FANDOM


愛情連續劇。由藍蠍子帶起,黃金仔事件,早期文筆好的寫手。以真人愛情作招徠。令高登出現罕有連續追post風氣。

http://forum.hkgolden.com/view.asp?message=600907


原文:


近排呢件事令我好苦惱.... 我好想聽下人地意見, 但我無同任何人講過, 而家決定講出黎, 希望大家俾d意見我...

我而家係一個form6既學生, 係一個好普通好普通既中學生 可能同好多人一樣, 我好鍾意響icq同d女仔chat下 (唔好聽講就係用icq溝女) 因為幾年黎都係咁, 所以一年前已經開始約到d學生妹出黎 d對象通常同我一樣年紀. 或細我一年左右(因為我絕對反對衰11) 亦因為有兩次得左米, 搞到覺得自己開始上左癮.....

或者因為之前傾得埋既都係d band 5學校既學生妹 先有機會俾我兩次搞掂到, 而佢地已係好普遍果類玩net girl 玩完一次一個星期都唔夠, 大家就會有共識自動甩身 中間當然有幾個係純交朋友,出左一兩次街既, 無下文 近排開始玩得過份左, 想識下d OL或大學生 add左幾個,有幾個幾好傾, 不過真係齋傾, 無辦法見到面 直到兩個星期前識左個女仔 今年22歲, 響一間店子做全職sales的 第一天icq互send相, 見到佢個樣 都ok, 好普通的女仔, 個樣好似幾乖咁(之後就知完全唔係...) 白白淨,幾高下,笑得幾甜咁既樣 咁到我send相, 我例牌地搵張覺得自己最老成的相 (即係謝師宴果晚的相) 點知俾佢一眼就發現左我細過佢

 本文張貼於 20/3/2006 15:18 

本貼文共有 87 個回應。 士多仔


通常大過你既女仔發現你細過佢超過一年 就會好冷淡, 甚至完全唔想理你 不過呢個女仔對我好似無乜反感咁 仲繼續好熱情地同我傾 Keep住兩三天都有同佢icq到深夜 有晚佢失驚無神問我:" 你係咪成日咁玩icq識女仔ga?" 通常d女仔咁問我, 我會老實地答係 (因為我一向心態係想搵拍散拖女仔push hand only...) 跟住佢就話佢平時都有玩line,玩icq識人,佢話自己乜人都見過 咁我當時心諗, 呢d女仔好有機會可以..... 於是就問佢拎電話號碼, 話想直接打俾佢傾......

果晚我即刻打俾佢, 聽到佢把聲, 佢把聲幾好聽 咁就開始乜都9 up 一番, 本來我好介意我講學校d野 但見到佢幾岩傾, 就講出黎啦, 傾左差不多3,4個鐘 佢就問我學校識唔到女仔咩, 點鮮要icq識女仔? 我就話我學校d女仔睇我唔上眼啦, 我有自知之名ga 佢就問我係咪柱男, 我如實地答唔係....之前icq有兩次經驗 佢竟然答我" 兩次咋?" 我都唔知俾咩反應佢 佢加多句"你咁add我又打俾我, 咁你第三個係咪諗住搵我" 我就問: 你想聽真定假話? 佢就佻皮地話我:" 聽你條友都係ga la, 死咸濕仔"

傾到差不多4點幾5點(night) , 佢話好悶, 不如叫我出黎 我話咁夜...去邊先(其實我已經好很眼訓, 但睇黎好似有d機) 佢問我屋企得唔得, 我果刻即時一喜啦, 幾good呀, 深夜時份有咁既女仔上黎自己屋企, 仲唔得米? 可惜, 我成屋都係人, 除左屋企人, 仲有近排落左黎住既大6親屬

 本文張貼於 20/3/2006 15:19


士多仔


我話俾佢聽唔得啦, 佢就話開車黎接左我先, 去邊遲d先算 咁我話左個地址俾佢, 佢話唔想入黎我個屋苑 叫我行出路口果頭等佢 就係咁...收線無耐我就落左街...

