家姐被炒潮文

香港網絡大典，真正屬於香港網民的網絡百科

《關心妍搞到我家姐無左份工》(或稱家姐被炒潮文、家姐潮文)的惡搞文章，約於2004年11月開始在網上散播，內容大致上是某人指責關小姐耍大牌，留難其在名牌時裝店工作的姐姐，最終令她被解僱。儘管關心妍早已否認此事，但此文章仍不斷在網上回帶。有指這是瘋狂歌迷的報復行為^[1]，而在某些討論區則是網民惡作劇的行為。

例如在高登討論區，最先張貼這文章是一個叫「on9仔」會員編號:106715 的會員，後來經過不斷回帶，這文章至今仍是高登的玩物。高登人多從欺騙網友觀看這潮文之中獲得快感，因而將文章改頭換面，或在潮文之前寫一些其他的事，再接駁至潮文，以達到愚弄別人的目的。

目錄 1 家姐被炒潮文原文及各版本 1.1 原文 1.2 改編版本 1.2.1 國家隊運動員版 1.2.2 內地版 1.2.3 英語版 1.2.4 日語版 1.2.5 火星文版 1.2.6 關羽版 1.2.7 關心妍被炒版 1.2.8 空姐版 1.2.9 關小姐自白版 1.2.10 家姐升職版 1.2.11 家姐升職版(完全版) 1.2.12 AK Zone貼圖區版 1.2.13 武館版 1.2.14 郭芙與小龍女版 1.2.15 九巴版 1.2.16 記敘文版 1.2.17 文言文版 1.2.18 濃縮版 1.2.19 潮文大雜燴版 1.2.20 特強升級版 1.2.21 最新溏心風暴版 1.2.22 AL影相女版 1.2.23 木星和記寬頻版 1.2.24 小松奈奈版 1.2.25 Victor老豆渣小巴版 1.2.26 四寶飯女子與美心亞叔事件版 1.2.27 四寶飯女子與美心亞叔事件第二版 1.2.28 Victor辭職事件版 1.2.29 法語版 1.2.30 阿哥發癲版 1.2.31 家姐被炒潮文(國家隊運動員版) 1.2.32 終極改編版 2 《家姐被炒潮文》的玩法 3 潮文於高登的情況 4 潮文在高登以外的情況 5 《家姐被炒潮文》的衍生作品 6 關於潮文的真確性 7 參考

[編輯] 家姐被炒潮文原文及各版本

[編輯] 原文

由於此文不斷被回帶，以致仔細看完文章的人不多，而文中亦有不少錯字，如第一段「收入不錯又隱定」、關心研等。

講起我就扯火啦
我家姐一路都在太古廣場一間名店做sales
間店有好多有錢人同名人幫襯
做了很多年，已經是senior
咁多年黎都好俾心機做，經理亦好like佢
因為收入不錯又隱定，家姐原本諗住同拍拖多年既bf結婚
咁多年黎我家姐好少俾人投訴
而且同好多大客既關係都唔錯
前排關心研去過我家姐間店幫襯
不過serve佢既不是我家姐，但佢一買就買左好多野
過左個幾星期，佢又再去間店行
上次serve果個Day-off, 咁我家姐就頂上serve佢
開頭已經好有禮貌介紹d新貨俾佢, 仲話俾折頭佢
佢就無乜反應，望一望另一堆客
果堆客係大陸人，三至四個，講野好大聲
關小姐就同我家姐講話可唔可以關左間鋪一陣
等佢揀衫
我家姐同我講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到關小姐黑口黑面，都識做話打電話去問一問老闆
老闆梗係話唔得啦，至多俾多d折頭她
咁關小姐就發老脾，鬧到我家姐一面屁
d說話勁難聽，又話自己買野既錢多過我家姐搵幾年既錢
我家姐都唔敢得罪佢，一味道歉
跟住關小姐就走左人，家姐就同老闆備案
老闆了解左情況就無再追問
過左兩日佢接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我家姐估黎估去都淨係得失過關小姐一人
總之俾老闆話左兩句
又過幾日，關小姐又黎
這次和件西裝友一齊，但好在成店都無其他客
我家姐怕又惹事，叫左個junior過去serve佢
點知條老西友係要點番我家姐serve.
根住關小姐就玩野，試衫，但話d衫俾其他人試過污糟
要開新衫試，我家姐雖然知公司唔俾咁做，
但怕左佢，唯有照做
點知試左兩三件，件件佢都要咁試又無話要
我家姐終於話唔好意思，其實唔可以咁做
(根本明知她玩野啦.....)
又係至多俾多d折頭佢
跟住佢件西裝友就鬧我家姐話"係咪話我地無錢買你地d野?"
我家姐話唔係，但佢照鬧
鬧左十幾分鐘
d同事見咁幫手，又照鬧
最終打俾老闆 備案
之後連收兩封warning letter
早兩日接埋大信封
年尾俾人炒左

[編輯] 改編版本

[編輯] 國家隊運動員版

講起我就扯火啦 我家姐一路都在一間百老X做sales
間店有好多有錢人同名人幫襯
做了很多年，已經是senior
咁多年黎都好俾心機做，經理亦好like佢
因為收入不錯又隱定，家姐原本諗住同拍拖多年既bf結婚
咁多年黎我家姐好少俾人投訴
而且同好多大客既關係都唔錯
前排一班國家隊運動員去過我家姐間店幫襯
我家姐就去serve佢
開頭已經好有禮貌介紹d新貨俾佢, 仲話俾折頭佢
佢就無乜反應，望一望另一堆客
果堆客係國家隊fans，三百至四百個，講野好大聲
班運動員就同我家姐講話可唔可以關左間鋪一陣
等佢地揀手機
我家姐同我講，佢公司一向唔俾佢地咁做(佢老世好憎國家隊)
驚做壞個頭，除非真係有美國隊(佢老世好like美國隊)，勁多記者(1000個)好混亂先可以咁做
但佢見到班運動員黑口黑面，都識做話打電話去問一問老闆
老闆梗係話唔得啦(佢老世好憎國家隊)，又話唔俾折頭佢地
咁班運動員就發老脾，鬧到我家姐一面屁
d說話勁難聽，又話自己買野既錢多過我家姐搵幾年既錢
我家姐都唔敢得罪佢，一味道歉
跟住班運動員就走左人，家姐就同老闆備案
老闆了解左情況就無再追問
之後國家主席胡錦濤打電話去問行政長官曾蔭權
胡錦濤問:你們香港的劉德華說今時今日咁既服務態度點得架是對的
你們香港不向中央感恩,要我的運動員買東西沒有折頭
過左兩日佢老闆接到曾蔭權的電話話中央政府要封殺我地百老X
話胡錦濤投訴佢態度唔好，唔理運動員感受
公司policy一向唔話俾佢地知係邊次事件
我家姐估黎估去都淨係得失過一班國家隊運動員
總之俾老闆話左兩句
之後連收兩封warning letter
早兩日接埋大信封
年尾俾人炒左

[編輯] 內地版

首先说明，这个是正经帖子
我真的是想跟大家说
让大家不要盲目追求所谓的偶像
我姐姐一直都在太古广场一家名店做售货员
这店有很多有钱人和名人光顾
工作了很多年，已经是高级职员
这么多年都很用心去做，经理亦很赏识她
因?收入不错又隐定，姐姐打算跟拍拖多年的男友结婚
多年来我家姐很少给别人投诉
而且和很多大客户的关系都不错
前一阵子关心研到过我姐姐的店光顾
可是服务她的不是我姐姐，但她一回就买了很多东西
过左个几星期，她再去这店
上回服务她的店员休息, 这我姐姐就替上服务她
一开首已经很有礼貌介绍新货给她, 还给她打折
可是她没有什么反应，望一望其他客人
这班是国内朋友，三至四个，说话嗓子很大
关小姐跟我姐姐说可不可以先关门一会
等她选衣服
我姐姐跟我说，她公司一直都不会让她们这样做 怕开了坏先例，除了有很出名的人物，很多记者引致混乱才可以这样做
可是她看到关小姐给脸色她看，唯有打电话去问一问经理
经理说当然不行，只可以多打折
这样关小姐就耍脾气，骂得我姐姐半死
说的话都不能听进的，又说自己买东西的钱比我姐姐几年的工钱还多
我姐姐怕开罪她，只好道歉
接着关小姐就离开了，姐姐就跟经理备案
经理了解了有关情况就没再追问
过了两天姐姐接到经理电话说收到投诉
说某人投诉她态度不佳，不理会顾客感受
公司政策一向不会告诉她是哪次的事件
我姐姐猜想都只有开过关小姐一个人
结果给经理骂了一阵子
过了几天，关小姐再光顾
这次跟一个寡穿西服的男人，但幸好全家店都没有其他顾客
我姐姐怕她再生事，指派了一个初级职员服务她
可以穿西服的指明要我的姐姐服务他们
接着关小姐就生事，试衣服，但说衣服让其他人试着会很脏
要试穿新衣服，我姐姐知道公司不会让她们这样做，
但怕了她，唯有这样做
可以试了两三套衣服，每套只是试穿但就不买
我姐姐结果说不好意思，公司不可以让她们这样做
(她根本知道关小姐在生事.....)
还是只可以多给她折扣
接着穿西服的就骂我姐姐说"是不是说我们没钱买她们的东西？ "
我姐姐说不是，可以他只管骂
骂了十多分钟
同事来解围，西服的还是只管骂
最终向了经理备案
过一阵子接连收到两封警告信
前两天再接了解雇信
年终被解雇了

[編輯] 英語版

My sister had been working in a famous boutique in Pacific Place as a salesperson for many years. Many rich people and celebrities do shopping in this shop. After working for a long time, she was promoted as a senior salesperson. She had the favour of the manager because of her good working attitude. As she had a stable job and income, she planned to marry her boyfriend who had been with her for many years. Throughout these years, my sister received very few complaints and she kept good relationships with many premium customers. Some days ago, Jade Kwan visited her shop and bought many things. But my sister was not the one to serve her. After almost 2 weeks, Jade Kwan visited the shop again. The salesperson who served her last time was off duty that day. My sister substituted her position. At the beginning, my sister introduced her the new arrivals politely and offered her a discount. However, Jade Kwan had no response but glanced at the other 3 to 4 mailand customers, who had been talking noisily. Jade Kwan asked my sister if she could close the shop for a while for her to shop alone. My sister once told me that the company did not allow them to do so as it would set a bad example. There could be an exception only when there was a bigwig and when the shop could be made messy with lots of reporters. However, detecting Kwan's discontented look, my sister still gave a call to her boss. Of course, the boss did not allow her to do so and said that she could only give her more discounts. Then Jade Kwan lost her temper and scolded my sister. Her words were very offensive. She cried that the amount she spent on clothes was much larger than that of her salary of several years. My sister dared not to offend her, so she just kept on apologizing to her. Jade Kwan finally left. My sister informed her boss about this incident. Knowing the situation, her boss did not ask her anymore regarding this incident. Two days later, she received a call from her boss, saying that there was a complaint about her poor attitude and the being not concerned about the feeling of the customers. Because of the company’s policy, she was not able to know which incident her boss was referring to. After several thoughts, she knew it was probably the complaint from Jade Kwan. Anyway, she was being lectured. After a few days, Jade Kwan came to the shop again with a man in suit. Luckily, there were no other customers. My sisiter was reluctant to server Jade Kwan again, so she assigned a junior saleperson to serve her. However, the man insisted that my sister should be the one to serve Jade Kwan. Then Jade Kwan played tricks on my sister. She wanted to do some fittings, but she moaned others had already tried on the displayed clothes and she wanted to try new ones. Although my sister knew that the company did not allow this practice, she still agreed to do so as she was afraid of her. However, after trying on some new clothes, she showed no intention to buy them. Finally, my sister excused herself and told her that actually she was not allowed to let her do so, so she suggested giving her more discounts (but Jade Kwan was fooling her explicitly). Then the man blamed my sister, “You think that we have no money to buy the clothes?” My sister denied, but he still kept on blaming her for some minutes. My sister’s colleagues tried to help her, but they blamed her too. At last, they reported to the boss. Later, my sister received two warning letters. Two days before, she received a release letter and was fired at the end of the year.

