科技，專業至勁；上山下海，山賊都驚；
偉大發明，直上火星；講親笑話，凍到結冰；
遇見老虎，跑返入城；妙用髮泥，塑造髮型；
膠post一出，個個中出；減肥瘦身，佢係精英；
空心老倌，吊到出精；ps打手，save卡能手；
講到9UP，佢係隻KING；郁下發火，應該無精；
情場高手，食極唔走；講就精英，現實傻鈴；
約佢碌鈴，佢就吃精；次次reply,笑到hihi；
J林高手,葵花至勁；知他是誰,唔敢串佢；
佢係智者,我切JJ；膠post一出,誰與爭鋒；
.................
真心難求,笑到戇尻...

[編輯] 引用及其他

  • 2007年8月22日，無綫於動畫《衝鋒21》中，當中人物引用了大大師兄的名句：「我唔直接去答你，用例子答你」。
  • 第42集《衝鋒21》，又引用此文中的另一句名言：「自己參透下啦！」。
  • 2007年12月18日，孫柏文在其《蘋果日報》專欄中寫道：「今日，唔直接答你，用例子答你。」[26]
  • 2008年7月16日，孫柏文再次在其《蘋果日報》專欄中寫道：「我唔直接答你，我用例子答 。」[27]
  • 2008年9月6日，無綫於動畫《機動戰士00》中，當中人物引用了大大師兄的名句：「如果你知我係邊個，你一定唔敢挑釁我」。
  • 第二季《衝鋒21》中，其中一集，門太在美國引用了大大師兄的名句：「我望一眼就知呢度嘅衛生有問題。」
  • 2009年10月31日，無綫於動畫《爆笑管家》中引用了大大師兄的名句：「如果你知我係邊個，你一定唔敢睇小我」。

從無綫動畫的引用量，有網民相信無綫有譯製或配音人員，經常瀏覽高登討論區。

我唔直接答你，等我用例子答你(原裝cap圖)

如果你知我係邊個(原裝cap圖)

你一定唔敢挑釁我(原裝cap圖)

如果你知我係邊個，你一定唔敢挑釁我(整句)

大大師兄金句漫畫：如果你知我係邊個

大大師兄金句漫畫：試高清機頂盒事件

[編輯] 榮譽

大大師兄以大熱姿態勇奪2006年度11月之星，力退poly畢業生及7L潮童等勁敵。值得一提是大大師兄乃少數月頭發功至月尾而獲取每月之星之得獎者，無視月尾發力之影響，可見其膠力之強大。

後來大大師兄於2007年2月再次當選，成為高登自2004年恢復每月之星選舉後，首次兩度當選的高登會員。

前任：
不教度陰山 		高登每月之星
2006年11月 		後任：
路過松鼠
前任：
巴貝利 		高登每月之星
2007年2月 		後任：
楊麗娟

[編輯] 參見

參考

  1. ↑ 我決定有 d 野而家可以講

[編輯] 外部連結

取自"http://evchk.wikia.com/wiki/%E5%A4%A7%E5%A4%A7%E5%B8%AB%E5%85%84"
評分