佢架車黎到, 我上左車, 雖然無開燈, 但我都睇到佢個look幾清楚... 同張相幾乎完全200%唔同style.... 成耳都係耳環, 著件緊身吊帶? (我唔知果d係吊帶d定乜, 總之件衫好鬼低....跟住有兩條繩咁既野縛上頸...)牛仔褲 手臀仲有個好紋身, 睇唔清楚... 個樣好似好鬼飛女feel 咁我之前接觸的都係一d壞壞地既學生妹, 但呢個女仔完全唔同類....一睇就知佢出黎玩開

佢無出聲, 我就話: 嘩你完全唔同style, 幾乎認唔出你 佢仲係無出聲 咁我就問去邊啦....佢無拉拉黎我: "去做你想做既野既地方

呢一刻既我, 個心不停高呼" 好野" 佢講完呢句野, 我地就無再出半句聲 大約渣左15分鐘極速咁既車程.... 響一個大約係類似工程地盤出面, 而又有街燈既地方停低左 周圍人影都無隻, 車都無, 因為條路係單程路, 前面應該係施緊工 我就問: 響呢度?" 佢話" 無人就得, 你做乜咁怕醜, 你響電話好多野講架" 我呆左一呆, 我答: 大佬, 我未試過咁呀, 都唔知點講, 呢d係刺激定係乜呀, 講真我真係餚底, 你想點....(當然係笑笑下咁講啦) 我終於見到佢笑喇.....笑起黎個樣同之前張相一樣甜甜地 其實幾cute架, 不過個look咁就乜都唔cute啦....

 本文張貼於 20/3/2006 15:19


士多仔


佢熄左架車d音樂, 拎左部MP3出黎, 話玩個遊戲, 一人聽一邊耳筒, 跟住佢不停random d歌, 響頭幾秒d音樂要鬧快估歌名, 輸左要飲後座d酒(cut it short, 佢黎之前應該響便利店買了d啤酒, 支支唔同牌子, 好搞笑) 咁就開始玩啦, 由於我長期都係住響部電腦前面, 成日開住winamp玩icq, 所以好熟d歌既intro, 雖然部機係佢既, 但好明顯佢自己都好少聽, 好快佢飲左好多, 我就飲左好少好清醒

本來諗玩到d歌開始重覆, 就唔玩啦,(但一首歌一支酒, 原來俾想像中快就飲q曬) 因為都飲左幾多, 而且時間好短之內飲, 我見到佢成個人都呆呆地咁, 隱約又見到佢滿面紅曬, 問佢點, 原來佢出黎之前已經飲左唔少, 即係話我岩岩住左一程高速醉酒車 咁我由佢訓一陣啦, 個天都好似就黎光咁 點知過左一陣佢話要去小解... 天呀....響邊度搵個女廁俾佢!?

佢話要小解, 咁我話呢度無地方放wor 唔知佢係咪wing wing地, 叫我用手遮住對眼5分鐘 我都知乜事啦, 聽到車門開關聲, 知佢落左車搵地方放水 呢d時候點會十下十下呢, 當然望望後鏡睇下有乜風景睇啦 個天又光光地, 良晨美景呀 可惜.....我望極後鏡都搵唔到佢(望左好乜耐都睇唔到, 頂佢個肺...), 終於決定成個人拎轉頭搵佢, 都係搵唔到, 終於要開window, 伸個頭出去 原來佢行左去d地盤板d暗位搞掂左, 行番出黎, 上番車, 見到咁既美色,,,,勇氣都增加幾分

 本文張貼於 20/3/2006 15:19


士多仔


我就一個強而有力的臂彎攬左佢過佢, 佢個身已經無曬力(酒力發作) 其我都唔係想乘人之危, 點知佢一口已和我熱吻一番就響呢個埋牙關頭, 我先醒起自己咁唔記得帶一樣重要東西!!!!!!!!

其實佢已經準備好.....幾次伸手落........ 已經明示和暗示曬帶某東西就有得xyz#%@*!#*!xyz.............. 可惜我無, 我都知道今次無運行啦 (大佬, 我玩開je, 都驚架, 都知道唔係碌野慶合合就代表可以胡亂闖關架嘛) 於是我就"炒"炒"下停低, 淨係攬實佢 佢奇怪地問我: 你又做什麼呀? 睇日出呀!? 我話: 可以既話我都唔想睇日出, 我無響身呀.... ................................(靜左幾秒) 佢就笑笑口講:你份人都得幾意 我話:我係唔記得左帶落街咋 佢話: 算啦, 天都光, 無乜mood喇都, 咁你想點呀? 我都唔知佢問乜, 咪話等佢d酒氣過曬先開車走囉

之後都唔記得自己點開口答佢喇... 咁就開車返去

我以為佢會車我返屋企啦... 點知車車下入左個停車場 因為我很眼訓, 幾乎訓著左, 去到先知入左車場

我問佢呢度係邊 佢話自己屋企樓下, 咁我點呀!? 佢叫我上去陪下佢, 仲話男仔送女仔返屋企好應該 我就話: 好似係你硬要車我黎你屋企....... 佢又鬧: 我屋企無人呀, 咁你仲上唔上黎丫!? 我就問:點解無人既, 明明出黎果陣話大家屋企都唔得先要出去 佢就反話返我轉頭: 諗住同你玩d刺激d既野.......得唔得? 我已經勁疲累, 無好氣地回答,:我想去訓一陣得唔得, 好眼訓呀.