[編輯] 日語版

私の姐はずっとすべてとても古いている広場一カ所の有名な店は売り子になります
これ店はたくさんの金持ちと名人がご来店します
仕事のたくさんの年，もうシニアスタッフでした
こんな数年とても気をつけてなりに行って，社長も彼女をとてもよさを買います
ので？ 収入はよくまたきっとかくして，お姐さんはついて行って数年恋愛するつもりボ-イフレンドが結婚する以上は
数年来私の姐はめったに他人に告訴してくださいない
それにたくさんの大きい取引先の関係とすべていい
しばらくの間すりつぶして私の姐の店へご来店に行くことに関心を持つたことがあります
しかしサ-ビスは彼女のがではないと私の姐，彼女の一回はたくさんのものを買った
左の何週間を通って，彼女はまたこれ店に行きます
前回サ-ビスするのは彼女の店員は休んだ，彼女をこの私の姐はサ-ビスにおとろえあがった 頭を写くともうとても礼儀が正しい彼女に新しい商品を紹介してあげて，また彼女に割り引きしてあげた
しかし彼女がどんな反応がないんで，ちょっとほかのお客さんをのぞみます
これクラスは国内の友人で 三つから四つまで話してのどはとても大きい
おじょうさまをしめて私のお姐さんとまずすぐ門を締めることができるか言います
彼女が着物を選ぶことを待ちます
私の姐は私と彼女会社はずっとすべて彼女たちをこのようにさせるはずがないと言います
悪い先例を開けたことを恐れる とても花形がいること以外，たくさんの記者は引きおこして混乱こそこのようにすることができる
しかし彼女がおじょうさまをしめて彼女に顔色をやって見ることを見て，ちょっとただ電話をかけて社長を聞きに行きます
社長はもちろんだめに言って，ただ多く割り引きすることができる
おじょうさまをこのようにしめるとわざとひねくれて，私の姐は半殺しほどしかります
言う言葉はも聞き入れるではいけないの，も自分で買い物する金私の姐より何年の工賃を言うのはまだ多い
私の姐は刑罰を写くことを恐れて彼女，謝ります
続いておじょうさまをしめると離れて，お姐さんは社長と記録にとどめます
関係情況がまた追究しなかったと社長はよく知った
二日すればお姐さんは社長の電話を受け取って受け取って告訴すると言います
彼女の態度が良くない，顧客が分からなくて感じるとある人は告訴すると言います
会社の政策は今までずっと彼女にどれの事件であることを教えるはずがないです
私の姐はみんな難関を突破するおじょうさま人を開けると推測します
結果は社長にしばらく罵ってあげた
何日すれば，おじょうさまをしめてまたご来店します
今回とひとりの少なく洋服を着る男が，幸いに一家の店は全部ほかの顧客がないです
私の姐は彼女がことを復生することを恐れて，ひとりの初級の職員を任名してから彼女がサ-ビスします
洋服を着てもいいはっきりと指摘して私がほしい姐は彼らがサ-ビスします
続いておじょうさまをしめると事を起こす 着物を試しますが，着物はほかの人は試すのはとても汚なくなると言います
新しい着物を着てみなければならないです 私の姐は彼女たちがこのようにすればと会社がはずがないと知っている
しかし彼女を恐れた，ただこのようにします
二枚のトリオの着物を試みてもいいですが，毎セットはただ着てみると買わないです
私の姐の結果は会社は彼女たちをこのようにさせることができないとはずかしく言います
(彼女はまったくおじょうさまをしめて事を起こしていると知っています .....)
やはりただ多く彼女に割引を與えてもいいだ
続いて洋服を着るのは私の姐を罵って話します」 私たちは金がなくて彼女たちのものを買うと言いますか。 "
私の姐はではない，彼はどんどん罵るすることができると言います
十分間あまり罵った
同僚は包囲を解きにきて，洋服のはやはりどんどん罵るする
最終社長に記録にとどめます
あやまちはしばらく続けざまに二通受け取って手紙を警告します
二日前またつづけてから手紙を首にした
年末は首にされた

[編輯] 火星文版

禾＋女且～一路刀在＊～太古廣場～＊一間名店dｏ sａＬEs＊～
間店有巧多有＄＄人同名人幫襯
dｏ jｏr 巧多年，已經系ＳEｎｉoｒ╘╧
拱多年黎刀巧俾心機do，經理亦巧like佢〒〒
因為收入不錯又隱定，＋女且原本lum住同拍拖多年既bf豬結婚
摃多年黎禾＋女且巧少俾人投訴～
╭╯╭╯而且同巧多大客既關係刀5金昔～～
前排關心研去過禾＋女且間店幫襯
不過serve佢既吾系禾＋女且，但佢一買就買jｏ巧多野～＞３＜
過jｏr個幾星期，佢又再去間店行♂→
上次serve戈個Day-off, 拱禾＋女且就丁頁上serve佢～
開頭已經巧有禮貌介紹d新貨俾佢, 仲言舌俾折豆頁佢～
佢就矛乜反應，望一望另一堆客～
果堆客系大6人，3至4個，講里予巧大聲～～
關小女且就同禾＋女且講言舌可　5可以關jｏ間鋪一陣～～
等佢揀33～～＞３＜
禾＋女且同禾講，佢公司一向　5俾佢土也拱do～
京do壞個豆頁，除非真係有乜大人物，巧多記者巧混亂先可以拱do
但佢見到關小女且黑口黑面，刀識do言舌打電言舌去問一問老闆
老闆拱系係言舌吾得la，至多俾多d折豆頁她
拱關小女且就發老脾，鬧到禾＋∩女且一面屁├┤├┤├┤
d說話勁難聽，又話自己買野既＄多過禾＋女且搵幾年既＄
┼┼┼┼┼vvv禾＋女且DO吾敢得罪佢，一味道歉├┤├┤├┤├┤
跟住關小女且就走jｏ人，＋女且就同老闆備案├┤├┤
老闆了解jｏr情況就矛再追問
過jｏr兩日佢接到老闆電言舌言舌收到cｏmPＬａｉnt
言舌有人投訴佢態度　５巧，　NＧ王里 顧客感受◤
┼┼┼┼┼┼┼┼┼v公司policy一向　NＧ話俾佢土也知系邊次事件
禾＋女且估黎估去刀淨系得失過關小女且一人
◤ 總之俾老闊話jｏ兩句
又過幾日，關小女且又黎△△△
這次禾口件西裝友一齊，但巧在成店刀矛其他客
禾＋女且怕又惹事，叫jｏ個junior過去seRvｅ佢
典豬條老西友系要典番禾＋女且sｅrｖe=口=
跟住關小女且就 王元 里予，言式 3，旦言舌d3俾其他人 言式 過污糟 ＞_＜
要開新3試，禾家女且雖然知公司5俾拱做，
但怕jｏr佢，唯有照do
典豬言式jｏr兩3件，件件佢都要試試又矛言舌要＞___＜
禾＋女且終於言舌吾巧意思，其實吾可以拱做＞___＜
(根本日月豬佢 王元 里予lａ.....)
又系至多俾多d折豆頁佢
跟住佢件西裝友京尤鬧禾＋女且言舌"系米言舌禾土也無＄買梨土也d里予?"
禾＋女且言舌吾系，旦佢照鬧＞＿＜
鬧jｏr十幾分鐘＞___＜
d同事見拱幫手，又照鬧＞___＜
最糸冬打俾老闆 備案＞___＜
之後連收兩圭寸ｗaｒnｉnｇ ｌeｔtｅr
早兩日接土里大信圭寸
年尾俾人火少jｏr／口＼

[編輯] 關羽版

我家姐一路都在太古市集一間武器店做sales....
間店有好多達官貴人幫襯
做了很多年，已經是senior
咁多年黎都好俾心機做，掌櫃亦好like佢
因為收入不錯又穩定，家姐原本諗住同拍拖多年既bf成親
咁多年黎我家姐好少俾人投訴
而且同好多大官既關係都唔錯
前排關羽去過我家姐間店幫襯
不過serve佢既不是我家姐，但佢一買就買左好多武器
過左個幾星期，佢又再去間店行
上次serve果個Day-off, 咁我家姐就頂上serve佢
開頭已經好有禮貌介紹d新武器俾佢, 仲話俾discount佢
佢就無乜反應，望一望另一堆客
果堆客係外族人，三至四個，講野好大聲
關羽就同我家姐講話可唔可以關左間鋪一陣
等佢揀刀
我家姐同我講，佢公司一向唔俾佢地咁做
驚做壞個頭，除非真係皇帝黎，好多大內密探好混亂先可以咁做
但佢見到關羽黑口黑面，都識做話飛鴿傳書去問一問掌櫃
掌櫃梗係話唔得啦，至多俾多d discount 佢
咁關羽就發老脾，鬧到我家姐一面屁
d說話勁難聽，又話自己買野既銀兩多過我家姐搵幾年既銀兩
我家姐都唔敢得罪佢，一味道歉
跟住關羽就走左人，家姐就同掌櫃備案
掌櫃了解左情況就無再追問
過左兩日佢接到掌櫃話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我家姐估黎估去都淨係得失過關羽一人
總之俾掌櫃話左兩句
又過幾日，關羽又黎
這次和張飛一齊，但好在成店都無其他客
我家姐怕又惹事，叫左個junior過去serve佢
點知條張飛係要點番我家姐serve.
根住關羽就玩野，試刀，但話d刀俾其他人試過污糟
要開新刀試下搵人斬，我家姐雖然知公司唔俾咁做，
但怕左佢，唯有照做
點知斬左十幾個，個個佢都要係咁斬又無話要
直到d人死得七七八八
我家姐終於話唔好意思，其實唔可以咁做
(根本明知佢玩野啦.....)
又係至多俾多d discount佢
跟住佢件張飛就鬧我家姐話"係咪話我地無銀兩買你地d野?"
我家姐話唔係，但佢照鬧
鬧左幾個時辰
d同事見咁幫手，又照鬧
最終飛鴿傳書掌櫃 備案
之後連收兩封warning letter
早兩日收監
年尾俾人問斬左

