Wikia

香港網絡大典

那星

11,872個條目被收錄
增加新頁面
討論頁0 分享

那星》,改編自蘇永康的《那誰》,由邵子風龍小菌改詞,馮彥中主唱,在2011年9月9日推出。此曲內容主要是諷刺一些不做家務、懶惰的港女老婆。由於此曲的歌詞非常啜核,因而令其YouTube影片有超過2萬人瀏覽過,並成功在《東周刊》上報

影片

那星04:06

那星

歌詞

《那星》

原曲:《那誰》,蘇永康
改編作詞:邵子風龍小菌
主唱:馮彥中
讀白:龍小菌

讀白:你坐喺電腦前面
嘗試喺搜尋引擎器裡面輸入How to find
自動彈出嘅第一個聯想語句
亦即係全球最多老公搜尋既語句
係How to find a good wife ...

老婆確實懶得誇張 我日捱夜捱被她吹漲
迷茫地看著飯枱枱腳 攝了兩張 結婚相
話入廚其實根本請槍 要你洗碗你卻開枱至上
極美好世界 全變成理想
仿似net friend相見 完全走樣

返屋企 將咕臣 枕喺頸 濕濕地
神神地 搵煎堆 西瓜煲咖喱
污漬 撻在鏡子真可悲
我只怪只怪自己今世錯在娶你

念舊日 好心機 煮幾味 的你
無厘頭 會學下中國料理
薑蔥炆魚尾 竟可 吃著塊碎破璃

讀白:點樣先可以將一間屋洗得乾乾淨淨
我可以好肯定咁話比你知 冇方法
你話 只要我肯做就會做到
我明啊 但係 我真係唔想郁啊

我在這夜上一枝香 也未能及時逆轉真相
凝看著那羅浮宮婚照 萬八套餐 兩張相
房、廳、廁全像打仗現場
我說污糟你卻高聲叫嚷:
女:「別再數算我 嫌我唔理想」

久結不解的壓抑 過於高漲
返屋企 收音機 聽一聽 啤梨
說到我的妻子 真想小那星
講起 似亂葬崗的屋企
被窩找到咖喱炒蟹確實詭秘
思憶起 好心地 做善事 買旗
無察覺 你入血的臭脾氣
當初寵壞佢 今天 我沒法再准許

如若你有野做唔怪你 請你想到我OT收工那滋味 
返到這屋企 想你乖乖地 像當天企理

讀白:其實呢 家庭主婦真係好犀利
你知唔知點解你哋屋企咁乾淨啊?
因為十居其九都有個賢妻良母係你地屋企啊
我唔同啊 我係唔識執屋㗎
你話人人都識做㗎 但係我竟然唔識啊

可不可 花心機 執返好 屋企
你說過很喜歡 洗碗兼抹地
怎麼 兌現承諾 已無期
你於被窩裡靜雞雞放了無聲屁
望落地 竟睇到 啲雞骨 累响地
明暸前世是我早欠著你

跟她講道理 可惜 上次被踢飛
還中我兩拳 隔著衫也feel到火氣
當天完美 今天看著你 我要飛你……

讀白:丫唔記得咗講
你原本想喺搜尋引擎器裡面輸入How to find
但係當你輸入到How to f-i-n嘅時候
搜尋器會自動彈出一句 How to finish your marriage

相關條目

註解

外部連結

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。

更多Wikia社區

隨機wiki