FANDOM


經過

事件的發生年份不明,從對話中估計發生於2004年3至4月,一位名叫Alan Ho的男人致電香港機場管理局熱線,投訴一些事情時對接聽的女旅遊大使(Tourist Host)及另一名接線女職員表現得極不禮貌,喝罵她們,同時要投訴她們。有人(相信是機場管理局職員)將這段通話記錄在網上發佈,讓網民知道Alan Ho的「惡行」。有人認為Alan Ho有心刁難,極不禮貌;亦有人認為那幾位職員欠缺應對能力,Alan Ho的責難程度未算最離譜。

由於這一段錄音屬保密資料,故有傳香港機場管理局部分職員因錄音外洩而遭處分。

金句

  • 你無直接答我問題
  • 你無答我呀
  • 你根本就答非所問
  • 咩trainee呀,青衣呀?你住青衣架?咩叫青衣姐
  • 咩呀,你恐嚇我呀?我覺得你喝我呀...(靜)...咩呀?
  • 青衣(trainee)咩呀,青衣洗衫、青衣洗廁所,青衣掃地呀?
  • 我話你係廢人泥架,因為你答非所問,徒我時間,有錄音我都照鬧你,因為你真係無能,經常答非所問

對話內容

冼︰你好,香港機場管理局,有乜野幫到你?

何︰早晨,就,點稱呼呀?

冼︰我姓冼ge。

何︰冼小姐下話。

冼︰係係係,有乜野幫到你ge 呢?

何︰請問你呢個係乜野部門呀?

冼︰我地呢度係…呀…機場管理局。

何︰機場管理局

冼︰係啦

何︰即係機管局啦下話

冼︰係啦

何︰機管局,下底仲有冇分乜野sections 呀,unit 呀,department 嫁?

冼︰你想查邊方面ge 資料呢?

何︰你無答我問題喎,你無直接答我問題喎

冼︰我地當然……

何︰我問左你呢個乜野部門,你答我機管局

冼︰係呀係呀,我地係查航班…

何︰你梗係…你呢度梗係機管局下面其中一個部門,下話

冼︰係呀係呀無錯

何︰呢個機管局係咪總部黎嫁?

冼︰我地呢度…我地係查航班資料ge。就唔係總部

何︰我問你,我想問你答部門名唧

冼︰係

何︰你而家當值ge 部門名

冼︰我地e+呢…呢個係…你等等下

何︰唔識講呀?

(廿數秒後)

冼︰喂,先生呀

何︰點呀

冼︰我地呢度係叫客戶查詢部門,係啦

何︰叫做客戶查詢部門?肯定啦嘛?

冼︰係啦

何︰叫客戶查詢部門?

冼︰係啦

何︰客戶查詢部門,我講左兩次啦

冼︰係啦

何︰你聽得好清楚啱啦

冼︰係啦

何︰你聽我講野好清楚啦嘛?

冼︰無錯

何︰咁肯定你呢個就叫做客戶查詢部門

冼︰係嘞係嘞

何︰點解我就懷疑你講ge 野呢…

冼︰係

何︰即係我廿九號打電話黎,廿九號十一點幾朝頭早打電話黎,

冼︰係係

何︰尋日,尋日下午

冼︰係

何︰我唔記得五點幾六幾幾咁上下,六點幾打過電話黎

冼︰係

何︰下,有職員同我講呢,就,唔係叫客戶查詢部門ge,

冼︰唔…

何︰你係乜野職位嫁請問?

冼︰呀,我係trainee 黎ge

何︰乜野trainee呀?青衣呀?

冼︰我係見習ge

何︰你住青衣ga ?

冼︰我係0係度實習ge,唔知有乜野幫到你呢?

何︰乜野叫trainee 唧,你個職位名就係叫trainee?