 本文張貼於 20/3/2006 15:19


士多仔


就係咁....我上左去了.. 佢屋企好乜大(總之對我呢d普通人黎講算係好大果d樓啦...) 仲好靚, 我問佢屋企做乜架, 咁有錢既


咁住左落梳化, 又問下佢點解屋企成晚都無人 朝早都仲未有人返既, 佢竟然全盤托出地答曬俾我知佢d野 (其實之前傾電話只係我講自己d野佢知, 佢無乜講我知) 乜鬼佢老豆長期去公幹呀, 又話七成肯定已經有個私生子 阿媽就成日同個男人鬼混, 晚晚都唔響屋企訓咁啦 總之就係一個欠了愛的小女孩..其實心地唔壞 不過呢d野果刻對我黎講一d都唔驚訝 因為我真係非常非常眼訓.....

後尾我終於忍唔住訓著左....... (響梳化) 到我醒的時候, 已經係11點幾 我就起身搵下佢響邊啦, 原來已經換曬衫訓左響自己房 仲訓到"副"曬帔tim 各位大佬都明白....男士們清早起床是朝氣勃勃的 見到佢對靚腳(係第一次見, 佢果晚係著牛仔褲, 呢一刻訓覺已經換左短褲) 我就訓埋落去, 摸左佢對腳一陣 佢已經醒左黎 跟住講: "見唔見到個書台? " 我話見到, 佢就教我有幾本書後面放了盒東西, 我就衝埋去拎佢出黎, 好開心上番床, 果一刻見到佢好甜咁笑住答我:" 而家唔怕無啦, 咸濕仔" 果刻我知道自己係鍾意左佢.... 大家明唔明當一個看似cool到震既女仔, 對住你露出d咁甜咁溫矛既笑容,所以果朝早, 終於非常開心.......

好了, 故事黎到呢度, 我應該快快脆講之後發展成點

 本文張貼於 20/3/2006 15:20


士多仔


而家呢一刻, 我響佢心目中, 絕對唔係男朋友 由果日開始, 佢幾乎每晚都渣車黎接我去佢度劈酒及..... (當然, 作為一個男子漢, 用品是我帶去的)

當然我地劈酒的時候會傾下計 而我已從佢口中得知, 佢起碼同廿幾個男人....... 有時又會落disco...吸毒 我問佢點鮮咁有錢都堅持返d咁既工 佢又話屋企既野令佢好反感 總之我唔明佢諗乜 而我對佢所知既就係咁多

不過唔知點解, 見佢夜夜咁黎接我去佢度 即係代表佢無得落d啦(有無同第二d男仔搞我唔知...但相信佢又要返工又要訓覺, 又要黎接我, 都無咁多時間) 佢份工應該返好晏, 所以日日都仲有時間訓到兩點幾 但我就出現問題了............................................

由9月1號開始, 我依然每晚係咁上去佢度, 雖然佢會半夜5點幾車番我返屋企, 但我7點幾就要起身返學....搞到響學校一有時間就訓著左

今日已經係正式上堂的第4天, 呢4日響學校發生d乜我真係無印象,而我屋企人亦開始鬧我, 我每晚都要等所有人訓曬偷偷地出門口, 5點左右偷偷地返入屋...

我同佢呢個關係....都唔知算係乜, 我同佢連一次正式出街都無試過 ......... 我好清楚知道自己鍾意佢, 佢亦講過係有d鍾意我, 因為我肯用心聽佢講自己d野(其實我唔係用心聽, 只係唔識開解人, 唔知俾乜反應) 我無同佢講過我鍾意佢

以前玩就話唔介意d女仔前科je, 而家真係鍾意左佢, 知道佢以前咁, 心入面點都有條刺,如無意外我今晚12點左右又會出發喇... 我都要快d食左個飯爭取時間小睡片刻

 本文張貼於 20/3/2006 15:20


淚眼‧星晴



 本文張貼於 20/3/2006 15:20


士多仔


我應該同佢表白? 定同佢講清楚停左呢段關係? 我咁大個人, 今次第一次叫做"近乎"拍緊拖.....所以特別著緊...但表白? 照一般劇情講, 呢個女角只係希望有一個固定既性伴侶.一旦故事中既男主角希望改變關係, 女角會怕麻煩, 寧可唔再見男主角..

