女士被批評容貌打小女童事件
香港網絡大典，真正屬於香港網民的網絡百科
| 女士被批評容貌打小女童事件 | ||||||||||
|---|---|---|---|---|---|---|---|---|---|---|
| ||||||||||
| 其他資料或評價 | ||||||||||
| ||||||||||
2006年8月12日，一名女性網民名為Fiona，事緣因為有一位小妹妹向母親批評其容貌。後來，被Fiona聽到小妹妹之批評後，心有不甘，扮作不小心肘推該名女童。該名女士肘推後，她說心裏還是很不爽，再拿個袋大力拍落女童的胸上，認為該名小女童應感到很痛。事主在she.com論壇將事件曝光後，受到大部分網民非議（參看下面評語），有人稱她為港女[1]。
目錄 |
[編輯] Fiona對事件的敘述及評論
以下是該名女性網民的描述[2]：
| 「 |
今日有個細路女(11-12歲到), 我過馬路果陣, 佢細細聲同佢阿媽講." 個姐姐塊面..." 點知俾我聽到..跟住我聽唔到佢講咩..因為我塊面以前生晒暗瘡..而家成面都係豆皮...我好嬲..佢分明係話緊我..紅燈過佐之後, 我一手掙落果細路女度, 當時佢冇出聲, 個阿媽又唔知..但條氣都係唔順, | 」 |
以下是書面語翻譯（修正標點符號的運用）：
| 「 |
今天有位小女童(11-12歲左右)，我過馬路時，她低聲細語地與她的媽媽說：「這位姐姐的臉......」 誰不知讓我聽到，跟著我聽不到她說什麼，因為我的臉以前生了暗瘡，現在整塊臉都是豆皮，我很生氣，她分明在說我不是，紅燈亮起之後，我一手肘推落該女童處（編按：下文交代是肩膀），當時她沒有作聲，她的媽媽也不知道，但我的氣還是吞不下。 所以我撞了她的肩膀後，再拿個袋拍落她胸處，跟著我扮著無事，急腳步離開。不過我肯定她很痛，所以我說上街千萬不要說人不是，我雖然覺得自己這樣做很壞，但這位小女童這樣罵我，我認為自己沒有錯，豆皮不是我想的啦，為何要同她的媽媽說「她的臉......」周圍都是人，為何誰都不說偏要說我不是？現在小孩很難管教。 希望你們不要批評我，了解我的感受，我這樣對這位小孩我自己也覺得不對，但要不是她說我不是，她也不會受到這種苦，她以為我聽不到，總之，我認為這位小女童在取笑我，說我有豆皮，我這樣做也是迫於無奈。 | 」 |
[編輯] 各界評論
[編輯] 部分she.com會員之留言
以下是部分會員看後的評論[2]：
正面評價：
- 小農 replied @ 2006-08-12 11:05 pm：我覺得你地顛倒事非黑白，根本FIONA先係受害者。法律面前人人平等，無分大細，個細路女做錯事是要受到懲罰的，難道童言無忌是大晒嗎?就可以殺人嗎？ 而家D細路唔打唔知死，所以FIONA其實做得好好。
負面評價：
- homme replied @ 2006-08-12 9:40 pm：我了解你既感受,無人會想塊面有缺憾,但係希望你明白個細路女佢係唔明白你塊面點解會咁先會問佢阿媽,or笑你,你係佢咁細個既時候都試過口不擇言,點解自己唔可以放鬆d呢?
- yoyo replied @ 2006-08-12 9:58 pm：我不單只同情你有面容缺憾, 更同情你的性格缺憾.
- 直話直說 replied @ 2006-08-12 10:00 pm：
- 唔好意思, 我要話你, 因為你以後都有可能遇到呢0的情況, 如果你又係咁打人, 人地無事由至可, 有起事你自己都唔安落, 仲有, 如果人地報警, 你自己又會惹官非!!
- 我睇呢次個細路女都唔係有心話你笑你, 不如你學下點樣對其他人0既指指點點, 盡量無動於中咪仲好, 起碼你又唔會咁容易嬲, 嬲得多對自己身體都唔好!!
- 抵你爛面 replied @ 2006-08-12 10:03 pm：
- 你襲擊完個細路點解重好意思上網講返自己d惡行?
- 重要覺得自己無錯嗎?即係飱???
- 唔係呀話?仲好意思話人細路仔難教?
- 有無聽過童言無忌?
- 根據你既歪理, 就算你殺左個細路都係飱啦?都錯不在你?係個細路自己黎?
- 你去睇下醫生啦 你心理好唔平衡!
- FIONA replied @ 2006-08-12 10:12 pm：
- 針唔吉到肉唔知痛, 你都係唔好批評我了!
- 果細路女分明話我,
- 佢同佢阿媽講完, 個頭望一望我, 咁仲唔係有心? 我啤住佢, 佢就即刻挨落佢阿媽度, 仲唔係身有屎!
- 我企響度, 佢話我, 我唔響佢個頭打落去咪好lor, 我高佢咁多, 只要我一手拍落佢個頭度, 佢實暈低! 但我冇咁做
- 懲戒男 replied @ 2006-08-12 10:37 pm：
- 一個不知輕重,童言無忌既細路,
- 一個受過教育,思想(應該)成熟既大人.
- 邊個應該感到慚愧?
- Drey replied @ 2006-08-12 11:05 pm：
- 版主, 下次你聽到人地話: "個姐姐塊面..." 你諗下人地可能係覺得你慘者, 未必係惡意既
- 對小朋友唔應該使用暴力, 大人都係咁, 小朋友 "有樣學樣" 梗係越黎越 "曳" 啦
- ling replied @ 2006-08-12 11:09 pm：如果佢唔係一個小朋友，而係一個成年人話你，你仲會咁做嗎? 你只係欺負一個無還擊力既小朋友。希望你好好檢討下。
- 666 replied @ 2006-08-12 11:55 pm：我覺得版主無資格話個少女無家教, 因為佢本人更加無家教!
不明回應（不知道這些回應是哪位甚至哪兒發表的，有編輯者加時沒有說明來源）：
- 自己都話周街咁多人都唔話係話你,, 周街咁多人你又知係話你囉,,!!講法律?照以上情況離講佢無犯法,,犯法果個係你! 傷人罪,最少坐幾個月!!
- 我本身都好同情你,但係以你既性恪都唔知你話過幾多人啦,人地講你一句你就去打人,你打人仲要堅持你係岩,擺明係你唔岩啦.外表唔多重要囉,你咁做咪只不過突顯你內在,外在都......何必呢?
參考
- ↑ 標題樓主稱她為港女，參看高登討論區：X街港女聽到." 個姐姐塊面..." ,就出手打小朋友,人神，2006年8月13日 4:29 PM
- ↑ 2.0 2.1 she.com：今日係我差d郁有打個細路女, 因為佢無啦啦話我..，2006年8月12日 9:12 PM
