Wikia

香港網絡大典

變靚D

11,872個條目被收錄
增加新頁面
討論頁0 分享

變靚D,全名為變靚D控股有限公司Be A Lady Holdings Limited),前身為「彩虹集團」,於1997年由前香港商人李雅君創立。當時該公司是以銷售化粧品商店之一,後來因過度擴充,引致財政問題及全線清盤及結業。

到了2004年,該公司由友聯建築材料(盈大地產前身)前創辦人蕭若慈收購,透過發行股票集資、重組等,經股東特別大會通過改名為「變靚D控股有限公司」,直到2010年中,該公司通過改組產業,轉移至無限創意控股,創辦香港人網蕭若元曾是該公司的主席。

目前變靚D主要從事美容院、醫療中心及整容院業務。

運作模式

有高登會員發帖時表示,有人懷疑變靚D以雙軌直銷(binary)之方式經營,對象為各大專院校之學生,有部分參與者曾經表示被騙。

  • 帖子標題:《變靚D 是如何運作的?》
  • 帖子連結:http://forum.hkgolden.com/view.asp?message=607529(已死鏈)
  • 內容:

大家咪以為變靚D

只係一間純粹幫肥婆肥佬減肥o既纖體公司

其實佢根本就係一間掛羊頭賣狗肉o既傳銷公同,以纖體中心地址作為架步,實質唔知有幾多無知青年人仟俾人帶上去"面試",而本人就曾經同佢地交過手啦,想分享少少俾各位巴打知,以免中伏

于大約兩年前,本人在一個機會下,結識到一位A小姐,在相識兩個多月後便好好心咁介紹一份名為"MARKETING" o既工俾小弟,我o個時正值無所事事,心諗"咁荀",便不由分說,問題也不問一句,爽快地答應了牠的邀請.

三日之後,牠約我到旺角銀行中心等,(我都唔知點解當時自己咁順攤),等左十五分鐘之後,佢終於落黎,話之前做緊野,唔得閒咁樣,咁算啦,都黎到啦,照去睇下咩料

上到去,原來係一間名為”變靚D”o既纖形公司,第一時只諗到最多咪做下sales咁,邊會諗到咁遠. 之後佢帶我入左一間房,里面有一個人,佢叫JOHN,讀中大,坐低之後,開始時都係問D大路野,之後就開不停咁開火向我攻擊,試圖打擊我的自信心, (佢口才又真係幾好) 但奇怪o既係A小姐一直在場, 仲o係側邊不住點頭,之後先黎料, 佢開始講于人傳人o既野,講下人同人o係生意上有咩意思,再過多陣,就露出了狐狸尾巴,開始向我sale一套”生意計畫”, 係咁o既, 如果我同意加入就會成為變靚D纖形公司o既合作人,利用”網路”去幫自己同公同掙錢, 理論大致如下:

1分為2600元

2分為5200元

如此類推

最多買17分

17分 44200元

咁買d分黎有咩用呢? 你買返黎o既分就係用黎作為你o既子彈(佢講o既), 即係coupon, o係用黎o係roadshow度用黎妁釣客上去中心o既,通常都係會向客人送出價值260元o既面膜,咁即係1分就有10次機會你用,冇晒就好難有客人上去,冇客人就冇佣啦. 所以佢仲有另一手準備,就係搵下線(佢當然唔會咁直接講啦). 佢話佢地o個制度係咁,自己下面其實係有兩條線,一條就自己砌,另一條就開頭上線幫你,如果你搵到一個肯出2600元o既水魚,而你上線又有一個2600 元o既水魚俾你做你下線o既話,你呢一個月就會有$800, (總之就係要一對一, 2600對2600=800, 44200對44200=13600) 所有野都係累積咁上,如果你一個月搵到十幾萬o既”生意”都坐底有幾萬蚊落袋. 之後o既故事咁就大家都知係點啦,同傳銷真係冇咩分別, 去到呢一個位,我有d唔耐煩,問佢咁同傳銷有咩分別,佢就話佢地sale o既係服務(纖形中心),唔同LB,咁sale垃圾香X, 咁又好似係,但佢就對上下線呢樣野好迴避咁,我問佢,佢又會話老闆係蕭生,又係上市公同,唔會扼鳩你咁話,

不過我都冇信佢,佢見我想走就加強攻勢,想以物質利誘我,又話邊個邊個,又LV,又ROLEX,仲話冇錢可以碌爆D卡佢咁,問我有冇信用卡,我心諗屌你啦,碌你老母,之後我就夺門而去,理都冇理佢地,而A小姐之後亦冇再見過…

可能有D 1999 ,請見諒

個案一

(copied from career group)