如果男主角體力不繼, 要完全停就無所謂. 只係怕男主角希望間中停下, 間中見下. 但女主角又會同時搵第二個.到時妒忌心會好重.

平心而論, 我既成績唔係非常好, 但唔算差, 自己唔係聰明果類人, 讀書咁耐都係用時間去換成績, 不停花時間死記死背, 而家咁既情況如果持續, 我d成績一定會差.

天啊........

岩岩訓醒, 諗左好多野,決定左陣間同佢講清楚,12點左右佢會黎到我屋企樓下車我去佢度,我希望咁同佢講:

我係鍾意你, 而且係想好同你basic果種男女朋友拍拖既關係 即係行下街睇下戲咁 如果你對我無感覺, 又或者覺得我唔適合做你男朋友 唔緊要的, 但最重要係直接同我講 我認為咁樣keep住呢段關係唔係太正常 對大家都會有影響

三點半放學,懷住憂慮的心第一個衝出校門,今日依然係作戰失敗, 完全聽唔到書, 十分疲累,但仍然要說結果,等我講番尋日點先........

尋晚佢黎左接我 我上左車諗住叫佢唔好渣佢屋企啦, 咁我話有野想同佢講 佢就話有乜上到去先講啦 咁我話: 唔係呢, 真係有野要講呀 佢就串我: 咁你而家落車自己同自己講囉, 一路行番屋企keep住講, 講x完既話由頭再講多次...(總之係d無聊既串嘴位) 佢未講完已經開左車咯, 咁我都算啦, 我知自己今晚心情點, 應該控制到自己,但上到佢屋企佢已經一支箭咁入左去拎d酒出黎,咁我就坐低, 佢出番黎我叫佢唔好開d酒住,我話我有野想講,跟住果段就係大至上我尋晚prepare好講果段野,等我一輪嘴地講完....

 本文張貼於 20/3/2006 15:20


士多仔


到我講完,大家都無出聲,我又唔敢正面望住佢 過左一陣佢問我: 你係咪一直當我係其他果d icq女仔..? 我話: 我咪講左我而家係真係鍾意左你囉 佢反問我: 你似玩厭左多d囉 我話一定唔係,:絕對無d咁既事 佢已經開始有d火: 唔係玩厭係乜呀, 你自己講啦 我再解釋多次:我係想正式同佢開始拍拖, 係行街睇戲, 正常情侶果隻 佢又狂鬧我: 你做正常男女咪又係會.......當我白痴......

我又再解釋多一次點係正常男女朋友啦 唔知自己講錯定點, 佢誤會左我覺得大家好似偷情咁偷偷摸摸 仲話: 車埋你上黎仲要講到我搞到你唔得光明磊落, 咁係我錯囉, 你以後咪搵我........... 講完佢起身想衝入房, 我捉住佢, 我話我未講完呀 唔好發火住啦, 佢已經好激動咁鬧我(第一次見佢咁嬲) 話: 我都係女仔黎架, 你講到我下賤 (最尾果四隻字直頭係嗌出黎咁大聲.... )

我叫佢冷靜d, 我既意思係想你做我女朋友 你諗左去邊, 佢鬧我: 你不用扮正直 講到呢度我都唔知點講落去 唯有係咁叫佢冷靜d, 等佢過左啖氣先囉

過左一陣, 佢好似無咁嬲,但見到佢已經抖住兩堆眼水響個眼袋度,準備喊咁既樣(我未應付個女仔喊, 我唔知點, 所以俾唔多咩反應佢) 跟住佢開始講左好大段野, 大約係咁: 無野喎, ok囉, 你呢d人我見唔少, 有d甚至即刻玩失縱啦, 你咁正直你以後唔好搵我呀, 我好cheap架, 我晚晚渣車接個男仔上自己屋企, 咁點,又如何? 你咪一樣, 你唔好唔記得你當初同我傾計所說的東西......(講左一大段類似既悔氣說話, 但我無辦法反駁, 因為我之都講過, 初初我係抱住玩既心態識佢...)

