FANDOM


黃金俠Boxset事件發生於2007年3月9日,一名阿湯的網民發表文章,批評店家不願在當事人撻訂的情況下退還所有訂金,事件令一眾網民對阿湯猛烈批評。

起因

2007年3月9日網名阿湯的網民在玩具谷出了一篇名為「應該去消委會還是報警?黃金俠boxset事件」的文章。

原文

"阿湯" <tom@yahoo.com.hk> 撰寫於郵件新聞:45f182f3$1@news.visualmedia.com.hk...
> 話說我係某鋪訂左黃金俠boxset,要落訂,訂金落左200。
> 咁我近排唔得閑,無去羅,加上我知千五就有,都諗住一定退訂。
> 點知今日個店主打黎催我羅,我係電話度同佢say sorry,
> 話唔要,聽日會黎羅返訂金。
> 但佢話唔得,一定要要,否則沒收訂金,咁我話考慮下先。
> 請問如果佢真係沒收訂金,因為佢企得幾硬,我應該點做?
> thx!

網民回應

之後雖然大部分回應的網友都認為阿湯這樣做不對,但阿湯仍一意孤行,認為版友的意見是對他不公。

發展

事件到了翌日,阿湯又發表「多謝各位的意見,黃金俠boxset事件已經完滿解決」的文章。

原文

"阿湯" <tom@yahoo.com.hk> 撰寫於郵件新聞:45f28389$1@news.visualmedia.com.hk...
> 我日去到間鋪度,個店主就火火地同我講:「你唔洗post上網四圍唱呱!」
> 我話:「咩原來你有睇個post?」 > 跟住就重申話:「我又無開名,而且真係想退訂」,之後又再道歉。
> 佢話責左好多盒,好無奈咁話真係唔可以退訂。
> 咁(我)又up左一輪,佢都係好堅持。
> 咁最後我話:「ok!要都得,照番灣仔洪興個價俾我。」
> 佢話:「咁點得?」
> 我話:「你都有上網,我個post有咁多人reply,網上力量幾大你係知...
> 今次你都睇到我俾人狂插。但如果你間鋪係各大網站傳出有咩賣假貨、
> 次貨、態度惡劣既消息傳出,到時俾人插o既係你。」
> 佢好惡咁話:「咁你即係威脅遮!」
> 我就話:「我真係唔係搞事,我只係想退訂。」又再同佢道歉。
> 最後佢死死地氣俾番訂我,同埋叫我唔好再黎。
> 我之後同開鋪既fd講,佢好彩無入黃金俠,話仲有得跌。而且好多行家中招,
> 不停俾人撻訂,又有好多人俾人屈價平賣,但都平唔過洪興,
> 所以我諗住再平幾舊水先出手。

網民回應

此時大家都認為,阿湯的做法如強盜土匪,根本不明白「撻訂」的意思。雖然「萬人圍屌」,但他仍覺得自己做法沒錯,堅稱自己「有權」取回訂金。而且,阿湯於3月13日再發表文章,希望網友提供哪兒有更低價的黃金俠賣。

就在此時,眾網友對阿湯進行不斷的攻伐。更有人提出問題問阿湯:「如果買了樓,可否向地產商『撻訂』,討回訂金,而且『一蚊都不能少』?」而阿湯就這樣回應:「地產商係大勢力,我地係要屈服,係無得撻訂。但玩具鋪擺明係弱勢,所以你個fd同我做法一樣。」另外,阿湯說撻訂退回訂金是行規。眾人亦不斷詢問阿湯玩具舖名和「他友人」的舖名,但他一直未有透露。最終阿湯以千三蚊入左黃金俠Boxset。

店家回應

2007年3月30日,hobbybox在玩具谷出了一篇名為「今日遇上的事件(最後報警求助)」的文章,隨即引起其他會員以及阿湯加入罵戰。

"hobbybox" <hobbybox@yahoo.hk> 本人是皆旺地庫 hobbybox玩具店老闆

今日3月30日 7pm 有一名客人 購買了2隻龍珠組合式figure 恪空 及 比古洛

本人所賣的該套貨品是全新未開封

該名客人打開原封膠紙後說悟空的眼上色不好

要求更換另外一隻 試問原封未開之貨品 因為眼上得唔靚為理由 如何更換另外一隻

客人再要求 用該隻的頭 換 本人display果隻的頭 本人不願意 最後個客要求退錢 不肯離去 (當中更有一句 本人未出你舖頭 係唔係應該退錢)<---佢更有同警察先生提哩樣野!!

最後本人只有報警求助,2名警員了解事件後

check了本人成批貨, 是代理來貨時已有膠紙,未賣的全是全新未開膠紙的

開頭, 警察先生 嘗試用老闆你做生意好人d換比佢 當做好聲譽 留多d客人 去解決事件

但本人經本人解釋玩具行業開封及未開封品的分別後 警察先生都放棄用哩個途徑解決

其中2號警察先生拿了"個客說唔靚果隻"同本人display果隻比較

警察先生說 本人display果隻 面相較好 但個身上色就比"個客說唔靚果隻" 差

最後在警察先生提出下, 用面相無咁好果隻 (當時持有人係客)換本人display面相好但身體部份上色較差果隻

最後雙方同意,結束此事

該"客人" 離開後, 本人同2名 警察先生傾計,

警察先生說笑般問我 其實老闆你開左膠紙果盒你無辦法賣返出去嗎....?

本人說:一係要減價說明, 一係就雙層膠紙當新賣...但現在資訊發達

好可能你果隻雙膠紙在網上又會有另一輪風波

最後本人謝謝警察先生幫忙 警察先生就離去

的確有少少出界, 或者是說, 此悟空的上色本人無咁好人到樂意換比佢

我明白消費者當然想要最抵的價錢買最好, 但幾十蚊的玩具又想佢的質素去到邊

附上該隻龍珠的圖

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。

查看其他FANDOM

隨機Wiki