[編輯] 關心妍被炒版

話說關心妍未出道前一路都在太古廣場一間名牌做sales
間店有好多有錢人同名人幫襯
做了很多年，已經是senior
咁多年黎都好俾心機做，經理亦好like佢
因為收入不錯又隱定，關心妍原本諗住同拍拖多年既bf結婚
咁多年黎關心妍好少俾人投訴
而且同好多大客既關係都唔錯
前排我家姐去過關心妍間店幫襯
不過serve佢既不是關心妍，但我家姐一買就買左好多野
過左個幾星期，我家姐又再去間店行
上次serve果個Day-off, 咁關心妍就頂上serve佢
開頭已經好有禮貌介紹d新貨俾我家姐, 仲話俾折頭佢
我家姐就無乜反應，望一望另一堆客
果堆客係大陸人，三至四個，講野好大聲
我家姐就同關心妍講話可唔可以關左間鋪一陣
等佢揀衫
關心妍同我家姐講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到我家姐黑口黑面，都識做話打電話去問一問老闆
老闆梗係話唔得啦，至多俾多d折頭佢
咁我家姐就發老脾，鬧到關心妍一面屁
d說話勁難聽，又話自己買野既錢多過關心妍搵幾年既錢
關心妍都唔敢得罪佢，一味道歉
跟住我家姐就走左人，關心妍就同老闆備案
老闆了解左情況就無再追問
過左兩日關心妍接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
但關心妍估黎估去都淨係得失過我家姐一人
總之俾老闊話左兩句
又過幾日，我家姐又黎
這次和件西裝友一齊，但好在成店都無其他客
關心妍怕又惹事，叫左個junior過去serve佢
點知條老西友係要點番關心妍serve.
根住我家姐就玩野，試衫，但話d衫俾其他人試過污糟
要開新衫試，關心妍雖然知公司唔俾咁做，
但怕左我家姐，唯有照做
點知試左兩三件，件件佢都要咁試又無話要
關心妍終於話唔好意思，其實唔可以咁做
(根本明知她玩野啦.....)
又係至多俾多d折頭佢
跟住佢件西裝友就鬧關心妍話"係咪話我地無錢買你地d野?"
關心妍話唔係，但佢照鬧
鬧左十幾分鐘
d同事見咁幫手，又照鬧
最終打俾老闆備案
之後關心妍連收兩封warning letter
早兩日接埋大信封
年尾俾人炒左
最後做左藝人

[編輯] 空姐版

我家姐一路都在一間名牌航空公司做空姐
間野有好多有錢人同名人幫襯
做了很多年，已經是senior 去左頭等做
咁多年黎都好俾心機做，經理亦好like佢
因為收入不錯又隱定，家姐原本諗住同拍拖多年既bf結婚
咁多年黎佢家姐好少俾人投訴
而且同好多乘客既關係都唔錯
前排有個闊太坐過我家姐個間航空公司
不過serve佢既不是我家姐，但佢坐就係坐頭等
過左個幾星期，佢又再去搭呢間航空公司
上次serve果個Day-off, 咁我家姐就頂上serve佢
開頭已經好有禮貌介紹降落程序, 仲話幫佢拎去行李架
佢就無乜反應，閱讀時裝雜誌, 婉拒空姐要求
仍然將手袋放於原處
我家姐同佢講，佢公司一向都係咁做
驚有咩意外，就算真係有乜大人物，拎住咩野名牌手袋都唔得
但佢見到闊太黑口黑面，都識做去問下機艙服務女經理
經理梗係話唔得啦，連折頭都唔會比
指其他航空公司亦不需要這樣做，婉拒空姐要求，仍然將手袋放於原處，該空姐通知上司，
由一名中國籍機艙服務女經理加入勸喻，但未能說服。
咁闊太就發老脾，鬧到我家姐一面屁
d說話勁難聽，又話其他航空公司亦不需要這樣做
我家姐都唔敢得罪佢，一味道歉
跟住闊太就走左人，個機師就同警察備案 機師了解左情況就無再追問 過左兩日佢接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我家姐估黎估去都淨係得失過闊太一人
之後連收兩封warning letter
早兩日接埋大信封
年尾俾人炒左

[編輯] 關小姐自白版

作為一個歌手，要shopping 其實真係好麻煩，更會唔知o係邊度惹埋d是是非非
其中最麻煩o既，莫過於o係太古廣場某名店o既經歷
因為聽朋友介紹，所以去咗o個間名店睇下有冇衫o岩買
結果發現d衫好o岩自己，而且個sales幾nice
所以雖然d衫係幾貴
但都一口氣買咗唔少衫，都算大出血
過咗幾星期見放假
所以又去o個間鋪頭睇下衫
上次serve我個staff好似放假
有第二個sales serve我
其實呢個sales都算幾有禮貌
不過呢次d衫唔係好岩我
所以都冇乜心機揀，同個sales都係一句起兩句止
唔似同上次o個個咁好傾
跟住有d黎自內地o既人入咗黎
佢地好鬼嘈，又好似未見過明星咁又簽名又照相
咁我就同個sales開玩笑咁話不如關咗間鋪
點知我都未講得切「講笑啫」佢就衝咗佢問佢老細
跟住又走返黎同我講唔關得鋪
o個一刻我真係俾班內地客煩到炆炆地
想走
但個sales仲係咁push我
我唯有講句「都係下次先啦」就走喇
再過幾日
同個男性朋友E君又行過太古廣場
諗住又去睇下衫
E君成日無事獻殷勤
都唔知係唔係心懷不軌
入到去，本來應該係佢地一個junior serve
但因為我認得第二次去時serve我個sales
我同佢打咗聲招呼，E君就硬要o個個sales serve我
咁我都冇乜所謂咁揀衫
睇岩咗幾件衫諗住試下
點知呢個時候，E君突然要個sales攞新衫俾我試
咁我見個sales無話唔得，咁就試咗幾件
不過都係睇唔岩
跟住個sales話佢地公司其實唔俾用新貨試衫
我覺得合理，諗住話無所謂時
E君突然連珠爆發咁狂鬧個sales
個可憐o既sales已經係咁道歉
但E君都係繼續鬧
甚至連其他staff都鬧埋
鬧咗十幾分鐘都無停
我覺得佢太失禮我
所以好嬲咁離開間鋪…
過兩日我返到間鋪
諗住同俾E君鬧個sales say sorry
點知佢地話o個個sales因為俾人投訴而炒咗
大既係E君所為吧
呢件事真係令我有d內疚

[編輯] 家姐升職版

我朋友的家姐是在太古廣場某時裝店做店員
某日關心研來買衫, 原來關心研好好人, 沒有架子,
在老闆面前稱讚朋友的家姐,
那日朋友的家姐還因此升職加薪.

[編輯] 家姐升職版(完全版)

我家姐一路都在太古廣場一間名牌做sales
間店有好多有錢人同名人幫襯
做了很多年，已經是senior
咁多年黎都好俾心機做，經理亦好like佢
因為收入不錯又穩定，家姐原本諗住同拍拖多年既bf結婚
咁多年黎佢家姐好少俾人表揚
而且同好多大客既關係都唔錯
前排關心研去過我家姐間店幫襯
不過serve佢既不是我家姐，但佢一買就買左好多野
過左個幾星期，佢又再去間店行
上次serve果個Day-off, 咁我家姐就頂上serve佢
開頭已經好有禮貌介紹d新貨俾佢, 仲話俾折頭佢
佢就無乜反應，望一望另一堆客
果堆客係大陸人，三至四個，講野好大聲
關小姐冇理佢地
我家姐就話關左間鋪一陣 等佢揀衫
我家姐同我講，佢公司一向唔俾佢地咁做
但為左關小姐先咁做
佢見到關小姐好似好開心，就打電話去同老闆講
老闆梗係話好啦，仲拍案叫好
咁關小姐就勁開心，讚到我家姐天上有地下無
d說話勁好聽，又話自己買既野送一半比我家姐
我家姐都唔敢要，一味話唔好
跟住關小姐就走左人，家姐就同老闆傾偈
老闆了解左情況就無再追問
過左兩日佢接到老闆電話話收到表揚
話有人讚佢態度勁好，完全顧及客人感受
公司policy一向唔話俾佢地知係邊次事件
我家姐估黎估去都淨係招待過關小姐一人
總之俾老闊讚左兩句
又過幾日，關小姐又黎
這次和件西裝友一齊，但好在成店都無其他客
我家姐怕關小姐又送衫比佢，叫左個junior過去serve佢
點知條老西友係要點番我家姐serve.
根住關小姐就搵家姐做MODEL試衫，但話d衫好貴，叫家姐拎D倉底貨比佢
我家姐雖然知咁做唔係幾好
但服左佢，唯有照做
點知試左兩三件，件件佢都咁岩心水
我家姐終於話唔好意思，其實唔可以比倉底貨Client
(根本明知她有心幫家姐做多D營業額)
又係至多介紹多d新衫比佢
跟住佢件西裝友就笑我家姐話"係咪驚關心妍著倉底貨比人笑呀？"
我家姐話唔係，但佢地照笑
笑左十幾分鐘
d同事見到咁，就幫手拎倉底貨出黎，西裝友又照笑
最終打俾老闆講番件事，老闆讚佢做得好，清哂倉底貨
之後連收兩封表揚信
早兩日接埋升職信
年尾分左五倍花紅

