Wikia

香港網絡大典

百佳漏汁事件

11,798個條目被收錄
增加新頁面
討論頁2 Share

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。

百佳漏汁事件發生於三屋粥版,事緣一名叫bbc的版友張貼了名為「百佳好低能....」的帖子,原意批評百佳的員工處事不當,誰知帖子一出即被一眾版友圍攻,並按事件中的各人和事進行RPG

原文

呢二日去百佳買野,收銀都問我要唔要膠袋。我習慣係唔要膠袋會出聲,唔出聲就唔該快快放入膠袋比我走,唔好阻我時間。今日仲離譜,我買一盒飯同一盒小菜,盒小菜的汁已經漏緊出來,我本身又已經拎住一個公事包同一個紙袋,佢仲要問我要唔要膠袋,我即刻話‘咁樣我無膠袋點拎走呀?’咁岩百佳有個經理係隔離,佢就話‘唔好意思,佢想你可能有環保購物袋帶黎’,聽到咁我仲慶,即刻小多次個經理,我話‘環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?’

好心個經理做生意就用番做生意既腦袋想野喇,咪鬼聽那些對樹木動物多過對人既白痴講野喇!

仲有,唔比膠袋我都唔介意的,不過最好早些通知,到時咪等我得憪洗番乾淨個環保袋至再去佢度買野o羅!

由於言詞偏激,之後bbc受到眾版友一輪口誅筆伐,而在不足一小時內有自稱「當日的百佳收銀員」發出新貼文,其後引起很大回應,事件角色相繼「留言」,最後更出現擬人法,連地板、膠袋等物件也不放過,連鄭裕玲都粉墨登場,因而引發起一連串的RPG事件。

版友創作

轉自百佳收銀

我尋日返工,有個男人,準備黎畀錢。我就問佢要唔要膠袋啦,點知佢即刻話『咁樣我無膠袋點拎走呀?』。正好經理就係我隔離,佢話『唔好意思,佢想你可能有環保購物袋帶黎’」。點知,佢即刻發哂癲咁鬧個經理,仲話『環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?』。對住呢D痴線客人,我真係想一巴二巴咁摑落去。

轉自顧客

我尋日去百佳買野,有個男人係前面,準備黎畀錢。收銀就問佢要唔要膠袋啦,點知佢即刻話『咁樣我無膠袋點拎走呀?』。正好經理就係收銀隔離,佢話『唔好意思,佢想你可能有環保購物袋帶黎’」。點知,佢即刻發哂癲咁鬧個經理,仲話『環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?』。.................

如事者鬧左幾分鐘......排我後面既人越黎越多....快d比銀就走啦....阻住晒.....

轉自經理

尋日返工撞到個癲佬......

我尋日返工,有個男人,買一盒飯同一盒小菜,跟住去俾錢。個收銀員就問佢要唔要膠袋啦,點知佢即刻話『咁樣我無膠袋點拎走呀?』。咁岩我就係隔離,我即刻話『唔好意思,佢想你可能有環保購物袋帶黎’」。點知,佢即刻發哂癲係咁小鳩我,仲話『環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?』。唉.... 而家d人真係....好彩我平時都有做開義工照顧下d弱能人士同埋d精神病患者,仲頂得住!!!!!!

轉自百佳隔離鋪職員

我尋日去看舖,間舖係正百佳隔離,有個男人係前面買野,準備黎畀錢。收銀就問佢要唔要膠袋啦,點知佢即刻話『咁樣我無膠袋點拎走呀?』。正好經理就係收銀隔離,佢話『唔好意思,佢想你可能有環保購物袋帶黎’」。點知,佢即刻發哂癲咁鬧個經理,仲話『環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?』。.................

如事者鬧左幾分鐘......圍觀人群越黎越多....快d比銀就走啦....阻住晒做生意.....

轉自百佳分店總經理

我平時返工都已經夠晒忙,成日都要睇住班細o既做o野仲要執頭執尾,遇正o的PK客有投訴仲要迫班細o既打報告俾我,無辦法啦,全部都係公司規距,咁o岩尋日有個CS o既經理仔入我大房同我講話撞到有個痴線 客,佢咁樣同我講:

「我頭先照舊行到去收銀o個度巡下,見到有個做細o既收銀員學平時咁收完銀之後要問番個客使唔使膠袋,呢o的都係公司規距嘛,要每個收銀都問個客使唔使膠袋,一陣一個唔好彩撞正個spy咁個收銀就要走去照肺了,個客答『要』咪俾佢,答『唔使』咪唔使俾囉,答個問題1秒都唔使啦,點知個痴線客唔知係咪賀爾蒙失調或者學女人咁有M到,個收銀問佢使唔使袋佢居然發晒顛小個收銀話『咁樣我無膠袋點拎走呀?』,我當堂呆o左一呆,拿拿聲走上去補鑊啦,同個痴線客講『唔好意思,佢想你可能有環保購物袋帶黎』,點知個痴線客變本加厲媽叉埋我一份『環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?』。我心諗:『問你使唔使膠袋都要俾你鬧?一陣你真係唔要膠袋個收銀塞o左俾你又俾你鬧咁點呀?』個客真係忽忽地o架,日日都對住成千上萬o既客,一日遇多幾個真係人都顛!」

好彩我平時同班細o既關係良好,聽完佢呻完佢又要繼續做o野,做大o既都好慘,要同總公司交待,平時連員工心理輔導都要做埋。

轉自百佳老闆李嘉誠

本來想叫下面炒晒班經理收銀算數,一睇先知原來個客係癲既!

