Wikia

香港網絡大典

女朋友帶你返屋企食飯

討論頁1
10,797個條目被收錄

女朋友帶你返屋企食飯》是一篇潮文,又名「公屋潮文」,原作者為高登討論區會員「高登教父」。文章描述「見家長」時,伯母對未來女婿不同家底的反應。

一段改編自此潮文的短片在2014年上旬推出後,因起不少討論並上報

原文

說話係難入耳…不過係事實︰

  1. (租人樓不論乜樓)女朋友帶你返屋企食飯…伯母問你住邊…我租人樓 ka…響深水埗呀…不過D租都好貴下業主又想加租…。冇辦法la想同佢過2人世界…家辛苦D。此時…伯母會話我有D唔舒服要入房先…你自便la…你就同女朋友大家眼望望…最終不歡而散……
  2. (公屋 租)女朋友帶你返屋企食飯…伯母問你住邊…我住公屋 ka…天水圍…天耀村呀…不過就租…早年走寶冇買到…好後悔…呢成餐飯…你會有飯食…可能又有肉食下…不過成餐飯伯母唔會再有野問你…話之你乜大學畢業…食完飯…伯母會大聲叫…女 送客…
  3. (公屋 買)女朋友帶你返屋企食飯…伯母問你住邊…我住公屋 ka…天水圍…天耀村呀…不過就買…早年老豆老母買落…都叫自己物業…算係咁la…呢餐飯…你會好開心…你會有飯食之餘又有雞胸食…伯母又會好欣賞你父母當年既決定…而且話題非常之廣…有講有笑…因為有樓…而且樓價升…話之你乜Seven大學畢業…食完飯…伯母仲會問你食唔食生果…走時仲會點點頭…
  4. (居屋 買)女朋友帶你返屋企食飯…伯母問你住邊…我住居屋 ka…600呎到la…早年老豆老母買落…叫自己物業lor…算係咁la…好過住公屋…好過租人樓…遲D一定會換私樓…外母會話你有志氣又叻仔…因為你已有物業…唔係9 up 能換到私樓既機會係有…呢餐飯…你會好開心…你會有飯食之餘又有魚食…大家會有講有笑…走時外母會問你點解坐多陣…
  5. (私樓 老豆老母買落)女朋友帶你返屋企食飯…伯母問你住邊…我住私樓 Ka…雖然響將軍澳…早年老豆老母買落…不過已經供完係自己物業…成餐飯…會好開心…好溫韾…你會好似多左個老母咁…伯母又會好欣賞你父母當年買樓既決定…呢餐飯…有飯食之餘又有雞脾食…而且講句野都可以大聲D而且笑容由心裡笑出…因為個女可以搵到個有樓……話之你有乜學位有乜沙紙…話之你老豆老母買落定自己買…樓契最緊要…走時外母會問你點解坐多陣…同女入房玩下電腦…
  6. (私樓 自己買)女朋友帶你返屋企食飯…伯母問你住邊…我住私樓 Ka…雖然響將軍澳…幾年前樓價低果時自己買落…雖然要供…不過供完之後係自己物業…成餐飯…你會好開心…好溫韾…你會好似多左個老母咁…伯母又會好欣賞你幾年前樓買樓既決定…呢餐飯…有飯食之餘又有雞脾食…外母笑容由心裡笑出…因為個女可以搵到個有樓之剩又搵到個叻仔…話之你有乜學位有乜沙紙…有樓最緊要…走時外母會問你點解坐多陣…同女入房玩下電腦…

衍生創作

電郵地址版

概念源於袁彌明聘請私人助理時,指不能接受用HotmailYahoo! Mail的男人:[1]

(hotmail)女朋友帶你返屋企食飯…伯母問你用咩email…我用hotmail ka…玩msn時開呀…不過都無咩email收發,冇所謂la,求其用開就用…用時有少少辛苦。此時…伯母會話我有D唔舒服要入房先…你自便la…你就同女朋友大家眼望望…最終不歡而散……

(yahoo mail)女朋友帶你返屋企食飯…伯母問你用咩email…我用yahoo架…係就係舊D…不過佢前排都更新過版面…早年見人開我咪開…好後悔…呢成餐飯…你會有飯食…可能又有肉食下…不過成餐飯伯母唔會再有野問你…話之你乜大學畢業…食完飯…伯母會大聲叫…女 送客…

(gmail)女朋友帶你返屋企食飯…伯母問你用咩email…我用gmail Ka…雖然未用得好熟…早年老豆老母叫我開的…不過大約自己都識用九成功能…成餐飯…會好開心…好溫韾…你會好似多左個老母咁…伯母又會好欣賞你父母當年叫你開gmail的決定…呢餐飯…有飯食之餘又有雞脾食…而且講句野都可以大聲D而且笑容由心裡笑出…因為個女可以搵到個用gmail的醒目仔……話之你有乜學位有乜沙紙…話之你老豆老母叫你開定自己開…用gmail就最緊要…走時外母會問你點解坐多陣…同女入房玩下電腦…

漫畫版

改編短片

深宵小巴

2013年尾,由開片Open Video製作的短片《深宵小巴》將經典的短篇潮文女友一句,全車靜晒》拍成短片,當中加入此潮文的內容加強男女主角交談張力。

開片Open Video - 潮文映画系列《深宵小巴》-014:11

開片Open Video - 潮文映画系列《深宵小巴》-0

公屋‧居屋‧私樓

2014年3月,再有人以此潮文為主題拍成短片,更邀得著名綠葉演員盧宛茵擔正飾演當中「伯母」一角,男主角則由有線電視體育記者陳焜傑飾演。網民對盧宛茵的演出大加讚好,認為她演活「伯母」對男主角不同家底的反應,片段在YouTube廣傳後更獲上報報道。[2][3][4][5]

公屋潮文 公屋●居屋●私樓10:39

公屋潮文 公屋●居屋●私樓

沉默的男人

《公屋‧居屋‧私樓》一片中大受網民歡迎的「世伯」被庫斯克用以創作文憑試作文題目「必要的沉默」相關文章,及後更被拍成「後傳」《沉默的男人》。[6]

公屋潮文之世伯後傳 沉默的男人09:53

公屋潮文之世伯後傳 沉默的男人

註解

Wikia里...

隨機wiki