香港網絡大典
註冊
Advertisement

鍾志光(Eric Chung),外號鍾仔,無綫電視足球評述員及演員,同時也兼任香港甲組足球聯賽球會晨曦的秘書。

簡介[]

鍾志光畢業於葛量洪教育學院後任職體育教師,曾於1988至1989年間任教恩平工商會李琳明中學。其後到商業電台負責體育節目,再轉到無綫擔任體育評述員,當中以足球評述為主。同時他亦有在劇集中客串。由於他幾乎評述所有在無綫播放的體育節目,除足球外還包括賽車、搶包山、龍舟比賽、馬球,以及奧運各項賽事等,加上在劇集「雙線發展」,因而被網民稱為「萬能鍾」。然而,與其他資深足球評述員相比,鍾志光評述及分析足球賽事的專業性,受到部分觀眾的質疑。[1][2][3]

鍾志光亦為少數高學歷的娛圈人士。2003年,鍾志光在香港公開大學取得中國人文學士學位。修讀人文學科的原因,是中學時遇到兩位有學養的中文和歷史科老師,加上結束其體育推廣公司,故有較多時間進修。及後他更先後修畢中國語言及文學碩士和哲學文學碩士。

評述金句[]

網民認為鍾志光金句多多,擅長將平凡賽事講成精彩絕倫。另外由於他為無綫體育組台柱,評述經年,網民雖然有時對他的評述質素頗有微言,但對他「聲大大」的聲線及風格,總是「覺得非常之有親切感」,而每每有人創作他評述情境時,網民都表示會自動浮現他的聲線,可見其深入民心。[4]

「超級大傻仔」[]

2006年,鍾志光在一場愉園對晨曦的足球比賽擔任評述,當時他旁述愉園一次攻門時,將企圖施展「倒掛金勾」的愉園球員形容為「超級大傻仔」,因他未有向正龍門施射,更恥笑他「你估你真係識自動導航咩?」

2015年,有網民上載高清加長版「超級大傻仔」片段,令其他網民得知被鍾志光形容為「超級大傻仔」的愉園球員為前港腳羅倫士,另外片中鍾志光亦形容阻礙對手門將開自由球的晨曦球員哥連斯為「傻仔」。


超級大傻仔_(720p60_Long_Version)

超級大傻仔 (720p60 Long Version)

「無語問蒼天」[]

2008年北京奧運中,中國田徑選手劉翔因傷退出。鍾志光在為有關片段旁述時,語調哀傷,加上背景的「死人」音樂,網民認為似講鬼故,又或以為劉翔逝世,更以一句「此時此刻,無語問蒼天 」作總結,令網民拍案叫絕。

其他金句[]

  1. 呢球波龍門唔救一定入
  2. 呢個球員既左(或右)腳好熟
  3. 兩個係更衣室門口等,雖未至於手拖手入更衣室
  4. 無綫互動Giv遊戲,send多啲短訊嚟啦
  5. 叫你入波,逃也逃不到,避也避不到
  6. 呢場波一定有得睇入波,120分鐘冇波入唔緊要,射12碼果陣一定有得睇入波
  7. 塊地係乾,唔係祖雲達斯果個「干地」
  8. 巴塞前場好似傑志領隊一樣——「伍健」(五件)
  9. 你攻我擋,你攻我擋……
  10. 神奇過神奇
  11. 換保丹出黎係咪要食番粒補丹先?
  12. 冰筒入邊咩黎架?冰水黎架!
  13. 如果你唔鍾意歎冷氣,亦可以到出面嘅沙田中央公園。嘩!涼風颯颯,爽呀!(己丑年沙田龍舟競渡)
  14. 亨利走到黎架啦!噓!呢個波呢係面對住馬特拉斯,過左馬特拉斯,又過唔到邊個呀?呢個咪簡拿華路囉!唉!今日真係精彩呀簡拿華路![5]
  15. 入哂大細龍門唔係當兩球都係當一球咋(2012年歐洲國家盃)
  16. 你無睇錯呀!我而家係國際台講緊波呀!仲係廣東話做主聲,真係幾項創舉呀!(2012年倫敦奧運
  17. 保特左望望,右望望,就好似過馬路咁(2012年倫敦奧運)

評世盃外圍賽肺腑之言[]

2015年9月8日,香港足球代表隊在2018年世界杯外圍賽,繼五日前作客迫和中國隊後,主場在先落後三球情況下完場前連追兩球,結果僅以2比3敗給強敵卡塔爾。無綫J2直播這場矚目賽事,鍾志光為評述之一。雖不少網民一如以往批評他評述吵耳及質素欠佳,但他在球賽臨結束時,講了一段對香港足球發展的肺腑之言,卻被網民激讚:

葉鴻輝……今日就呢無計啦吓,已經盡咗最大努力……你睇到呢啲(香港球迷)真係吓……一路仲嗌緊「We are Hong Kong」!你睇到足球幾能夠係震攝人心,同埋足球嘅凝聚力係幾緊要!香港點解唔好好去利用、發展足球呢?「鳳凰計劃」擺咁多錢,做咗啲乜嘢?我唔評價,而係話……其實我覺得仲有好多空間做得好啲。你睇到足球能夠咁震撼,點樣嘅凝聚力就響呢度!大家一齊去嗌「We are Hong Kong」,幾美好呀呢樣嘢!

至2016年3月港隊最後一場分組賽作客卡塔爾,不少觀眾於翡翠台直播下見證港隊以0比2敗陣,正式結束今屆世界盃外圍賽的「神奇之旅」。縱使未能出線,但港隊表現已經贏盡球迷的歡心。鍾志光在比賽末段再現金句鼓勵港隊及球迷:「江東子弟多才俊,捲土重來未可知」、「分組賽完結唔係終點,而係香港隊重生嘅起點」,為網民激讚。[6]

其他討論[]

一人飾演四角[]

鍾志光除擔任評述員外,自1997年起一直有參演無綫的電視劇,起初多為飾演只出現一兩場但需要記長對白的專業人士,如醫生或律師。但由於無綫近年體育節目大幅減少,連帶鍾志光評述工作銳減,因此他被調離《體育世界》,主力客串電視劇。同時因為無綫近年鬧綠葉演員荒,鍾志光在電視劇中的戲份因而增加,經常擔任整部劇集均有出場的角色,更與主角大演對手戲,至今演出劇集超過120部,而他在處境劇《同事三分親》及《愛.回家》中更曾一劇先後飾演四個角色。

全天候「萬能插」[]

2013年夏天,無綫宣佈取得2014年世界盃、2013年洲際國家盃、2013年世青盃以及一連串足球友賽的播映權。[7]網民發現在2013年洲際國家盃及世青盃舉行期間,鍾志光除每日深夜評述賽事外,其間亦有繼續其他體育評述工作,包括曾兩度「深夜講波,早上講龍舟」,更「踩過界」在2013年6月16日播出的一集《超級無敵獎門人終極篇》亮相。[8]加上在同期星期一至五晚播出的《好心作怪》一劇中,飾演苗僑偉下屬,鍾志光可謂幾乎全日均在無綫出現,比一線小生出鏡率更高,網民盛讚他專業拚博之餘,亦希望他注意身體健康。[9][10]

網民對鍾志光「常出現」的討論受到傳媒的留意,為此訪問了他本人。對於擔心他的體力問題,他笑說:「聽我說話都很有中氣呀,其實並不辛苦,因為有錢搵,工作量多勞多得,人生有幾何做到有興趣的事又維到生,好感恩!」[11]

Cap圖[]

外部連結[]

註解

外部連結[]

網上討論[]

傳媒報道[]

Advertisement