今次放佢地一馬,再俾哩d事入到我耳仔,我即刻減少係香港既投資!

同埋我決定捐多十億俾港大!盡力研究點可以醫好晒哩d癡線佬!

轉自「媽咪姐日記」

媽咪姐手記

二零零五年八月十二日
超市唔派袋,男人急滴汁

本刊突發組媽咪姐收到一名男人因超市不派袋,令他當眾"滴汁出野"的投訴。

該男人聲稱他習慣係唔要膠袋會發出叫聲,唔出聲就表示要膠袋比佢走。事原該男人呢二日去百佳買野,收銀都問佢要唔要膠袋。但今次更離普,該男人當時買 一盒飯同一盒小菜,盒小菜的汁已經漏緊出來,佢本身又已經拎住一個公事包同一個紙袋,汗水體液混和焦急的心情。

收銀問佢要唔要膠袋。該男人即刻話‘咁樣我無膠袋點拎走呀?’當時百佳經理於隔離,就話‘唔好意思,佢想你可能有環保購物袋帶黎’,該男人聽到即刻慶到要出火,即刻小多次個經理,話‘環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?’

真該煨, 因為超市唔派袋,令到個男人急到 d 汁滴晒出黎, 肉酸到死。唔知超人以後會唔會訓令超市收銀員見該男人就派袋,等佢唔好咁易走火呢 ??

轉自百佳清潔阿姐

尋日我拖拖下地,見到個死仔大聲嗌「環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?」

佢個漏汁小菜係咁滴,係咁滴………滴到成地都係,真係做死人咩? 正一死仔包!

轉自小菜部阿姐

一日最衰就係我..係我最衰....最衰係我...係我最衰

最衰係我, 係我賣盒滴汁小菜比個傻佬..係我...最衰係我....係我對唔住大家......係)))我))))呀)))))

轉自飯盒製造廠員工

我o地間廠一向都負責製造o的膠飯盒同o的小菜盒供應俾百佳o架,今日下午老細突然出o黎同所有員工宣佈話要即時全線無限期停產,佢話我o地o既大客百佳超市今朝早打電話o黎話要終止同我o地o既合作,話以後都唔用我o地廠o既盒呀,因為佢o地話有人投訴我o地o的盒漏汁喎。

老實講,我o地o的盒質素咁高,你唔大力渣個盒唔會漏o架喎,而家停晒產,工廠無生意,老細俾埋今日半日人工之後都話工廠應該都挨唔住叫我o地自己搵定後路,人海茫茫,點算好呀~~ 邊個衰人投訴我o地o的盒漏汁呀!

轉自膠袋

有條友去我度買野,收銀都見佢成手都係野,問多左句佢要唔要我。條友即刻大叫「咁樣我無膠袋點拎走呀?」咁岩有個經理係隔離,佢就話「唔好意思,佢想你可能有環保購物袋帶黎」條友聽到仲慶,即刻小多次個經理,狂嗌「環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?」

咁惡架!!你估人人係佢肚內條蟲咩!但我好野,我知佢今晚食完要紋屎,所以問佢「你要唔要埋甘油條呀?」但佢好慶唔睬我

轉自銀紙

我原本係某人荷包裡的銀紙,面額恕不透露,而經過交易後,現在成為百X某分店夾萬中的一張,過兩日要上繳,趁現在有空講下野

其實某人去百佳買野,習慣係收銀膠袋會主動比袋,唔會出聲.佢好憎人阻我時間。果日佢買一盒飯同一盒小菜,盒小菜個盒本來好地地,但佢另一隻手本身又已經拎住一個公事包同一個紙袋,所以拎野唔穩,渣爆左個盒既封口位,有送汁必出來.當時佢埋到收銀度,個收銀唔為意個盒爆口,又想響應環保,多口問佢"要唔要膠袋"佢竟然答"‘咁樣我無膠袋點拎走呀?"咁岩百佳有個經理係隔離,佢就話‘唔好意思,佢想你可能有環保購物袋帶黎’,佢聽到咁就即場扯火,即刻小多次個經理,話‘環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?’