我唔想再有人好似我咁俾人呃, 可以話俾大家聽我個case係點

首先, 我從來都無諗過要做傳銷, 我係一個學生, 來自單親家庭, 得阿媽一個撐頭家, 真係好唔忍心, 成日都希望可以做pt幫輕屋企

呢個時侯John Mok 黎搵我, 初初話介紹氛pt job俾我, 因為我同佢以前係好朋友, 所以梗係好多謝佢啦

點知上到去一叫我開分, 我就知唔係路啦, 想走, 但係佢有同我講話我可以係街sell真正需要products既人, 如果有需求, 你去賣, 咁有咩問題? 我心諗, road show固然係辛苦, 但如果辛苦可以賺到錢幫屋企已經好好

點知, 我俾左錢之後, 佢地同我講, 一定要交"名單", 何謂名單? 唔該你寫晒你d大中小學同學, 朋友, 親戚既名同電話上去, 再分類, 邊D易tum D, 邊D無咁熟

嘩, 真係好嬲好唔開心, 我諗住sell街客, 唔係sell朋友嫁, 大家都係窮苦學生, 我就話家庭有需要要咁樣先俾錢後工作je, 但我D朋友好地地, 有咩理由要人碌幾萬Card數黎做我下線??

我相信有好多野比錢黎得緊要, 有d野唔係窮就可以賣, 一係賣身, 二係賣朋友

我唔肯俾人名單佢地, 佢地唔俾我做, nvd, 呢d公司俾我都唔做, 呢d人俾我都唔想識, 我而家都係做緊五分補習還o個條card數啦, 鬼叫心急搵錢同蠢容易信人咩, 大家千祈唔好學我喇

by 最憎無良傳銷 - 04/01/06 11:36

個案二

想當年一個暑假(其實都係一兩年前),我既一個補習學生打電話比我,話有份短期既暑期工介紹比我做。。。果陣時已經八月,諗住搵少少洗費等開學都好丫,所以就跟左佢去。。佢約我係旺角匯豐度等,而間野就係匯豐附近。

成個都係一個局,佢之前會講左唔少野比你聽,等你覺得見呢份工係一份普通既sales,見呢份工係會有難度。。佢會講唔少野比你記住(例如話係上市公司黎架,8079,又話佢老細年青有為),而上到後又會扮忙咁要你坐低等佢一陣。

講真,我之前完全無諗過一間減肥野會係傳銷,話晒有肥媽做招牌喎,我係入到間房後,我竟然見到我個學生竟然入買黎一齊坐,我先至feel到係傳說中既傳銷格局(即係一間細房,有負責坤你既人同埋你既朋友等你唔好意思走)。

入到去後,佢不停咁講話呢間野係"燒才子"開既,證明佢唔係呃人,又講左d令人覺得燒才子好勁既說話。。 。講完令你信服後,又再講下8079既服務有幾咁抵(話之前修身堂既人都係係到做,之前仲收緊幾萬蚊喎)。。。講完後。。就開始黎料喇。。

跟住講一d唔係好合乎邏輯既說話,似是而非咁舉例子話要你做用家先可以賺呢d錢。。我話我無,跟住佢話碌卡都得,仲知道大學信用卡有15000 limit可以用盡,佢話佢當年都係咁。。佢話至少都可以開個$2xxx既。。多d錢就進取d,少d錢就保守d。。。佢話呢d錢你當係做生意,因為之後sell比d師奶要用你買左既coupon當係贈品咁送。

跟住我好記得有一幕,就係佢見我不為所動,就羅張學生證出黎,證明佢係中大人(因為佢知我都係讀緊中大),細我一年,然後用激脹法咁話"你無理事由會差得過我架?"。。。。見我都係不為所動。。。就無啦啦羅左個lv銀包同唔記得左係gucci定lv既公事包出黎,同我講話,"你都想用呢d架?"。。。。。

再見我不為所動,就懶係有野做咁行左出去,淨返我學生遊說我。。。講左兩三個字後,佢笑容滿面咁打開門行返入黎,我就即刻係佢打開門果一剎那走。。。

係果一剎,我記得佢個樣好難睇。。。

整個過程,為時大約75分鐘。。。。如果意志堅定既話,我不嬲都贊成d朋友上去聽下佢地講乜,因為從中學到唔少遊說技巧。。。。

ps 睇完個xanga後,我深深相信個xanga係佢用黎坤9人用,開黎比果d迷途既人睇,等佢地覺得做傳銷就好似佢咁發。。。。。

傳媒報導

變靚D減肥藥 服後「想跳樓」 醫生蕭定榮再控專業失當
(明報) 12月 14日 星期五 05:05AM

【明報專訊】曾犯專業行為失當的西醫蕭定榮,再被醫委會控告專業行為失當。控罪指蕭定榮在04年5至6月期間,向一名光顧美容減肥中心「變靚D」價值4.9萬元減肥療程的男顧客,不適當處方減肥藥物 ,當中包括醫治甲狀腺疾病的Qualicana,該藥可引致抑鬱、焦慮及血壓脈搏上升。事主母親供稱兒子服藥後曾說「想用刀架頸,想跳樓」。