[編輯] AK Zone貼圖區版

我家姐一路都在AK Zone一個貼圖區做版主
個貼圖區有好多VIP會員同所謂Model貼相
做了很多年，已經是正式版主
咁多年黎都好俾心機做，貼圖區總監亦好like佢
因為AK 廣告收入不錯又隱定，網主諗住同拍拖多年既網主秘書結婚
咁多年黎我家姐好少俾人投訴
而且同好多VIP會員既關係都唔錯
前排關心研去過我家姐個貼圖區貼相
不過serve佢相既不是我家姐，但佢一貼就貼左好多相
過左個幾星期，佢又再去個貼圖區貼相
上次serve果個off左line, 咁我家姐就頂上serve佢
開頭已經好有禮貌介紹d 假眼con俾佢, 仲話俾折頭佢
佢就無reply，望一望另一堆會員D留言
果堆會員係潮童，三十至四十個，D流鶯字好大隻花哩碌但唔知嗡乜春
關小姐就同我家姐講話可唔可以關左回覆同貼相功能一陣
淨係俾佢貼相
我家姐同我講，AK Zone一向唔俾佢地咁做
驚做壞個頭，除非真係有高登人搞事，好多新會員扮顏福偉炸版先可以咁做
但佢見到關小姐黑口黑面，都識做話打電話去問一問貼圖區總監
貼圖區總監梗係話唔得啦，至多推佢上第一頁既靚相咪走雞威下
咁關小姐就發老脾，鬧到我家姐一面屁
d pm 勁難聽，又話自己一個禮拜貼既相多過我家姐貼幾年既相
我家姐都唔敢ban佢，一味道歉
跟住關小姐就logout左，家姐就同貼圖區總監備案
貼圖區總監了解左情況就無再追問
過左兩日佢接到網主pm話收到complaint
話有人投訴佢態度唔好，唔理貼圖區會員感受
AK policy一向唔話俾佢地知係邊次事件
我家姐估黎估去都淨係得失過關小姐一人
總之俾網主話左兩句
又過幾日，關小姐又online
這次和隻五呎狗牙狗一齊，但好在成晚都無乜人貼相
我家姐怕又惹事，send左個url俾個見習版主去serve佢
點知隻狗牙狗係要點番我家姐serve..
根住關小姐就玩野，試用VIP，但話得三日試用唔夠佢玩，要俾夠一個月佢
我家姐雖然知 AK 唔俾咁做，
但怕左佢，唯有照做
點知貼左兩三張相，張張佢都話唔靚要Delete番，但試用VIP又唔可以Delete相
我家姐終於話唔好意思，其實版主唔可以幫人Delete相
(根本明知她玩野啦.....)
又係至多推佢上靚相咪走雞
跟住條狗牙狗就吠我家姐話"係咪想話我地無錢申請你地個VIP?"
我家姐話唔係，但佢照吠
吠左十幾個post
d見習版主見咁幫手，又照鬧
最終pm俾網主備案
之後連收兩封warning pm
早兩日俾人開埋置頂革職公告topic
月尾俾人ban左

[編輯] 武館版

我師姐一路都在京城一間武館做教頭
間館有好多有錢人同名人上堂
做了很多年，已經是senior
咁多年黎都好俾心機教，掌門亦好like佢
因為收入不錯又隱定，師姐原本諗住同指腹為婚多年既未婚夫成親
咁多年黎我師姐好少俾人投訴
而且同好多學生既關係都唔錯
前排關心研去過我師姐間館上堂
不過教佢既不是我師姐，但佢一學就學左好多套拳
過左個幾星期，佢又再去間館學野
上次教果個去左行鏢, 咁我師姐就頂上教佢
開頭已經好有禮貌介紹d新招俾佢, 仲話俾拆頭佢
佢就無乜反應，望一望另一堆學生
果堆客係江南人，三至四個，講野好大聲
關小姐就同我師姐講話可唔可以關左間館一陣
等佢練拳
我師姐同我講，佢武館一向唔俾佢地咁做
驚做壞個頭，除非真係有乜大人物，好多隨從好混亂先可以咁做
但佢見到關小姐黑口黑面，都識做話飛鴿去問一問掌門
掌門梗係話唔得啦，至多送多幾招給她
咁關小姐就發老脾，鬧到我師姐一面屁
d說話勁難聽，又話自己學野既學費多過我師姐搵幾年既錢
我師姐都唔敢得罪佢，一味道歉
跟住關小姐就走左人，師姐就同掌門備案
掌門了解左情況就無再追問
過左兩日佢接到掌門書簡話收到complaint
話有人投訴佢態度唔好，唔理學生感受
武館規矩一向唔話俾佢地知係邊次事件
我師姐估黎估去都淨係得失過關小姐一人
總之俾掌門話左兩句 又過幾日，關小姐又黎
這次和個家丁一齊，但好在成館都無其他學生
我師姐怕又惹事，叫左個師弟過去教佢
點知個家丁係要點番我師姐教..
根住關小姐就玩野，試刀，但話d刀俾其他人試過污糟
要開新刀試，我師姐雖然知武館唔俾咁做，
但怕左佢，唯有照做
點知試左兩三把，把把佢都要咁試又無話要
我師姐終於話唔好意思，其實唔可以咁做
(根本明知她玩野啦.....)
又係至多送多幾招俾佢
跟住佢件家丁就鬧我師姐話"係咪話我地無錢學你地d野?"
我師姐話唔係，但佢照鬧
鬧左十幾炷香時間
d師兄弟見咁幫手，又照鬧
最終飛鴿俾掌門備案
之後連收兩道警告令牌
早兩日接埋大錦囊
年尾俾人逐左出師門

[編輯] 郭芙與小龍女版

我家姐一路都在襄陽城一間名牌做sales
間店有好多有錢人同名人幫襯
做了很多年，已經是senior
咁多年黎都好俾心機做，經理亦好like佢
因為收入不錯又隱定，家姐原本諗住同拍拖多年既男友結婚

咁多年黎我家姐好少俾人投訴
而且同好多大客好似楊過既關係都唔錯
前排小x女去過我家姐間店幫襯
不過serve佢既不是我家姐，但佢一買就買左好多野

過左個幾星期，佢又再去間店行
上次serve果個Day-off, 咁我家姐就頂上serve佢
開頭已經好有禮貌介紹d新貨俾佢, 仲話俾折頭佢
佢就無乜反應，望一望另一堆客
果堆客係蒙古人，三至四個，講野好大聲
小x女就同我家姐講話可唔可以關左間鋪一陣
等佢揀衫,br>
我家姐同我講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到龍姑娘黑口黑面，都識做話飛鴿去問一問老闆
老闆梗係話唔得啦，至多俾多d折頭她

咁龍姑娘就發老脾，鬧到我家姐一面屁
d說話勁難聽，又話自己買野既錢多過我家姐搵幾年既錢
我家姐都唔敢得罪佢，一味道歉

跟住龍姑娘就走�人，家姐就同老闆備案
老闆了解左情況就無再追問

過左兩日佢接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我家姐估黎估去都淨係得失過龍姑娘一人
總之俾老闊話左兩句

又過幾日，龍姑娘又黎
這次和件道士一齊，但好在成店都無其他客
我家姐怕又惹事，叫左個妹仔過去serve佢
點知條道士係要點番我家姐serve..

根住龍姑娘就玩野，試衫，但話d衫俾其他人試過污糟
要開新衫試，我家姐雖然知公司唔俾咁做，
但怕左佢，唯有照做
點知試左兩三件，件件佢都要咁試又無話要
我家姐終於話唔好意思，其實唔可以咁做
(根本明知佢玩野啦.....)
又係至多俾多d折頭佢
跟住佢件道士就鬧我家姐話"係咪話我地無錢買你地d野?"
我家姐話唔係，但佢照鬧
鬧左十幾分鐘
d同事見咁幫手，又照鬧
最終久鴒傳書俾老闆備案

之後連收兩封warning letter
早兩日接埋大信封
年尾俾人炒左

[編輯] 九巴版

我大伯一路都在九巴做司機
間公司有好多有錢人同名人幫襯
做了很多年，已經是senior
咁多年黎都好俾心機做，站長亦好like佢
因為收入不錯又隱定，大伯原本諗住俾佢個拍拖多年既仔同人結婚
咁多年黎我大伯好少俾人投訴
而且同好多大客既關係都唔錯
前排關X研搭過我大伯架巴士
不過serve佢既不是我大伯，但佢一搭就搭左好耐
過左個幾星期，佢又再去搭果架巴士
上次serve果個Day-off,咁我大伯就頂上serve佢
開頭已經好有禮貌叫佢上車,仲話俾轉乘優惠佢
佢就無乜反應，望一望另一堆客
果堆客係大陸人，三至四個，講野好大聲
關小姐就同我大伯講話可唔可以關左間車一陣
等佢影相
我大伯同我講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到關小姐黑口黑面，都識做話打電話去問一問站長
站長梗係話唔得啦，至多俾多d轉乘優惠她
咁關小姐就發老脾，鬧到我大伯一面屁
d說話勁難聽，又話自己搭車既錢多過我大伯搵幾年既錢
我大伯都唔敢得罪佢，一味道歉
跟住關小姐就走左人，大伯就同站長備案
站長了解左情況就無再追問
過左兩日佢接到站長電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我大伯估黎估去都淨係得失過關小姐一人
總之俾站長話左兩句
又過幾日，關小姐又黎
這次和件西裝友一齊，但好在成架巴士都無其他客
我大伯怕又惹事，叫左個junior過去serve佢
點知條老西友係要點番我大伯serve..
根住關小姐就玩野，試凳，但話d凳俾其他人坐過污糟
要開新凳試，我大伯雖然知公司唔俾咁做，
但怕左佢，唯有照做
點知試左兩三個，個個佢都要咁試又無話坐
我大伯終於話唔好意思，其實唔可以咁做
(根本明知她玩野啦.....)
又係至多俾多d轉乘優惠佢
跟住佢件西裝友就鬧我大伯話"係咪話我地無錢買你地d野?"
我大伯話唔係，但佢照鬧
鬧左十幾分鐘
到左總站掃地阿姐見咁幫手，又照鬧
最終打俾站長備案
之後連收兩封warning letter
早兩日接埋大信封
年尾俾人炒左

