Wikia

香港網絡大典

阿嬌 EDISON

討論頁1
10,909個條目被收錄

2008年1月28日誕生,流出地點不明,相信是由Twins狂迷的批評帖文,在1月28日,由於高登會員海德山伯爵在多個帖文上瘋狂轉貼此文,因此而升級為潮文,令其他高登會員因不勝其煩而出post要求高登ADMIN將其ban掉[1]

無聊,想柒到幾時呀,我真係忍夠啦! 幾版都係阿嬌阿嬌,水蛇春咁長,來來去去個幾句! D柒頭開完一個POST又一個POST, 自以為好好笑,完全無創意又無新意。 人地股票又跌又升,都話有人賺有人蝕,可以參考一下; 有人跳樓都可以了解下世態,俾大家培養下同情心; 人地阿嬌有無露,關你地乜事呀? 你話第一次就扯左,第二次都話好笑, 第三次都仲有得恥笑下,第四次都悶啦嘩?好似係。

老老實實,關你地乜事先,講極都唔厭有乜解呀? 人地EDISON去酒店食西餐你有份食咩? 人地EDISON去茶館食鮑魚你又有份食咩? 我係佢都恥笑你地班多事的柒頭啦! 一時又彈人地粗,一時又話人地黑, 人地又粗又黑又關你地乜事呀? 你講幾次就算啦!來來去去個幾句! 大家講下點解死咬住個話題唔放。 人地搵食姐,犯法呀?

啦,幾大就幾大,燒賣就燒賣, 是咁的,楊生尋晚就打電話去報館, 同佢地講話你地問良心登唔登上報啦? 今日又點?間間報館都無貼上報! 你地火星了,尾國部勇氣號都影到你地啦!柒頭!

大把巴打絲士打依家返緊工, 係得食飯同下午個幾粒鐘得閒上下高登, 你地無所事事都搵D搞作啦,唔好浪費大家時間, 技窮啦?技窮啦?技窮就收工,唔好阻頭阻勢; 我地上高登,唔係搞笑,老老實實係要搞學問, 係要改善社會風氣,要改良人民質素, 你地好心就唔好吹水吹到尖沙咀,節省少少啦。

人地民工又凍又餓,又唔見你地用幾版講下點解決? 佢地成班人用中指對住你地,大喊:高登仔你地收啦!

註解

相關條目

Wikia里...

隨機wiki