自家烏冬廣告惡搞熱潮,是指2010年由男高音莫華倫為「自家烏冬」拍攝的廣告被網民惡搞的事件,是從許志安「尖尖尖」廣告熱潮帶動的。有關廣告中由莫華倫以西方歌劇腔唱出的「自家烏冬」,達到洗腦效果,引起網民惡搞,並製作多段10分鐘洗腦短片,並衍生出多段惡搞短片。
起因[]
原本廣告為推銷自家烏冬用料新鮮,但最後由他高腔唱出的「自家烏冬」,令廣告極其洗腦,故慘被惡搞。
廣告原版[]
片中莫華倫稱讚其麵食新鮮,介紹湯底時更指「沒有雞粉」、「連油都冇一滴」(一點油也沒有),然後用問題吸引觀眾,最後由他高腔唱出「自家烏冬」,引起網民注意。
「自家烏冬:莫華倫」原版:
惡搞版本[]
由於廣告中的「自家烏冬」十分洗腦,兼很有惡搞潛力,故吸引了不少網民對其惡搞,並衍生出十分鐘版、搖滾版、長氣版、火星文版及倒轉版等多個版本,甚至把對白換掉,數目足可媲美尖尖尖。
「莫華倫:自家烏冬」自家烏冬足十分鐘版本:(其實差了一秒才到十分鐘)
「莫華倫:自家烏冬」冬足十分鐘版本:(長氣版)
「莫華倫:自家烏冬」九唔搭八十分鐘版本:
「莫華倫:自家烏冬」搖滾版本:
「莫華倫:自家烏冬」倒轉字幕版:
「莫華倫:自家烏冬」火星文版:
「莫華倫:自家烏冬」lag機版:
「鳥冬後群症肆虐香港」:
潮文[]
是咁的,今朝有人係咁起度LOOP♪自家烏冬♪,搞到我夜晚有舖癮走咗去食。
咁我就首先攞咗張飛先啦,係67號,但係當時就叫緊36號, 於是我就走過去荃豐行下先啦。
行咗10分鐘,返去綠楊睇睇去到幾多號。
哇!咁快去到55號,我就一於等多陣。
等多5分鐘,由於獨男嘅關係就好快有位啦,就咁就跟個侍應入去坐。
咁我就咁啱我坐咗起個出菜位旁邊兼吧枱,佢碟碟野都睇得一清二楚。
首先影容下個situation先啦,坐底,後面就係條通道,窄到冇朋友,要坐到最入先唔會阻住d侍應傳菜(佢傳菜用嗰個盤都幾大)。
於是坐到最入,你係冇位放你d袋or其他,佢張櫈同張枱相差嘅高度只係啱啱好夠放你嘅雙腳,
好彩我咁啱淨係拎把遮過去食野。
安頓好之後,好啦咁就拎個餐牌睇下有咩食啦。
一拎,WOW,原來個餐牌爛咗。
咁我就無視佢,正常咁當返佢係一本完整嘅書嚟揭啦,就叫咗個「野菜天婦羅烏冬」@$34加一。
叫完就問我洗唔洗走蔥,咁我就話唔洗,佢再補多句話要等15-20 分鐘。
起哩段漫長又難過嘅時間入面,我浸淫起哩個不安嘅起氛。
點解不安?係因為佢地d侍應。
似乎舖頭規定咗所有人講枱號都要用「日文」,
但係就唔覺有其他,
所以我聽到好幾次「十一(日文)同埋(廣東話)十六(日文)」、「二十九(日文)埋單(廣東話)」哩類嘅句子,
哇真係唔知做乜,佢真係「假得黎好假」。
咁就除咗d侍應,我剛才都講過我坐出菜位旁邊,
睇住佢一碟又一碟嘅野出黎,都係得炸野同烏冬,
烏冬就好難就咁睇得出好定壞啦,但係d炸野真係冇眼睇
首當其衝嘅就係吉列豬扒。
所謂吉列豬扒就係要皮同肉都講究,
咁我見到嘅就係肉就唔錯,但係層皮竟然係甩咗冇黐住舊肉, 而且個皮望落橙色(已經過咗金黃色),上面d
麵包糠又細粒, 真係分分鐘大家樂都仲好過佢
第二樣,天婦羅。
需知天婦羅講求嘅係少油,但係我就咁望落去,
噢!潤滑的油面配上黃色的皮,反射着慳電膽的光芒,簡直是金光閃爍卡路理啊!
望下望下,左望右望,佢又出咗個炸餃子,我睇返餐牌好似係「雞軟骨餃子」。
哇,又係炸到黃到啡,曲到直嘅,真係油都唔洗腸。
同時我諗緊到底呢個菜色食落係點,到底係真係得幾舊骨加塊皮定係有肉。
時間咁就過&
時間咁就過咗15分鐘,而我嘅野菜天婦羅亦到咗。
所謂野菜其實有茄子,南瓜,番薯,芋頭同冬菇各一件,
同埋有碗烏冬上面有d蔥。
咁我就攞起對棗紅色六角形嘅膠筷子,輕輕咁夾起一條烏冬,好似隱約見到佢由三層麵團壓出嚟。
將烏冬放入口,一咬,哇又shocking!烏冬硬度甚高, 比硬膠更硬。
蔥就細粒,湯就清澈見底,味道都ok。
佢店內寫明湯底係用魚干煲,大大隻字寫住「無油無味精」,的確係唯一冇油嘅野。
好啦咁個天婦羅先係勁野,芋頭,番薯,南瓜哩三塊嘢,冇一塊厚過0.5cm
其實天婦羅一定搵張紙墊住嘅原因就係畀你睇下佢吸到幾多油, 吸得愈少就代表件天婦羅愈少油。
但係佢好聰明咁搵d菜絲放起件天婦羅下面墊底,視覺上美觀之餘仲可以隔開佢防止張紙吸油,一石二鳥。
感慨完之後就食啦,食下食下,食下最後一件,感覺都只係食緊減油版嘅煎釀三寶…
唯一就係佢個茄子切得幾靚,而且仍然係「金碧輝煌」。
食嗮,就好似成功咁炸咗個地雷咁。
而結論就係,佢d烏冬真係好自家。
想自膠嘅人務必去試下。
我已經自 咗啦,你呢?
網民反應[]
由於自家烏冬惡搞熱潮隨「尖尖尖」而起,因此網民面對這廣告惡搞時,都指惡搞者沒有新意、很煩。但亦有網民指廣告笑點仍在,莫華倫及自家烏冬更慘被譽為「自家烏冬好假肥佬」、「自膠烏冬」。[2][3]
註解
外部連結[]
|