不過我就比佢用左黎付款,佢走左之後個經理因老羞成怒,係咁隊個收銀,個收銀係個經理行開左之後仲死死氣咒罵個客同經理

大家不妨追訪下D汁

轉自漏汁飯盒

尋日有個傻佬拎起左我,就想話買左我啦。去到收銀處個時,傻佬就畀錢個收銀員,個收銀員就問個傻佬要唔要膠袋啦,點知個傻佬突然發左神經咁

好大力咁掐住我,搞到我D汁漏哂出黎,之後對個收銀員大吼「咁樣我無膠袋點拎走呀?」。

咁岩百佳有個經理係隔離,佢就話「唔好意思,佢想你可能有環保購物袋帶黎」,之後個傻佬用左好多三字金言屌個經理,仲好大聲咁話「環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?」,之後佢就氣沖沖咁走左啦。

返到去佢屋企,佢一手丟左我入垃圾箱!係垃圾箱入面,我聽到佢話「煮個公仔麵仲好過!」

轉自百佳小菜

尋日有個死盲佬拎起左我同埋一盒飯,就想話買左我地啦。去到收銀處個時,個死盲佬就畀錢個收銀員,個收銀員就問個死盲佬要唔要膠袋啦,點知個死盲佬突然發左神經咁,好大力咁掐住我地,搞到盒飯D野漏哂出黎,個死盲佬仲老屈我漏野,之後對個收銀員大吼「咁樣我無膠袋點拎走呀?」。

咁岩百佳有個經理係隔離,佢就話「唔好意思,佢想你可能有環保購物袋帶黎」,之後個死盲佬用左好多三字金言屌個經理,仲好大聲咁話「環保袋都要洗架,我得憪洗乾淨個環保袋不如煮個公仔麵食,駛鬼黎呢度買飯盒呀?」,之後佢就氣沖沖咁走左啦。

返到去佢屋企,佢一手丟左我入垃圾箱!係垃圾箱入面,我聽到佢話「煮個公仔麵仲好過!」

轉自保鮮紙

成個中午得一個男人黎買小菜.咁小菜阿姐問佢要唔要保鮮紙包住盒野呀? 好易滴汁架wor。佢好火滾話唔洗啦,我咁能環保,condom我都唔用啦,用您張保鮮紙?!小菜阿姐立即無癮啦...

點知條友思覺失調架, 佢出到去收銀處話要膠袋袋住wor!鬼殺咁嘈,煩到死! 我心諗條友一定係思覺失調/短暫失憶!

轉自汁

係禾自己要o係個盒度湧出黎既, 完全與禾當時人冇關

轉自地面

個次,有個傻佬,個飯盒漏汁,搞到我....搞到我><........T.T,成面都係d汁,又要做美容la!d錢係咪應該係你e個死傻佬比先!

轉自鄭裕玲

大家有目共倒(睹),某大超市竟然令男士滴汁,所以惠康先至係智慧之選

後續發展

事情發展如此,備受批評、恥笑及玩弄的bbc便發表一段長篇回覆︰

JIM 兄,見你講野都有紋路,所以回你個post。

可能內文太激,所以你忽略了個主旨,否則應該唔難想到我係針對公司而唔係針對員工。

我對個收銀講的那句話是用平常語氣講的,目的是想佢知道咩事,同有機會時可以有憑據地向上頭反映。至於個經理,我就真係用比較重的語氣,因為佢始終係經理,要對店內一切事負責,而且,如果你有咁上下相關經歷的話,應該明白有些人是要用較重的語氣,否則佢係聽唔到你講野的。其實,佢二個對我來講只係個傳話人,無必要太過難為佢。如果我話我都係超市集團員工,唔知你信唔信?

二日有二個唔同收銀問我要唔要膠袋,比你估多次,我會唔會唔知佢地咁做唔係自已意思呢?我甚至想到亦唔係marketing或高層本意,因為用做生意的角度睇,無理由做咁岸居的事的。所以文內寫到好激,希望佢地醒目,識得用黎同有關人士力橕。

膠袋問題係好嚴重,但現在的解決方法有問題。如果超市唔比膠袋或要收膠袋錢的話,有無人想過會發生咩事。相信其中一個立刻會出現的情況就係零售量下跌及利潤減少,到時所有員工都唔會有好日子過,如果跌幅太大或持續的話,甚至可能要裁員。如果真係不幸地去到這個地步,到時我相信被裁的人一定要上黎呢度多謝好多人,至少都要祝佢地‘善有善報,合家平安’。講真,如果我都因為咁比人裁,我就一定唔止比咁少祝福佢地。哈哈。

係度出post因為覺得這裡人流多,希望有百佳高層睇到,可以直接知道顧客意見,然後盡快改變。我話‘小多次個經理’係想加重語氣,如果真係有百佳高層睇到,咁員工之後做野同反映意見都可能會容易一點。想知我係點對個經理,如果你搵到個經理就一定會知的。我絕對唔介意有人去搵佢黎問的。哈哈哈!!本來想出張牌,希望有人識得繼續打落去,但估唔到原來個世界仲有唔少人係‘成事不足,敗事有餘’的,無計。百佳員工們,唔係我唔想幫你,但個世界有咁多這類人,我都無能為力了,祝你們好運吧!

最後講多樣唔關事既野,睇回post都可以大至睇到回post個人係咩人咩料同做咩工的,唔知同唔同意呢?

影響

由於事件迴響極大,參與人數眾多,過程中粥友們無不笑不攏咀。而粥版因為給這個真心膠湊一湊熱鬧,帶來了一股RPG熱,後數月後仍有零星小規模變種出現,為粥版文化帶來深遠影響。

相關條目

更多Wikia社區

隨機wiki