[編輯] 記敘文版

在不久之前，我姐姐在太古廣場一間潮流服飾名店當售貨員，那名店不時有很多名人光顧。姐姐在那裡工作了很多年，已經是一位高級售貨員了。多年來，姐姐也非常努力的工作，所以經理也很看重她。而且她的工作收入穩定，所以打算和結識多年的男友結婚。在她工作的多年來，她很少會被客人投訴；反而和不少名人客戶關係不錯。早一陣子，明星關心妍前來她的商店購物，一買就買了很多東西，不過招待關心妍的不是我姐姐。
幾個星期之後，關心妍再到了姐姐的商店購物。恰巧上次招待關心妍的售貨員休假，所以由我姐姐頂替。姐姐很有禮貌地將新商品介紹給他、還有給她折扣；但關心妍反應冷漠。另一面商店內有三四位來由中國的客人，說話很大聲。可能是影響了關小姐的關係，她要求將店鋪關閉一陣子好讓她自己一個買衣服。但由於政策關係，除了是大名人、還有很多記者的時候之外，公司一向絕不能隨意關店讓人購物。但姐姐看到關心妍的臉色黑黑黝黝，亦致電一下老闆能不能破例讓她購物一下；但老闆堅決不許，最多也只可以給她多點折扣。當時關小姐對我姐姐語氣很差，還把我姐姐罵得狗血淋頭。還說她買一次衣服的支出比姐姐工作多年的收入更多…姐姐不敢得罪她，所以只敢向她道歉。隨後關小姐便離開了，姐姐也先向老闆作備案，老闆了解情況後也沒有追問下去。
但兩日之後，接到老闆請信有顧客投訴她；指有人投訴她態度非常差、不顧及客人感受。依照公司政策是不可以追問事件內容，但我姐姐猜想得罪過的客人員有關小姐一位；老闆亦只對她訓話了事。
幾天之後，關小姐又到那裡購物。這次關心妍和一位穿著西裝的朋友一起前來，幸好當時整間店鋪也沒有其他客人。不過姐姐怕生事，所以請求了另一位高級職員去招待她。但穿著西裝那位堅持要由我姐姐招待。關心妍便開始作弄姐姐，一直要求要試身，但她說架上的衣服給其他客人試穿過不衛生，就要求給全新的貨物她試。雖然公司也是不許的，但為求不要生事，也照樣做了。開了三四件新衣服後，她依然說不買。然後姐姐向她道歉，解釋公司是不可以買新包裝試穿（當然姐姐知道關心妍一直在作弄她），最多也是給多點折扣她。那穿西裝那位說：「言下之意你指我們沒有錢買你們的衣服？」姐姐一面解釋一面道歉，但他不聽；罵了姐姐十幾分鐘也不罷休。其他同事那時亦去幫忙我姐姐，也一併罵下去；之後其他同事便告知老闆，和她再次備案。
不久後連續收到兩封警告信，早兩天天收到解僱信；年終便被解僱了。

[編輯] 文言文版

昔吾姊於太古市集嘗為商名昭著者販衣
紈絝巨賈俱適其地
姊仕之經年而品秩非虛
蓋以其盡心,上甚喜之
加諸俸祿見善,仕途安,故姊意偕夫君鴻案相莊

姊之仕其地也,苒苒歲月而鮮有詆謫者
千金客莫不善之
近關氏心妍亦趣其店買衣
惟非吾姊侍,關氏亦羅之甚多

月過半旬,關氏重臨
尋往之侍者不果,姊權充其侍
以美言引介新衣,並許以價廉
惟關氏無所用心,顧盼游離,睨視同志
彼同志三四,聲甚大,如魘如囈
關氏甚惡,乃著吾姊閉店
以待其細挑
姊嘗告余,此其上不許也
恐他人仿之,故或遇出巡,或遇刁吏,非危急存亡之秋而不可為也
卻見關氏色如嚼糞,乃徨求上示
上勒令不許,只許多予回贈

關氏聞之大怒,翹股泄氣於吾姊臉上
並語帶嗔忿,言己財帛萬貫,添一衣則足吾姊食祿數載
姊弗敢罪其,乃唯唯稱是

後關氏揚長而去,姊陳之於上
上諳其事而不問

又二日,上謂有人意謫吾姊
斥其無禮,狀甚倨傲,妄視客之所急
司之向例無明事出何者
姊私忖唯得失關氏一人矣
徒受斥

不數日,關氏又至
並偕閹宦,幸店無他客
姊懼,乃著下往侍
豈料宦豎招令吾姊往侍

則關氏欲弄姊於股掌矣,其試衣,以衣為人所穿而不潔
須予新裝,姊知之司不許
然懼關氏,則許之
待彼試之二三,而悉關氏實無買意
姊期期艾艾曰:此,此實吾司不許,莫怪
(諳其徒見欺也...)
宦豎躍馬而出,以女聲作惡狀曰:大爺無錢耶?
姊應之諾諾,而閹斥之綿綿
時過一刻
同門倖倖之心若現,把臂共斥
後傳書予上,而摘諸文案

須臾則飛鴿傳二函警示
日昨接貶狀
歲末則被革矣

[編輯] 濃縮版

我家姐一路都在太古荷理活廣場一間名牌做sales
前排關小姐去過我家姐間店幫襯
黑口黑面，發老脾，鬧到我家姐一面屁
過幾日和件西裝友一齊
鬧我家姐，鬧左十幾分鐘
家姐年尾俾人炒左

[編輯] 潮文大雜燴版

日前，在美國訪問的岡比亞總統葉海亞-賈梅與布什會談中表示，
佢家姐一路都在太古廣場一間名牌做sales 間店有好多有錢人同名人幫襯，
做了很多年，已經是senior，
咁多年黎都好俾心機做，經理亦好like佢，
因為收入不錯又隱定，家姐原本諗住同拍拖多年既bf結婚。
過幾日，關小姐黎左這次和件西裝友一齊，但好在成店都無其他客他家姐怕惹事，
叫左個junior過去serve佢點知條老西友係要點番佢家姐serve.
根住關小姐就玩野，試衫，但話d衫俾其他人試過污糟要開新衫試，
我家姐雖然知公司唔俾咁做，但怕左佢，唯有照做點知試左兩三件，
件件佢都要咁試又無話要佢家姐終於話唔好意思，
其實唔可以咁做 (根本明知她玩野啦.....)
又係至多俾多d折頭佢跟住佢件西裝友就鬧我定姐話"係咪話我地無錢買你地d野?"
葉海亞 -賈梅相當惱火。
拿起放在衣架上的西裝旁邊的衫架（長30厘米），
不斷毆打西裝友。聽到西裝友的慘叫的關心妍急忙來阻止了海亞 -賈梅，
不過西裝友的額頭還是受了輕微的毆傷。
葉海亞 -賈梅想把西裝友被歐打後的圖片放上網。
這時，葉海亞 -賈梅收到一個sms，內容是寫”講真，
總統如果你發出黎，我真係會報警，等警察上你屋企打個轉黎判斷你有冇犯法，
我係認真，唔係講緊笑，你話我報警lun，正義lun，乜都好，隨便你。
你有無想過你呢種一時之快會對當事人有幾大傷害？
傳左出去人地點見人，我勸你放出黎之前三思一下，唔好受班花生友影響，
呢度D人有野睇就唔會理他人感受，當中仲有成班小朋友字都未識得幾個，
希望你可以作出獨立判斷，唔好助長廣場暴力，做埋晒D損人不利己的事。
P.S. 你果度我冇睇錯係太古廣場黎，要搵係邊到打人計下角度就知，IP 都唔洗check。”
在美國訪問的岡比亞總統葉海亞-賈梅與布什會談中曾經表示，
一旦西裝友再欺負我家姐，岡比亞將出兵攻擊太古廣場，聲稱，
岡比亞只需派遣1000人左右的海軍陸戰隊就可以完全遏制西裝友的無理行動。
岡比亞總統葉海亞-賈梅不久前還宣佈他在夢中學會了治療艾滋病的方法。

[編輯] 特強升級版

講起我就扯火啦，
我家姐一路都在太古廣場一間名牌做sales
間店有好多有錢人同名人幫襯
做了很多年，已經是senior
咁多年黎都好俾心機做，經理亦好like佢
因為收入不錯又隱定，家姐原本諗住同拍拖多年既gf結婚
咁多年黎我家姐好少俾人投訴
而且同好多大客既關係都唔錯
前排關心研去過我家姐間店幫襯
不過serve佢既不是我家姐，但佢一買就買左好多野
過左個幾星期，佢又再去間店行
上次serve果個Day-off, 咁我家姐就頂上serve佢
開頭已經好有禮貌介紹d新貨俾佢, 仲話俾折頭佢
佢就無乜反應，望一望另一堆客
果堆客係大陸人，八至九個，講野好Q大聲，嘈到拆晒天
關小姐就同我家姐講話可唔可以關左間鋪一陣
等佢揀衫
我家姐同我講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到關小姐黑口黑面，都識做話打電話去問一問老闆
老闆梗係話唔能得啦，至多俾多d折頭她
咁關小姐就發老脾，鬧到我家姐一面臭屎屁
d說話勁Q柒難聽，又話自己買野既錢多過我家姐搵幾百萬年既錢
我家姐都唔敢得罪佢，一味係咁道歉，道完又道，道完又道…
跟住關小姐就走左人，家姐就同老闆備案
老闆了解左情況就無再追問
過左兩日佢接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我家姐估黎估去都淨係得失過關小姐一人
總之俾老闊話左兩句
又過幾日，關小姐又黎
這次和九千九百九十九件西裝友一齊，但好在成店都無其他客
我家姐怕又惹事，叫左個junior過去serve佢
點知班老西柒友係要點番我家姐serve.
根住關小姐就玩野，試衫，但話d衫俾其他人試過污糟
要開新衫試，我家姐雖然知公司唔俾咁做，
但怕左佢，唯有照做
點知試左六七十箱，箱箱佢都要咁試又無話要
我家姐終於話唔好意思，其實唔可以咁做
(根本明知她玩野啦.....)
又係至多俾多d折頭佢
跟住佢班西裝柒友就鬧我定姐話"係咪話我地無腥錢買你地d臭鳩野呀?"
我家姐話唔係，但佢照鬧
鬧左幾百億分鐘
d同事見咁幫手，又照鬧
最終打俾老闆 備案
之後連收一百萬封warning letter
早兩日接埋金牌大信封
年尾俾人炒能左

[編輯] 最新溏心風暴版

講起我就扯火啦，
我家姐一路都在唐記鮑魚做sales
間店有好多有錢人同名人幫襯
做了很多年，已經是senior
咁多年黎都好俾心機做，細鮑亦好like佢
因為收入不錯又穩定，家姐原本諗住同拍拖多年既bf結婚
咁多年黎我家姐好少俾人投訴
而且同好多大客既關係都唔錯
前排A先生去過我家姐間店幫襯
不過serve佢既不是我家姐，但佢一買就買左好多鮑魚
過左個幾星期，佢又再去間店行
上次serve果個Day-off, 咁我家姐就頂上serve佢
開頭已經好有禮貌介紹d新貨俾佢, 仲話俾折頭佢
佢就無乜反應，望一望另一堆客
果堆客係大陸人，三至四個，講野好大聲
A先生就同我家姐講話可唔可以關左間鋪一陣
等佢揀鮑魚
我家姐同佢講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到A先生黑口黑面，都識做話打電話去問一問大鮑
大鮑梗係話唔得啦，至多俾多d折頭佢
咁A先生就發老脾，鬧到我家姐一面屁
d說話勁難聽，又話自己買野既錢多過我家姐搵幾年既錢
我家姐都唔敢得罪佢，一味道歉
跏住A先生就走左人，家姐就同細鮑備案
大鮑了解左情況就無再追問
過左兩日佢接到大鮑電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我家姐估黎估去都淨係得失過A先生一人
總之俾大鮑話左兩句
又過幾日，A先生又黎
這次和C小姐一齊，但好在成店都無其他客
我家姐怕又惹事，叫左個junior鑎去serve佢
點知C小姐係要點番我家姐serve.
跟住A先生就玩野，試鮑魚，但話d鮑魚俾其他人試過污糟
要開新鮑魚試，我家姐雖然知公司唔俾咁做，
但怕左佢，唯有照做
點知舔左兩三隻，隻隻佢都係咁舔又無話要
我家姐終於話唔好意思，其實唔可以咁做
(根本明知佢玩野啦.....)
又係至多俾多d折頭佢
跟住C小姐就鬧我家姐話"係咪話我地無錢買你地d野?"
我家姐話唔係，但佢照鬧
鬧左十幾分鐘
d同事見咁幫手，佢又照鬧
最終打俾大鮑 備案
之後連收兩封warning letter
早兩日接埋大信封
年尾俾人炒左