冼︰我地係0係度實習嫁。

何︰實習,實習你乜野職位呀

冼︰…

何︰我問你職位名呀,話之你實習好,當正好啦,下,做正好啦

冼︰唔…

何︰咁你職位名叫乜呀,就係叫,淨係一個字,trainee ge 唧

冼︰我地…嗌係…

何︰你地英文字,一個英文字,你個拼音都讀得唔正呀,trainee

冼︰咁請問…

何︰trainee

冼︰有乜野幫到你呢先生

何︰你未答到我問題呀

冼︰係…

何︰你無直接答我問題呀

冼︰你要我…

何︰你答唔到我想問ge 野呀

冼︰唔…

何︰我問左好耐,我等你答呀

冼︰係…我個職位就叫Tourism Host

何︰你個職位名叫乜野話?

冼︰Tourism Host

何︰講多…點串呀

冼︰T-o-u-r-i-s…

何︰T-r…

冼︰T-o-u-r-i-s…

何︰T-o!u-r…

冼︰i-s…

何︰i-s-m

冼︰i-s…

何︰m,tourism!

冼︰tourism,係嘞,host,h-o-s-t。

何︰下,host

冼︰係嘞係嘞

何︰呀,我知啦,你中文名係咪叫旅遊大使呀?

冼︰嗯,係無錯

何︰係嗎

冼︰係

何︰ge trainee,但係你trainee,之前我都聽過一位小姐trainee,佢ge 表達能力好過你好多喎

冼︰你ge 意思係…

何︰佢ge 表達能力好你好多喎

冼︰嗯…

何︰你識唔識…呢度係咪有位何小姐嫁,Nette Ho

冼︰Nette Ho 呀…

何︰你識唔識佢呀?

冼︰呀,唔係好清楚…

何︰有冇呢個人呀?Nette Ho,N-e-t-t-e,佢英文名係叫N-e-t-t-e,Nette Ho!姓何ge

冼︰咁我依家同你查一查吖,你等一等

何︰又要我等呀,我唔想要我等,直接搵你上司埋黎,直接搵你副經理埋黎

冼︰好,你等等

(數十秒後)

冼︰喂,先生,唔好意思,要你等咁耐,咁我地…

何︰咁點呀,你係邊位呀?

冼︰我地…

何︰你係邊位呀?!

冼︰我係頭先同你hold 電話0個位,我姓冼ge

何︰我叫你直接幫我打比你Assistant Manager ,你聽唔聽到我講野呀?

冼︰咁我而家幫你轉過去呀下…

冼︰你聽唔聽到我講野呀?你聽唔聽到我講野呀?點解你再埋過黎呀!咁咪白白要我等

J︰Number 2 engine,喂,早晨,39073吖,何生,0個個馬蘭奴叫何生……(略)Hello,喂,早晨?Hello,喂?

何︰Hello呀

J︰早晨

何︰你識唔識聽廣東話呀?

J︰我識,你…

何︰你識唔識廣東話呀?

J︰識,當然啦

何︰識吖嗎

J︰係

何︰你點稱呼呀

J︰我係Jessie,有乜野幫到你

何︰哦,Jessie,無錯啦,我都知你今朝會返工,因為我0係29號搵過你黎

J︰哦,你係何生係咪?Alan

何︰前日搵過你黎,你呢,你armarm 0個日放左0800

J︰係

何︰係嗎

J︰係呀

何︰你係咪0係…應該係廿八號下嗎?定廿九號

J︰呀…呀…上個cycle 啦

何︰乜野上個cycle唧

J︰即係…上更law 我地

何︰幾多號呀

J︰ae…廿九號呢應該,廿九號

何︰你記唔到就睇返月曆咭

J︰有乜野幫到你呢?

何︰我想知你上更係放幾多號,幾點鐘?

J︰廿八號朝頭早放工咪八點鐘 law

何︰係law,問你廿九定廿八,你又講廿九又講廿八……

J︰呢d…我地成日返呢d shift 呢唔係好記得呢d 日子呀

何︰唔係好記得咪睇返日曆咭 law

J︰咁有乜野幫到你呢何生?