終於佢喊左出黎, 我想做既就係拎d紙巾俾佢, 可惜我響梳化周圍都搵唔到, 搞到我勁心急, 又唔知講乜, 佢就係咁叫我: 你走啦……我唔敢激佢, 咪起身去枱果邊搵下有無紙巾, 我拎左張俾佢, 佢唔要, 丟番俾我……………

我唯有由佢喊,佢其實好快就收曬聲無喊,不過就垂低頭唔出聲.此刻心想:好明顯我想關心佢,了解佢,建立真的關係,但佢就顯然唔想囉,她只懂這樣和男人相處,話要改變怕且好難,佢反而會好唔鐘意,她肯定無乜人肯關心佢,她慣左咁樣同男人相處,黎黎去去如是,看來想佢改變都幾難.........

 本文張貼於 20/3/2006 15:20


士多仔


但終於我鼓起勇氣,講左人生第一次一大段咁肉麻又老土既說話.... 大約係: 我初初的確係抱住玩既心態, 但我唔係玩厭左先同你講呢d野, 我係覺得你有條件可以搵到一個真正錫你既男朋友, 呢個人就算唔係我, 我都想你正正式式地去拍拖, 我唔知你係咪因為唔開心先咁樣對待自己, 但你需要既唔係落disco, 唔係劈酒, 唔係吸毒, 唔係紋身....你需要既係一個錫你既人.......我就係想做果個人呀大小姐....我呢世人最憎解釋d乜乜乜, 我知大家係玩而相識, 你唔信我我無野好講囉. 但我自己係咪真心我自己知啦, 你都識話d人玩厭就失縱啦, 我唔鍾意你會唔會多此一舉講咁多野

佢好似有少少態度軟化, 就話:咁你而家算係點je, 特登出黎講呢d野 我答係呀, 佢又問我想點, 我話我講左n次想你做我第一個正式既女朋友 佢無出聲一陣, 又問我鐘意佢d乜? 我就答: 你調轉左....我就係希望自己既關係可以同你更進一步, 唔係淨係建基響性愛上面, 我希望同你發展.... 佢心情好似好番d, 就問我係咪講完喇 我話大至上係咁啦.... 呢d位好尷尬,唔知講乜,佢問我咁點, 我又問佢咁你點, 佢又問番我即刻點, 我又問咩即係點, 佢又問我即刻想點 我話我講第m次我想你做我女朋友, 好定唔好呢? 佢又問: 點呀? 救命... ….. 我見佢唔答我, 我就食住上, 咁不如下次見面用d普通d既方式 你唔好渣車, 我地約響一個地方見, 行下街睇戲咁啊………. 佢話: 好.....你話事啦, 你什麼也決定了, 還問什麼? 我話: 咁我係咪你男朋友...? 佢又話: 唔知喎 ........... .................. 咁我就話: 咁我聽日黎接你放工先.... 佢話ok 拖拖拉拉, 果陣都差不多3點左右 我話我聽日要返學, 想訓下(其實我係想返屋企……….) 佢就命令我訓廳, 跟住就走左入房... 我話不如我返去訓啦, 我驚訓到咁晏俾屋企人發現呀 佢叫我自己落車.... 因為我一路都係佢車我出車我入.... 我唔知有無通宵巴士....又唔知自己夠唔夠錢搭的士 後尾算啦, 訓左,較左手機手提 訓到6點左右 我起身叫醒佢, 問佢邊度有車搭 佢話唔駛, 車我返黎, 我話唔好, 佢話快能d唔好咁多嗲.... 就係咁返左屋企

 本文張貼於 20/3/2006 15:21


一粒粒


我真係覺得你專登摟屌

 本文張貼於 20/3/2006 15:21


士多仔


響架車度我知道佢響邊間店子上班,而且今晚會放早...約左今晚同佢第一次出街,唔知算唔算係佢男朋友, 不過試下先.....

自己都希望佢有一日會當我係一個男朋友咁看待同定位 雖然現在大家對咁樣信心唔大 我都明白大家會覺得: 一個拖都未拍過既男仔同一個玩到癲既辣妹 係幾咁大覽扯唔埋,一定必死無疑,但我真係想試一試,至少試左覺得唔岩,都唔會後悔...

三日後.......... 今晚終於同佢踏出左第一步..... 做左一正常男女玩既野 行下睇衫, 入shop揀下$15的vcd, 食晚飯 雖然最後都無睇戲(因為想爭取多d時間做多d其他野) 幾個鐘的行程大至上唔叫做非常開心 但普普通通的感覺我好鍾意

我唔太清楚佢....我唔知佢鍾唔鍾意今日咁 不過我相信自己試左, 將來佢會點我都唔會怨自己

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。