[編輯] AL影相女版

講起我就扯火啦
我家姐一路都在香港一間中學讀緊F.7
間中學有好多有錢仔同名人讀書
讀了很多年，已經要考AL
咁多年黎都好俾心機讀，老師亦好like佢
因為成績不錯又隱定，家姐原本諗住同拍拖多年既bf結婚
咁多年黎我家姐好少俾人投訴
而且同好多高登巴打既關係都唔錯
前排關小姐去過我家姐其中一個個xanga group參觀
不過睇既不是我家姐xanga，但佢一睇就睇左好多野
過左個幾星期，佢又再上去個xanga group睇
上次睇果個shut down左, 咁我家姐個xanga就頂上比佢睇
開頭已經好有氣氛show d相俾佢, 仲話好歡迎佢
佢就無乜反應，望一望另一堆相
果堆相係考緊AL影既相，三至四張，包括家姐潮文
關小姐就留cm同我家姐講話可唔可以shut左個xanga一陣
幫佢delete左個潮文
我家姐同我講，佢個xanga一向唔會刪減d野
驚做壞個頭，除非真係有乜大人物，好多記者好混亂先可以咁做
但佢見到關小姐西口西面，都識做話打電話去問一問自己良心
良心梗係話唔得啦，至多買多d她的CD
咁關小姐就發老脾，鬧到我家姐一面屁
d說話勁難聽，又話自己睇野既時間多過我家姐改幾年既xanga
我家姐都唔敢得罪佢，一味道歉
跟住關小姐就off左line，家姐就同良心備案
良心了解左情況就無再追問
過左兩日佢接到message電話話收到complaint
話有人投訴佢係試場影相，唔理其他考生感受
d高登巴打一向唔話俾佢地知係邊次事件
我家姐估黎估去都淨係得失過關小姐一人
總之俾良心屌左兩句
又過幾日，關小姐又黎
這次和件記者一齊，但好在成個xanga都無其他visitors
我家姐怕又惹事，叫左個friend既xanga過去比佢睇
點知條記者係要點番我家姐個xanga.
根住關小姐就玩野，download左AL張相，但話d相好有紀念價值
要download落黎慢慢睇，我家姐雖然知良心唔俾咁做，
但怕左佢，唯有照比佢download
點知download左兩三張相，張張佢都send晒比個記者
我家姐終於話唔好意思，可唔可以放過佢
(根本明知她玩野啦.....)
又係至多買佢既CD
跟住佢件記者就鬧我家姐話"係咪話我地無權download你d野?"
我家姐話唔係，但佢照鬧
鬧左十幾分鐘
d friend見咁幫手，又照鬧
最終打俾良心 備案
之後見到高登連續兩個post講緊試場影相事件
早兩日上埋電視
最後冇左AL資格

[編輯] 木星和記寬頻版

講起就扯火啦
我家姐一路都係木星和記公司到做sales
一直以黎,和記都係好撚柒慢
關心研黎左木星
咁岩我家姐serve佢
佢話9和記慢,唔夠火星既hkbn快
我家姐緊係一味幫住和記啦
佢就話而家和記同net fuck基他做緊同盟,加埋一齊快撚過hkbn2036倍
仲叫關小姐唔好俾班花生友影響
如果俾和記老闆呢個當事人聽到
做出咩傻事無人救到佢
仲話無睇錯佢應該係火星黎
計下角度就知佢住邊
ip都唔洗check
之後關小姐拎起把刀
隔離個長法包打9我家姐
我家姐一味ya咩嗲咁嗌
經理見到緊係走黎問咩事啦
關小姐話我如果我家姐夠膽check9佢ip,佢一定唔放過佢
過左一個星期
關小姐又黎左
我家姐緊係怕撚左佢啦
一味收埋收埋
點知原來關小姐帶左條佬黎
話年尾諗住同條佬結婚
今日係同和記簽約做代言人
賺夠奶粉錢就收山唔做
我家姐聽到開心到飛起
緊係啦,關小姐終於收山啦喎
就係咁俾關小姐認出佢
年尾收到封warning letter俾人炒撚左

[編輯] 小松奈奈版

本來我ge xgf會同我結婚...♡
是咁的
講起我就扯火啦
我ge xgf一路都在旺中一間潮店做sales
間店有好多有錢人同港女幫襯
做了很多年，已經是senior
咁多年黎都好俾心機做，經理亦好like佢
因為收入不錯又隱定，xgf原本諗住同拍拖多年ge我結婚
咁多年黎我ge xgf好少俾人投訴
而且同好多大客既關係都唔錯
前排小X奈奈去過我ge xgf間店幫襯
不過serve佢既不是我ge xgf，但佢一買就買左好多野
過左個幾星期，佢又再去間店行
上次serve果個Day-off, 咁我ge xgf就頂上serve佢
開頭已經好有禮貌介紹d新貨俾佢, 仲話俾折頭佢
佢就無mud反應，望一望另一堆客
果堆客係大陸人，三至四個，講野好大聲
小X奈奈就同我ge xgf講話可唔可以關左間鋪一陣
等佢揀衫

我ge xgf同我講，佢公司一向唔俾佢地gum做
驚做壞個頭，除非真係有乜大人物，好多記者好混亂先可以gum做
但佢見到小X奈奈黑口黑面，都識做話打電話去問一問老闆
老闆梗係話唔得啦，至多俾多d折頭她
咁小X奈奈就發老脾，鬧到我ge xgf一面屁
d說話勁難聽，又話自己買tokyo ol fashion既錢多過我ge xgf搵幾年既錢
我ge xgf都唔敢得罪佢，一味道歉
跟住小X奈奈就走左人，xgf就同老闆備案
老闆了解左情況就無再追問
過左兩日佢接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我ge xgf估黎估去都淨係得失過小X奈奈一人
總之俾老闆話jor兩句
又過幾日，小X奈奈又黎
這次和件西裝友一齊，但好在成店都無其他客
我ge xgf怕又惹事，叫jor個junior過去serve佢
點知條老西友係要點番我ge xgf serve.
根住小X奈奈就玩野，試衫，但話d衫俾其他人試過污糟
要開新衫試，我ge xgf雖然知公司唔俾咁做，
但怕左佢，唯有照做
點知試左兩三件，件件佢都要咁試又無話要
我ge xgf終於話唔好意思，其實唔可以咁做
(根本明知她玩野啦.....)
又係至多俾多d折頭佢
跟住佢件西裝友就鬧我ge xgf話"妳知唔mei係tokyo ol fashion>.@?"
我ge xgf話唔知，但佢照鬧
鬧左十幾分鐘
d同事見咁幫手，又照鬧
最終打俾老闆 備案
之後連收兩封warning letter
早兩日接埋大信封
年尾俾人炒jor
最後冇同我結婚>.@

[編輯] Victor老豆渣小巴版

係Victor個blog搵到

講起我就扯火啦
我老豆一路都在小欖一條路線渣小巴
條線有好多有錢人同名人搭
做了很多年，已經可以渣到上九十
咁多年黎都好俾心機做，小巴頭亦好like佢
因為收入不錯又隱定，老豆原本諗住同渣左多年既車換下零件
咁多年黎我老豆好少俾人投訴
而且同好多大客既關係都唔錯
前排有班高登仔搭過我老豆條線
不過渣車既不是我老豆，但佢地一搭就搭到總站

過左個幾星期，佢地又再搭喱條線
上次渣車果個Day-off, 咁我老豆就頂上渣
開頭已經好有禮貌介紹條路線俾佢地, 仲話俾折頭佢地
佢地就無乜反應，望一望另一堆車
果堆車係普通人渣既，三至四架，行得好慢
班高登仔就同我老豆講話可唔可以渣上百一
等佢地快D到
我老豆同我講，佢公司一向唔俾佢地咁做
驚做壞個頭，除非真係有乜大人物，趕住投胎好混亂先可以咁做
但佢見到班高登仔講,鈿粗口，都識做話打電話去問一問老闆
老闆梗係話唔得啦，至多渣到九十幾
咁班高登仔就發老脾，鬧到我老豆一面屁
d說話勁難聽，又話自己搭車多過我老豆渣車
我老豆都唔敢得罪佢地，一味道歉

跟住班高登仔到左站就走左人，老豆就同老闆備案
老闆了解左情況就無再追問

過左兩日佢接到老闆電話話收到complaint
話有人投訴佢態度唔好，唔理顧客感受
公司policy一向唔話俾佢地知係邊次事件
我老豆估黎估去都淨係得失過班高登仔
總之俾老闆話左兩句

又過幾日，班高登仔又黎搭車
這次和件坡妹一齊，但好在成條線都無其他客
我老豆怕又惹事，叫左個junior過去渣車
點知條坡妹係要點番我老豆渣.

