我有剷車牌
香港網絡大典，真正屬於香港網民的網絡百科
| 我有剷車牌 | |
 | |
|---|---|
所屬網絡社群
| 香港高登討論區 |
會員編號
| 77329 |
其他網名
| MK仔首領 (2006年12月前) 火肉鴨飯 (2006年12月後) |
加入日期
| 13/5/2003 |
| 其他資料或評價 | |
目錄 |
[編輯] 網上資料
- 所屬論壇︰香港高登討論區
- 會員編號︰77239
- 加入日期︰13/5/2003
- 曾使用名字︰
- MK仔首領 (2006年12月前)
- 火肉鴨飯 (2006年12月後)
- 我有剷車牌 (2007年1月後)
[編輯] 個人特徵
[編輯] 個人大事記
[編輯] 工藤靜香
2007年1月20日發表了金句「工藤靜香化埋妝出鏡先有工藤靜香咁樣，而佢唔駛工藤靜香已經係工藤靜香咁樣」，其後因打錯字把之更正為「工藤靜香化埋妝出鏡先有工藤靜香咁樣，而佢唔駛化妝已經係工藤靜香咁樣」，雖則打錯字為人之常情，情有可原，但細看下兩句句子亦極為通順及可理解的，所以十分搞笑，至於大家喜歡哪一句，則不得而知了。
- 20/1/2007 00:38 - 高登討論區 - 阿sir 今日講左句!!!!!!!!!
[編輯] 演繹07年春夏季聖經金句Tee
2007年6月30日，他發表了一個“時裝”topic，詳見：演繹07年春夏季聖經金句Tee
 暴力系列+運動褲波鞋 |
 色情系列+西褲皮鞋 |
 色情系列+休閒配搭 |
 著來跑步嫌長左d, 好似無著褲咁, 如果o岩 size 就無呢個問題 |
以下是高登人的一些評語：
- 一路向Cut：好柒
- 不明白：咁普通既一件tee，樓主都可以著到咁柒
- 周賓賓：樓主柒到
- nicolily：對唔住,笑左
- 玄鐵劍砍毒撚：睇一次笑一次
- 自命不凡：樓主的衣著品味還有很大的進步空間
- 腦殘兄貴：國內同胞
[編輯] 中雷遺文
事緣我有剷車牌不幸於一個甜post內誤中地雷，成為烈士的他自知時日無多，於是語重心長地向各位高登巴打發表一篇中雷遺文。但不知何解，該甜post被剷後，我有剷車牌竟然未有因此事而被Ban。其後有巴打於高登內出po找尋此中雷遺文，我有剷車牌因知道自己未有被Ban，故出post要求各位巴打請勿再將其遺言推文，並表示此翻遺言會令很多人士討厭他，如非以為自己必定被Ban便不會將這一直以來的心底話打出來。
而這次中雷事件亦被高登巴打推名他成為高登2007年12月之星。
趁仲有時間、最後同你班高登仔講幾句野
做人做事、要向內求、唔好向外求
唔好諗住個世界有最低工資來保障你搵幾千蚊個月、應該設法令自己離開最低工資的保障範圍
唔好祈求港女有一天會迴光反照愛上一個無錢無面的深情小毒男、應該設法令自己變成有條件有能力令港女感到無你唔得的境界.
出黎做野人人都要受氣、讀書多讀書少坐office做咕喱做老細做員工都一樣、除非老豆本身有錢、否則所有白手興家的人都受過氣、捱過苦.
讀書唔會直接令人發達、但可以培養、訓練你的集中力、專注力、記憶力、更加重要的是訓練推理、邏輯思考的能力、出到來搵食無咩法則規條可以照住來用保你平步青雲、大部份要靠自己的經驗 + 所見所聞去預測、分析環境、自己所處位置、從而決定面對的應有態度、和處理方法. 即使你讀死書而沒有真正智商智慧、一紙學歷都可以幫到你、所以讀書無壞的、趁年青沒有太多問題需要你去處理、承擔時讀、讀左將來可以唔用、但調轉第時你想讀、就唔係話咁易、這是一個近乎不能逆轉的問題.
唔好成日屌鳩d無良老細、老細款只是擺出來的、實際上佢未必比你好受、你唔駛帶錢番去打工、但佢每日訓醒覺都要有錢先過到一日、佢要諗辦法賺錢來出糧比你、你可以唔鍾意拍下個欏柚唔做、但佢按左層樓或借人錢來做生意唔做可能訓街同破產、佢都好想可以話比行家知佢間公司請人比出面市場人工高. 如果你有本事、幫到手、任何一個老細都荒死你唔撈、所以如果你覺得公司對你唔好、老細對你唔好、你要檢討自己的能力.
唔好比自己習慣懶天懶地、怨天尤人、有問題、有唔妥先望下自己..如果你讀書唔成就懶香港教育抹殺人才、怨老師怨學校. 如果你無本事搬出去住就懶香港沒多餘空間俾後生仔獨立、如果你因為見上一代人搵食容易就懶社會對這個年代年青人很不公平、如果你因為見人炒炒賣賣搵錢易而覺得腳踏實地好戇鳩、咁我可以話比你聽你往後果半世人都只能夠繼續咁樣為自己創作理由、而永遠無出色.
舉一個好例子、地雷 post 本來只是高登平日眾多類別的其中一類常見帖子、既娛樂大眾亦無傷大雅、更可增進電腦知識. 因此雖然我不幸中伏、但都唔會埋怨有人開呢類 post 害人、或呼天搶地心存咀咒等. 我第一時間只會怪責和檢討自己為何如此大意. 正如祈福黨來呃你、都要你肯比人呃先得、一個騙局如果只有騙子係唔成事的、一定要有人飾演受害人、才成一個騙局、所以、除非我們永不踏足一個自己不熟悉的新境地、否則無論在任何範疇上、都應該盡快設法不讓自己飾演弱者、受害人. 這是人生在世應有的態度、凡事向內求、不向外求.
結論 : 讀書的努力讀書、工作的努力工作、有時間搵d野學下讀下無蝕底、打下J無乜所謂、但打機就唔好太沉迷.
[編輯] 中雷遺文漫畫化
http://forum5.hkgolden.com/view.asp?message=1268687&page=1
高登網友Krauser_三世因懷念我有剷車牌
所以用中雷遺文改編北斗之拳漫畫為剷車之拳