曾患精神病的事主參與減肥療程的變靚D控股有限公司沙田連城廣場分店,負責人昨拒絕回應事件,表示今天才回應。

基於保護病人私隱,醫委會主席麥列菲菲指示傳媒不能披露事主身分。案情透露,事主在04年5月12日至6月9日共4次光顧沙田「變靚D」,並接受西醫蕭定榮提供的減肥療程,事主每次在接待處取得兩種或以上減肥藥物。

曾患精神病 服藥1月後抑鬱

事主母親供稱兒子接受3次療程及服藥後,情緒大起大落,亂擲東西,時而焦慮時而抑鬱,她稱其子曾說﹕「想用刀架頸,想跳樓,最好愈高愈好。」母曾向蕭定榮查詢,是否藥物導致其子情緒大起大落,蕭稱有可能,並叫其子看精神科醫生。

其後事主向精神科醫生求診,治療後其子的情緒問題轉好,事主於是要求「變靚D」換醫生,其後10多次減肥療程改由一名楊姓醫生負責,母子並向醫委會投訴蕭定榮。

醫委會秘書處蒐集證據時,發現事主獲發至少8種減肥藥,包括可引致抑鬱、焦慮、心跳加速的Qualicana,以及可致腎衰竭的Redusa和Redusa 15等減肥藥物;但藥袋上沒有清楚寫明醫生和病人姓名。醫委會對被告提出多達12項控罪,包括沒有適當監察減肥藥物可能會出現的副作用,以及在藥物標籤上沒有清楚列出醫生和病人姓名等。事主作供時稱,曾向減肥醫生透露少時患過精神病,但其後已醫好。

事主「史泰祖」當「蕭定榮」

案情節外生枝,事緣事主及其母親在聆訊中,無法確切辨認昨日有出席聆訊的蕭定榮是否在場,事主甚至誤認正在詢問他的醫委會委員史泰祖醫生,指他有點似蕭定榮,引致全場爆出哄堂大笑;蕭定榮的律師也表示沒有事主的醫療紀錄。

醫委會主席麥列菲菲表示鑑於案情所需,要傳召「變靚D」的負責人,交出事主的醫療紀錄,所有相關的醫護人員包括美容顧問、接手為事主減肥的楊醫生,亦需出席日後的聆訊。[1]

醫委會聆訊「變靚D」西醫涉專業失當
(星島) 12月 13日 星期四 01:26PM

醫委會召開紀律聆訊,懷疑一名在纖體公司「變靚D」工作的西醫,不適當處方減肥藥,懷疑他專業失當。投訴人王兒愛及兒子彭家健分別出庭作供,案情指,彭家健於2004年3月在沙田連城廣場的「變靚D」,買了一個價值49,000元的纖體療程,包括16次中西醫療程,被告蕭定榮醫生向他處方了幾種減肥藥,但他服食了一個月藥後,就出現自殺傾向。精神科醫生之後證實,他患有抑鬱症,不應該服用這些減肥藥。病人的母親在作供時聲稱,在陪伴兒子求診時,亦曾經詢問過蕭定榮,這些減肥藥會否影響腦部,雖然醫生當時答會,但由於相信醫生的專業判斷,所以沒有再追問下去,這些藥有什麼影響。醫務委員會懷疑,蕭定榮向病人處方不適當的減肥藥,又沒有監察療程可能帶來的副作用,藥物亦沒有適當標籤,包括沒有在藥袋上寫上醫生及病人的名,懷疑他專業失當。但辯方就指,蕭定榮醫生沒有見過彭家健,減肥藥亦並非由他處方。[2]

控變靚D整容書抄襲 明報出版社入索償
(明報) 06月 27日 星期三 05:05AM

【明報專訊】女星吳文忻 今年5月為其代言的變靚纖體美容有限公司(變靚D)出版書籍《開心整容手冊》,內容被指抄襲明報出版社2005年為整形外科專科醫生朱文楷出版的書籍《美麗在望 整形有術》 ;明報出版社及朱文楷日前入稟高院,控告《開心整容手冊》的出版社及製作人等侵權,要求法庭禁止對方再出版侵權書籍及追討賠償。

出版社及朱文楷日前入稟高院,控告《開心整容手冊》的出版社及製作人等侵權,要求法庭禁止對方再出版侵權書籍及追討賠償。

6名被告人分別為《開心整容手冊》出版商變靚纖體美容有限公司,以及其兩名董事蕭若慈和梁國駒;另外3名被告是該書的製作人「力出版有限公司」及兩名董事李力持 和李量持。

兩名原訴人分別是明報出版社及朱文楷。入稟狀指出,明報出版社2005年7月為朱出版《美麗在望 整形有術》,而內容被指侵權書籍《開心整容手冊》則於今年5月出版。

【入稟編號:HCA1329/07】[3]

相關條目

註解

外部連結

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。

更多Wikia社區

隨機wiki