根住班高登仔就玩野，試車，但話d車俾其他人搭過污糟
要開新車試，我老豆雖然知公司唔俾咁做，
但怕左佢地，唯有照做
點知試左兩三架，架架佢地都要咁試又無話搭
我老豆終於話唔好意思，其實唔可以咁做
(根本明知他們玩野啦.....)
又係至多渣快少少佢
跟住佢件坡妹就鬧我老豆話"係咪話我地無錢搭你地d車?"
我老豆話唔係，但佢照鬧
鬧左十幾分鐘
d同事見咁幫手，又照鬧
最終打俾老闆 備案

之後連收兩封warning letter
早兩日接埋大信封
年尾俾人炒左

近排聽講去左渣火車

http://farm4.static.flickr.com/3251/2410747102_e3e9b7baf2_b.jpg

[編輯] 四寶飯女子與美心亞叔事件版

講起我就扯火啦

我亞叔一路都在中上環一間快餐做燒味部
間快餐店有好多有錢人同名人幫襯
做了很多年，已經是 senior
咁多年黎都好俾心機做，經理亦好 like 佢
因為收入不錯又隱定，亞叔原本諗住同拍拖多年既 gf 結婚

咁多年黎我亞叔好少俾人投訴
而且同好多大客既關係都唔錯
前排 X 小姐去過我亞叔間店幫襯
不過 serve 佢既不是我亞叔，但佢一買就買左好多燒味㗎

過左個幾星期，佢又再去食叉燒
上次 serve 果個 Day-off , 咁我亞叔就頂上 serve 佢
開頭已經好有禮貌切燒味俾佢, 仲話切多兩件比佢
佢就無乜反應，望一望另一堆客
果堆客係大陸人，三至四個，講野好大聲
X 小姐就同我亞叔講話可唔可以 hold 張枱一陣
等佢食飯

我亞叔同我講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到 X 小姐黑口黑面，都識做話打電話去問一問經理
經理梗係話唔得啦，最多切多兩舊叉燒給她

咁 X 小姐就發老脾，鬧到我亞叔一面屁
d說話勁難聽，又話自己買燒味嘅錢多過我亞叔搵幾年既錢
我亞叔都唔敢得罪佢，一味道歉

跟住 X 小姐就走左人，亞叔就同經理備案
經理了解左情況就無再追問

過左兩日佢接到經理電話話收到 complaint
話有人投訴佢態度唔好，唔理顧客感受
公司 policy 一向唔話俾佢地知係邊次事件
我亞叔估黎估去都淨係得失過 X 小姐一人
總之俾經理話左兩句

又過幾日， X 小姐又黎
這次和件狗公男友一齊，但好在成店都無其他客
我亞叔怕又惹事，叫左個 junior 過去切叉燒比佢
點知條狗公男友係要點番我亞叔切叉燒比佢.

根住 X 小姐就玩野，話個六寶飯雞胸冇肉 , 叉燒又少
迫亞叔送多一碟油菜比 X 小姐，我亞叔雖然知公司唔俾咁做，
但怕左佢，唯有照做
點知佢話 " 呢度係香港，仲話要將件事放上 you tube "
我亞叔終於認唔住屌9佢，其實唔可以咁做
(根本明知她玩野啦.....)
跟住 X 小姐話我亞叔失禮 , 但自己又係咁講粗口
跟住佢條男友狗公就鬧我亞叔話"你講乜嘢 , 夠薑就出嚟?"
跟我亞叔就話你 on 9 㗎 ， 做乜要比個名你吖 , 但佢照鬧
鬧左十幾分鐘
d 同事見咁幫手，又照鬧
最終打俾經理備案

之後連收兩封 warning letter
早兩日接埋大信封
咁就俾人炒左

[編輯] 四寶飯女子與美心亞叔事件第二版

講起我就開心
我條仔一路都在威特高展示工程有限公司做文員
間公司有好多有錢人同名人幫襯
做了很多年，已經是高級文員
咁多年黎都好俾心機做，老細亦好like佢
因為收入好小，佢日日去食燒味飯
咁多年黎我條仔好少食五寶飯
而且食好多呀伯會買既燒味飯
前排有個新燒味師傳轉左過我條仔食開個間店
佢俾D燒味又大又肥，但係師傳個樣唔係好得
過左個幾星期，佢俾我條仔D燒肉愈來愈好食
上星期我條仔食燒肉飯食到肥左10公斤
開頭燒味師傳好有禮貌介紹d新SET飯俾佢, 仲話俾折頭佢
我條仔就無乜反應，望一望另一另唔理佢
突然間有堆大陸人，三至四個，講野好鬼大聲
我條仔就同燒味師傳講話可唔可以用斬肉刀殺死佢地
等佢睇新SET飯
燒味師傳同我講，佢公司一向唔俾佢地咁做
驚做壞個頭，除非真係想出位 OR 好多警察好混亂先可以咁做

但燒味師傳見到我條仔黑口黑面，都識做話叫人去問一問老闆 老闆梗係話唔得啦，至多俾多d折頭佢,俾到OFF 80%
咁我條仔就發老脾，鬧到個燒味師傳一面屎
d說話超好聽，又話自己買飯既錢多過燒味師傳搵一世既錢
個燒味師傳唔敢得罪佢，係禁道歉
跟住我條仔就走左人，大搖大擺,容光煥發禁走左,番到屋企就同我講
我了解左情況就無再追問
過左兩日我條仔發左1000張complaint俾佢個老闆電話
話燒味師傳態度唔好，唔理顧客感受
燒味師傳公司policy一向唔話俾佢地知係咩事件
燒味師傳一估就估到得失過係我條仔一人
最後燒味師傳俾老闆話左兩句
又過幾日，我條仔想報仇,同埋MD機同我一齊去搵佢晦氣
今次和我地二個一齊，目的想搞到佢冇得做
燒味師傳怕惹事，叫左個服務員過去serve我地
我地就係要玩野
要叉燒飯加墨魚，我地更係知冇得禁賣啦
點知佢地違規，俾我地加
我地心念:死喇!冇得拍DIM!
點知燒味師傳唔小心，冇將叉燒同墨魚分開上
我地就食住上,拍影片,上YOU"TIP"
(根本我就係玩野啦.吹咩?)
最後我話會擺上左YOU"TIP"
跟住我就鬧佢地話"呢度邊度啊──你對唔住就啱，不過唔緊要，我都會投訴你㗎，我拍咗短片──同你公司投訴你㗎喇！經理喺邊度呀？經理喺邊？阿陳生……噢……clerk(文員)嚟㗎……個supervisor(主管)個經理喺邊呀？?"
我燒味師傳話唔係，但我照鬧
鬧左十幾分鐘
d同事見咁幫手，又照鬧
最終打俾佢老闆 備案
之後個燒味師傳連收十封warning letter
早兩日接埋大信封
年尾俾人炒左
我好開心..哈哈哈...我可以城名喇!!!!哈哈哈!正呀!!!

[編輯] Victor辭職事件版

我大哥一路都在高登forum做admin
個forum有好多有錢人同名人上去屌人
做了很多年，已經是senior
咁多年黎都好俾心機做，老闆亦好like佢
因為收入不錯又隱定，大哥原本諗住同拍拖多年既gf結婚
咁多年黎我大哥成日俾人投訴
但佢同好多大客既關係始終都唔錯
前排網友綠潛去過我大哥個forum吹水畀人del post
不過del佢既不是我大哥，但佢一屌就屌左好多句
過左個幾星期，佢又再上高登改圖
上次del佢post果個Day-off, 咁我大哥就頂上del佢d post
開頭已經好有禮貌介紹d規矩俾佢, 仲話俾多次機會佢
佢就無乜反應，望一望另一堆網友
果堆客係花生友，三至四個，爆粗好大聲
綠潛就同我大哥講話可唔可以熄燈一陣
等佢專心改圖
我大哥同我講，佢公司一向唔俾佢地咁做
驚做壞個頭，除非真係有乜大人物，好多記者好混亂先可以咁做
但佢見到綠潛黑口黑面，都識做話打電話去問一問老闆
老闆梗係話唔得啦，至多del少佢幾個post
咁綠潛就發老脾，鬧到我大哥一面屁
d說話勁難聽，又話自己改既圖多過我大哥呢幾年影既相
我大哥都唔敢得罪佢，一味潛水
跟住綠潛畀人bam左，大哥就同老闆備案
老闆了解左情況就無再追問
過左兩日佢接到老闆電話話收到complaint
話有人投訴佢亂bam acct，唔理網友感受
公司policy一向唔話俾佢地知係邊次事件
我大哥估黎估去都淨係得失過綠潛一人
總之俾老闆話左兩句
又過幾日，綠潛換左個account又黎
這次和一堆花生友一齊，但好在成店都無其他道德西
我大哥怕又惹事，叫左個junior過去del d post
點知d花生友係要點起我大哥底
根住綠潛就玩野，貼相，仲話d相有其他親朋戚友響旁邊好過癮
要開post集中貼，我大哥雖然知公司唔俾咁做，
但怕左佢，唯有畀佢貼
點知貼左兩三張，張張佢都又恥笑又派膠
我大哥終於話唔好意思，其實唔可以咁做
(根本明知佢玩野啦.....)
又係至多del 少d佢開o既post
跟住班花生友就鬧我大哥話"係咪擺得上網都唔畀人轉貼呀?"
我大哥話唔係，但佢照屌
鬧左十幾板
d同事見咁潛晒水，又照屌
最終打俾老闆 備案
之後連收兩封warning letter
早兩日接埋大信封
年尾俾人炒左

[編輯] 法語版

Ma soeur était agente des ventes à la boutique à la Pacific Place. Bien des gens riches et célébrités faisaient du magasinage à cette boutique. Elle y travaillait pendent beaucoup d'années, et elle était une employée supérieure. Elle était travailleuse et le gestionnaire aimait le travail de ma soeur aussi.

Le revenu de ma soeur était stable. Ma soeur avait l'intention de se marier avec son petit-ami, qui était avec elle depuis longtemps. Personne ne portait plaindre contre elle. Elle avait le bon rapport avec ses clients importants.

Il y a quelques temps, Mlle Kwan s'est rendu à la boutique. Mais une autre agente l'a servie, et Mlle Kwan a achété beaucoup de vêtements. Quelques semaines plus tard, Mlle Kwan est allées à la boutique encore. Cette fois, l'ancienne agente était en congé, alors ma soeur commençait à la servir à sa place. D'abord, ma soeur a poliment présenté les nouvelles articles à Mlle Kwan, et ma soeur lui a offert un rabais. Mlle Kwan n'a pas repondu, et a jeté un coup d'oeil à les autres clients chinois à la boutique, qui se parlaient très fort. Mlle Kwan a demandé à ma soeur de fermer le magasin pour qu'elle puisse choisir des vêtements. Ma soeur m'a dit que la boutique ne permettait pas de faire ça, parce que ça créerait un précédent mauvais. Ce sera possible seulement si la personne est très célébre et il y a beaucoup de journalistes. Ma soeur a compris que Kwan était malheureuse, vu l'expression de son visage. Alors ma soeur a téléphoné à son patron pour l'autorisation. Sans doute, mon patron a dit que c'était impossible, mais on a pu offrir plus de rabais.

À cause de ça, Mlle Kwan s'est fâchée contre ma soeur et a commencé à la gronder excessivement. Ses paroles étaient très laides, par exemple, elle a dit que ses dépenses sur les vêtements étaient plus que la salaire de ma soeur pendent quelque années en total. Ma soeur avait peur d'elle, alors ma soeur s'est excusée sans arrêt. Plus tard, Mlle Kwan est sortie de son magasin.

Ma soeur a informé le patron, qui ne lui a demandé rien aprés avoir appris l'incident. Mais, 2 jours plus tard, le patron lui a téléphoné qu'il a reçu un plaint. Quelqu'un a dit que ma soeur avait l'attitude mauvaise et était antipathique. La politque de la boutique ne révèle jamais l'identité du plaignant, mais ma soeur pensait que ce était Mlle Kwan. En tout cas, ma soeur était avertie.

