「小學雞」，原意為小學生的貶稱，現泛指一切行為及思想幼稚、心智不成熟、經常撩事鬥非和到處生事的人，與小朋友同義。而在臺灣亦有類似的詞語「小屁孩」。「小學雞」的另一個意思，是指初出道的妓女。
來源
多數的小學生在學校操場都會跑來跑去，從頂樓看下來就像一大堆小雞在跑，因而得名。
定義
「小學雞」原本只是用於對小學生的貶稱，現延伸為指一個不論年紀多大的人，行為及說話的方面都有如小學生，都有機會被冠為「小學雞」。目前「小學雞」和「小朋友」經常被網民濫用︰部份劣質網民不論對方行為是否成熟，只要是比他年齡細的人一律認為是「小學雞」，乃以貌取人；大多數網民指責他人時，只要與對方意見不合或雙方有私怨，便亂指對方為「小學雞」；甚至有些本身也是小學雞的網民亦以此詞攻擊他人，所以小學雞一詞已經被一眾小朋友濫用了。
衍生術語
中學鴨
「中學鴨」原是對中學生的貶稱，現泛指部份心智未成熟，既要出位、又要惹事生非但怕要負責任的人。
小學生升讀中學後，通常會減少作出不顧儀態的動作（表現），但部份始終不滅撩事鬥非的性格。就像在天台望向樓下的鴨子，走得比雞慢，因為一邊要跑，一邊要顧儀態（意指又要威，又要戴頭盔），而鴨、雞在眾多網民心目中都實屬同類，因而定名為「中學鴨」。
中學牛、大學馬騮頭
在《架勢堂》節目中，森美曾經把「小學雞」的概念擴展，創出「小學雞，中學牛，大學馬騮頭」的引伸口訣。[1]
小學雞口頭禪
- 「話人XXX，你咁叻你去做呀！」[2][3]
- 「話人XXX，你又好唔XXX呀！我睇死你仲XXX過人呀！」[4]
- 「人地XXX關你咩事呀！」[5]
- 當偶像被批評時：「話人唱歌唔得，做戲唔得，你妒忌人靚仔之嘛！」[6]
- 「你唔抵得人哋XXXX（下刪一千字）」[7]
軟件
人工智能對話程式SimSimi由於採用小雞作為對話對象，故被網民稱為「小學雞」。
相關圖片
相關條目
註解
- ↑ 2000FUN論壇： 903 最常聽到的術語－小學雞 = 形容 小學生聽眾 or 好似小學生咁幼稚聽眾。為求順口﹐森美作埋中學牛及大專馬媹頭兩詞。
- ↑ HKEGG 論壇：各位對JUNGLE既見解．．．你咁叻你黎做囉..
- ↑ TVB.COM討論區：亞mag想攞冠軍?笑大人個口咩....話呀MAG唱得吾好既...請你自己上去唱喇....咁你唱得咁好聽就上去唱啦..吾好再話 呀 mAG啦
- ↑ TVB.COM討論區：你地班死忠講到小圓點好,咪一樣有賣萌．．．成日話人冇感情，你又好有感情？
- ↑ TVB.COM討論區：阿嬌一出,大家立即向電檢局投訴!!!．．．人地復出關你叉事吖，唔知醜，好心你唔好咁唔要面啦
- ↑ TVB.COM討論區：超級巨聲2最有實力冠軍人選!!!．．．你系唔系妒忌人哋靚仔啊？
- ↑ TVB.COM討論區：強烈要求無線+鷹王唔好再捧淋瘋！！！！！！！！！！！！！！！！．．．D人擺明唔抵得牙峰令仔,唱歌唱得好聽,做戲深入民生la!!!