FANDOM


懶人票,此詞彙在Yahoo!知識+中未曾出現過,是匿名網典編輯者創作出來。此詞彙用來形容一些不負責任的投票者為了在最少時間獲得最多投票分數而胡亂投票的常見現象。

為了方便,通常他們會選第一個回答或是第一個冗長的回答(當中多數是複製其他網頁的回答),結果一些垃圾回答在經過投票後,成為最佳解答

來源

小學級

懶人票通常來自小學級的低級Yahoo!知識+用戶。由於分數對他們的晉升十分重要,於是很多小學級的用戶都不會看清楚回答內容,務求盡快用盡手上的每天10個票選配額,以賺取寶貴的10分。

高分低能

亦有不少身處高級的高分低能習慣投出他們的懶人票。他們回答題目已經這麼懶,只懂copy & paste,更別期望他們票選時會用心挑選答案。而且他們一天要用盡手上的回答配額(如果這個高分低能是博士級,他一天的回答配額可達50次!),餘下可用作票選的時間就更少了,要求他們票選時細心挑選答案簡直是一種奢望。例子有ann等等。

高分低能手上的票比小學級多幾倍,因此他們投出的懶人票損害力也高幾倍。

repairsy對懶人票現象的非議

原來早在懶人票此詞匯出現之前,repairsy已在其發問對相關現象作出非議了:

問題:知識+投票次序是否破壞真正知識交流?

發問者 :repairsy ( 碩士級 4 級 )
發問時間:2006-04-28 18:50:44
解答時間:2006-05-12 22:08:03
問題分數:5 分 / 回答:27

感覺上,知識+中,大部份投票,都係投俾第一個,
又或者最長果個。

咁樣點會公平呢?
係唔係助長緊搶答既風氣?

希望大家唔好因為趕時間,睇都唔睇只係投第一個,
因為咁樣對果 d 真心回答者,係好唔公平。

...

有無方法改變呢個不良風氣呢?

最佳回答:tonytony20020697- 

...

至於投票投第一個既問題,最主要都係因為d人為投票投票投票有分加,大家都知道,所以為左盡快投完票,就投第一個(顯示出黎最快),根本就冇留意過其他人答左d咩,咁樣的確對有心答問題既人極度唔公平,再係咁真係灰心,反正真心定唔真心答都冇人欣賞,所以d回答從此就會流於表面化,篇篇一樣,咁就完全失去左知識+既目的!

repairsy的發問者評價:

好多謝咁多位既意見同埋睇法,

...

亦有好多投票產生出黎既搶答,同埋超無理頭既答案。
仲有 d 人加埋簽名咁,係自己個答案後面加一大堆野,
咁就會長 d,真係估唔到有咁多問題會出現。

網典創詞,後獲認同

雖然懶人票形容的情況早已存在,但一直沒有專用的詞匯來形容這些行為。後來懶人票一詞在網典出現,Yahoo!知識+用戶並不反對這個形容詞。

相關討論問題:”懶人票”一詞, 適合用來形容知識+內亂投票的情況嗎?

意見1:Snow[1]

都可以咁講,因為有d人為左拿分,好順手咁投左比第一位

意見2: a1dollarwilliamcat

我同意,雖然知識+內以大家投票來決定某一答案的認受度,但如果投票人本身對該問題不認識,純為點數的他們就只會從答案的長度等決定,也不會看問題本身。這樣造成投票不公,讓正確答案沈冤

我認為知識的健康環境,有頼發問者和回答者的態度和責任心。

意見3: Christy Leung

你說得對,絕對適合,因為在知識+中,有很多小學級用戶為求於最短時間內投足10票,賺取寶貴的10分,分數對他們的晉升十分重要。

有人認為此詞未為知識+用戶接受,同意嗎??

我同意,因為那些喜歡投”懶人票”的小學級用戶不希望自己被稱為”懶人”...

意見4: TI月翏GER

懶人票由始至終都存在,既然講得係懶人票就即係話投票果個人懶得去睇個答案啱唔啱就去投一票,所以就叫成”懶人票”。

懶人票嘅定義
1. 答案排喺頭位,若果唔係衹得三言兩語,投之一票。原因係費事做多個動作,推個mouse去條bar度再拉落去睇
2. 答案長篇大論嘅,投之。因為選答案嘅責任係發問者,投票去選嘅係義務,正式關人隱士。(一般心態都係咁,當然凡事都有例外);
3. 個答案五顏六色嘅,投之。因為意味住呢個户口係高級,錯覺將高等級户口所噏嘅就當啱(遊戲代入感太重所致);
4. 個答案有公仔圖,投之。又係因為高等級戶口先至做到,原因同五顏六色嘅答案一樣。
5. 純綷係為果1分,就亂咁投

懶人票邊啲人投得最多?簡單講:”叫得懶人票就梗係懶人啦,係冇分級別嘅。”曾經見過有街坊叫邨長唔好為一分去投票,睇清楚先好去投。所以唔好升咗啲級就一竹篙打晒啲小學級嘅街坊,喺呢度係人都做過小學級,唔好歧視小學級街坊,分分鐘呢度有啲小學級用户叻過呢度啲邨長10倍都唔止(講現實世界嘅料)。

再講話懶人票呢個名堂未能受大家認同,當然啦,邊有人話自己懶ga,個個都話自己精ga lar,呢啲叫做醒目票咪好囉,投票果個見到個答案醒目(外表)就投,呢啲先係醒目行為丫ma,個名又好聽,一於咁話啦。

講多少少,而家呢度改咗中學級都可以用html,估計將會有更多嘅懶人票出現,未來會出現好多每日衹係投票評價或者答啲可預見嘅垃圾問題嚟攞分,因為湊夠2501分就可以用html作答,咁到中學級先至答都未遲,到時個答案嬴面都高啲,所以我會覺得未來呢度將會有更多嘅垃圾新知識。

咁點解會多咗垃圾新知識?因為若果有料之人嘅回答就實係言之有物啦,使乜粉飾,反之,靠塗脂抹粉,好極有限。遲啲呢度啲户口砌夠2501分至答,一出嚟啲答案就個個都好似馬留屎窟咁,再加埋啲懶人票,重唔係最(仆)街答案(打錯字o添,算啦錯有錯着)。

冇計啦...鬼叫呢度啲人流咁少咩...咪用呢啲餌去吸引多啲人嚟玩囉。

可見”懶人票”一名目普遍為Yahoo!知識+用戶認同,而相關行為亦為正常用戶所憎厭。

大改制後的情況

鑑於台灣奇摩知識+的有效經驗,香港Yahoo!知識+2008年2月大型改制時,於投票系統上作出重大改動:

  • 進入瀏覽後需等待10秒才可投票,逼使他們細心閱覽各候選回答;
  • 候選答案會以亂數排列,和回答次序無關。

此改動令到參與投票的人想懶也懶不起來。亦因此,懶人票的數量和影響力於改制後大為減少了。但是:

  • 懶人票的投票對象變為顯示在最上面的候選回答。
  • 只要瀏覽器停用JavaScript就可以不必等待10秒數。
  • 一次開10個頁面,選好要投的對象再一次按過。

外部連結

參考

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。

查看其他FANDOM

隨機Wiki