Quelques jours plus tard, Mlle Kwan y était encore avec un homme à costume. Heureusement, il n'y avait aucun client à la boutique. Ma soeur avait peur d'ennui, et a demandé à une collègue de la servir. Mais l'homme à costume a notamment demandé à ma soeur de les servir. Aprés, Mlle Kwan a commencé à jouer à ma soeur. Mlle Kwan a essayé des vêtements, mais elle a dit que ces échantillons sont devenus sales car les autres clients les ont déjà essayés et Mlle Kwan a demandé d'essayer des vêtements neufs. Bien que cela soit contre la politique selon ma soeur, elle était d'accord car elle avait peur de Mlle Kwan.

Neanmoins, après avoir essayé plusieurs vêtements, Mlle Kwan n'a pas démontré l'intention d'acheter. Finalement, ma soeur s'est excusée, et lui a exprimé que cela était contre la politique (était donné que Mlle Kwan était en train de jouer...), et a dit qu'elle a pu offrir plus de rabais.

L'homme à costume a grondé ma soeur et demandé si ma soeur a pensé qu'ils n'avaient pas d'argent. Ma soeur a dit non, mais il a continué à gronder pendent plus de 10 minutes. Les collègues a vu la situation et aidé, mais l'homme à costume y a continué encore. Finalement, elle a fini par téléphoner le patron.

Après, ma soeur a reçu 2 lettres de reprimande. Juste il y a 2 jours, elle a reçu la lettre de renvoi, et serait renvoyée à la fin d'année.

[編輯] 阿哥發癲版

講起我就扯火啦
原來我阿哥一路都鐘意係屋企發癲
一無人係屋企就會係扮度自彈自唱
扮了很多年，已經扮到熟
咁多年黎都好俾心機扮，屋企都無人知
我都好撚佩服佢
點知有一次比我發覺左佢0係屋企
扮拎住結他彈住唱『最佳損友』
仆佢個街，五音不全，都算
佢唱到『問我有沒有，確實也沒有』
真係想接佢一句『一支木結他在手』
唱完時候我見到佢先望到我
用唇語唔知講ｄ咩，因為我耳膜已經被磨到蝕撚晒
之後佢就衝埋黎坐上我大脾，用拳頭塞住我個口
但其實我根本無諗過嗌
掙扎之下我咬佢個鼻，我走甩左
見到佢擰轉個頭帶股殺氣睥住我
我心諗『今次真係仆街喇』
即刻跑入廚房，聽到佢吼怒『我要殺左你』
佢拎住把槍衝到入黎廚房
見到我同阿媽，原來阿媽都聽到佢鬼叫
阿哥即時轉頭跑走，大聲慘叫『呀～！～～』
直到而家仲未返黎
我同阿媽前兩日都搬走左，永遠避開佢。

[編輯] 家姐被炒潮文(國家隊運動員版)

講起我就扯火啦
我家姐一路都在一間百老X做sales
間店有好多有錢人同名人幫襯
做了很多年，已經是senior
咁多年黎都好俾心機做，經理亦好like佢
因為收入不錯又隱定，家姐原本諗住同拍拖多年既bf結婚
咁多年黎我家姐好少俾人投訴
而且同好多大客既關係都唔錯
前排一班國家隊運動員去過我家姐間店幫襯
我家姐就去serve佢
開頭已經好有禮貌介紹d新貨俾佢, 仲話俾折頭佢
佢就無乜反應，望一望另一堆客
果堆客係國家隊fans，三百至四百個，講野好大聲
班運動員就同我家姐講話可唔可以關左間鋪一陣
等佢地揀手機
我家姐同我講，佢公司一向唔俾佢地咁做(佢老世好憎國家隊)
驚做壞個頭，除非真係有美國隊(佢老世好like美國隊)，勁多記者(1000個)好混亂先可以咁做
但佢見到班運動員黑口黑面，都識做話打電話去問一問老闆
老闆梗係話唔得啦(佢老世好憎國家隊)，又話唔俾折頭佢地
咁班運動員就發老脾，鬧到我家姐一面屁
d說話勁難聽，又話自己買野既錢多過我家姐搵幾年既錢
我家姐都唔敢得罪佢，一味道歉
跟住班運動員就走左人，家姐就同老闆備案
老闆了解左情況就無再追問
之後國家主席胡錦濤打電話去問行政長官曾蔭權
胡錦濤問:你們香港的劉德華說今時今日咁既服務態度點得架是對的
你們香港不向中央感恩,要我的運動員買東西沒有折頭
過左兩日佢老闆接到曾蔭權的電話話中央政府要封殺我地百老X
話胡錦濤投訴佢態度唔好，唔理運動員感受
公司policy一向唔話俾佢地知係邊次事件
我家姐估黎估去都淨係得失過一班國家隊運動員
總之俾老闆話左兩句
之後連收兩封warning letter
早兩日接埋大信封
年尾俾人炒左

[編輯] 終極改編版

由會員 呼吸時想妳 於二零零八年九月八日發表的一篇以潮文為基礎改編而成的故事。起初以甜故作招來吸引讀者，後來因其精采的文筆與絲絲入扣的劇情以及豐富的想像力和創意贏得一眾高登會員的好評，更招來一群喜歡他的作品的粉絲。
由於原文總共高達七千多字，故不便於此張貼，詳細請參考原文或　呼吸時想妳。

原文：[我姐姐一直在太古廣場一間名店當售貨員]

[編輯] 《家姐被炒潮文》的玩法

《家姐被炒潮文》可算是香港網絡文化界玩法最多、持久力最強的惡搞潮文之一。

潮文流傳初期，網民多扮作有料爆的姿態去張貼此文章，故標題多為《關心妍估唔到佢真人係咁》、《關心妍真人真事？》、《睇完呢篇野之後，你就會覺得關心妍唔係好人》等。

到了後期，由於網民已對此文章感到煩厭和有所警惕，故惡作劇者(多為高登人等網民)便在文章或標題上花盡心思，務求欺騙其他網民觀看。方法有以下數種：

1. 用一個與潮文無關的標題，再先寫一段認真的分享，卻突然銜接至潮文，如：帖子的標題為《我失戀了》，內容為「我今日失戀了，18年既感情，我好唔捨得.....她跟我分手的原因係她家庭經濟有問題，我家姐一路都在太古廣場一間名牌做sales......」。
2. 把潮文改頭換面：如把關心妍變成其他人，事件角色對調 (家姐係衰人，關心妍被人炒)、結局改變(家姐升職)等。
3. 利用高登人喜看圖的心理而將題目名為《我家姐比人累死(有圖)》等。
4. 發現高登人已對「家姐」一詞有所警惕後，便把題目改成風馬牛不相及的名字，如：《唉…今日好唔開心…》、《巴士阿叔再度發功 地鐵屌鳩乘客》^[2]、《尋日同BF去完旅行返黎，一返到屋企。。。》^[3]。
5. 故弄玄虛，標題是指責潮文，但內容為張貼潮文，如：《屌那星點解今晚咁撚多家姐潮文》^[4]、《(學術) 點先可以有效杜絕潮文出現?》^[5]。
6. 因故弄玄虛玩得太多，所以虛則實之，實則虛之，標題為《我家姐一路都在太古廣場一間名牌做sales......》、《家姐潮文勿進》等，有時內容的確是潮文，但有時內容卻不是潮文。

[編輯] 潮文於高登的情況

不少高登人士謔稱關心妍為「家姐殺手」、甚至稱關心妍為「家姐妍」、更有人把角色調亂，稱她為「家姐」等，可見某些人竟因此成為了關心妍的擁躉。加上高登擁有不少戀姊狂的人，令「家姐」一詞在高登更曖昧，也更受歡迎。^[6]

有高登人更將香港男歌手張學友著名流行曲之一《李香蘭》，譜上新詞，成為改編歌曲《李香蘭(家姐版)》。

在2007年12月29日，高登會員vagrant更發表家姐潮文文言版，以壯高登聲威，成為一時佳話。

[編輯] 潮文在高登以外的情況

另外，「關心妍國際歌迷會」在2007年8月初發出聲明，譴責發放關心妍潮文的網民。^[7]關心妍本人亦於其網誌發表文章，抒發在多年內被網民惡意攻擊的感受。^[8]

2008年1月，關心妍在其個人網誌，發表《謠言止於智者》的文章，謂她不介意這些謠言，並希望發放謠言的人，改放多一點時間，留意身邊需要關心的人。^[9]

2008年3月27日，港台節目《Gimme 5》中，關現身說法，於大氣電波中回應有關傳言。^[10]

2008年7月6日，HKiTalk會員JT4686以「我家姐一路都喺太古廣場一間名店做sales」為題目，發表關心妍廣告的巴士於太古廣場門口經過的相片，最後因遭受其他會員反對而自行刪去帖子內容。^[11]

[編輯] 《家姐被炒潮文》的衍生作品

主條目：家姐被炒潮文衍生作品

由於寫該潮文的作者不明，難以追朔版權；而此潮文更影響到其他討論區及新聞組，因此衍生出不少網民改編作品。

[編輯] 關於潮文的真確性

由於時代久遠，受害人「家姐」亦從未現身，故此難以證實真偽。不過有關心妍歌迷提出：假若潮文首發時間確實為2004年11月末至2004年12月初之間，且文中資料無誤，則關心妍存在不在場證據。

據考究，透過文中「過左個幾星期」、「過左兩日佢接到老闆電話話收到complaint」、「又過幾日，關小姐又黎」、「早兩日接埋大信封」等資料，可以推斷出關心妍三訪太古廣場，歷時大約兩至三個星期，從而推斷出事發時間不早於2004年10月末，亦不遲於2004年11月末。而關心妍2004年11月的星蹤表顯示，關心妍11月大部份的時間都在中國內地宣傳，故此不可能接二連三在太古廣場出現。

2004 年 11 月星蹤(bma.com.hk)[2]

29/11/2004 TVB MTV Shooting
28/11/2004 1400 Macau 回歸 show 記者
26/11/2004 順德Budwiser show
26/11/2004 2000 新城寶安show
21/11/2004 1900 順德SHOW
20/11/2004 1400 新城頒獎禮記者會; Budwiser Show(佛山南海)
19/11/2004 Budwiser Show廣州
17/11/2004 2115 新城大專 show(HKU)
14/11/2004 錄音
13/11/2004 1430 廣東省電台頒獎禮P/C
11/11/2004 1300 港台頒獎禮記者會; 雪碧紅人館 (珠海)
10/11/2004 北京大學MTV Channel
6/11/2004 佛山Budwiser show+記者會
4/11/2004 1200 903頒獎禮記者會
3/11/2004 1500 TVB8頒獎禮記者會

參考

潮文
家姐被炒潮文 | 父親因買錯PSP被毆打 | xxx15歲險被姦 | xxx自爆yy 歲失身 |