何︰唔係呀,咁快失憶呀?兩三日前ge 野咁快失憶呀

J︰有乜…

何︰我問你係咪兩三日前ge 野失憶呀?你唔好話乜野幫到我,你唔好話有乜野幫到我,答到我野就係幫到我,答唔到我野就係幫唔到我,答左你啦,清唔清楚呀?

J︰得,ok,得,清楚呀

何︰我問你上更幾點收工?

J︰我八點鐘收工law

何︰幾多號收工?幾多號幾點鐘?

J︰廿八號九點鐘…八點鐘收工law

何︰你講野又唔清又唔楚,又廿九號又廿八號…

J︰咁呢d 係我私人問題,係咪呀何生,呢d 幾時收工係我私人ge 問題喎,有乜野幫到你呢

何︰係私人咁問題,咁我搵過你搵你唔到yama,聽唔聽到呀

J︰咁我都會放工 gama

何︰冇人唔比你放工呀,咁咁咁問一問你放工時間呀,如果你係唔想答你講話你唔想答 law

J︰我唔會唔答你,我…

何︰?????

J︰咁而家有乜野幫到你呢何生?

何︰如果你唔想答就搵你上司黎同我講,咩呀,你恐嚇我呀

J︰唔係,我無講過野呀

何︰我覺得你喝我呀,同你講野好無禮貌呀,咩呀

J︰咁依家有乜野幫到你…

何︰我問一問你…問一問你,喂,上上上,你話你上更又講廿八號又講廿九號,究竟係廿九號放工定廿八號放工唧?你又唔記得,你又講九點又講八點…

J︰我正式話你聽…

何︰乜野叫私人資料呀,如果你唔滿意叫你上司黎同我講!我而家就唔同你講,搵你上司黎,搵你上司黎呀

J︰我上司…我都唔係同你講笑,我上司而家放…而家開緊會…

何︰幾時開完?

J︰你可唔可以留低…

何︰幾時開完!

J︰我唔清楚喎!你可唔可以留低電話我晏d 覆返比你呀…

何︰冇電話留!

J︰咁你晏小小再打過黎啦

何︰佢幾點鐘返黎ya

J︰ae,真係開緊會我唔清楚,如果你唔介意可以12 點鐘打過黎…

何︰搵過第個am 黎!第二個am 呀!唔止一個am 呀

J︰而家我淨係一個am ,而家我淨係一個am座0係呢度唧

何︰淨係你一個am呀

J︰係嘞

何︰得,我就好唔滿意你態度禮貌講野咁差

J︰咁…

何︰點呀,唔滿意呀又?

J︰咁我…我無話過唔滿意吖

何︰咁你想點吖

J︰我無…我想睇下有乜野可以幫到你

何︰我而家唔滿意你禮貌態度講野咁差,我而家亦向你投訴個冼小姐呀…

J︰冼小姐…

何︰你而家唔知邊個冼小姐呀,你知唔知邊個冼小姐呀?

J︰我地同事囉

何︰咁你又唔知?冼小姐,諗諗諗,下話,我唔滿意佢態度禮貌呀又係,喂,問佢呢個乜野部門,佢剩係識講機管局,機管局下低咁多個部門佢又唔識講呢個乜野部門,下,問佢乜野職位佢話trainee,青衣咩呀,青衣洗衫、青衣洗廁所,青衣掃地呀?青衣乜野先得格,青衣。自己個職位名都唔識講,講唔到出黎,下話,部門名又唔識講,自己個職位名都唔識講,搵個上事埋黎又等分幾兩分鐘,等完一次又一次,埋到黎,等左一分鐘,埋黎0個個又唔係佢,又唔係佢上司,又係佢,再等多一陣間,然後先係你。你話你呢個時間呢,你話你呢個時間呢,得一個am yama。

J︰係

何︰你講gama,得,manager 開會 yama

J︰係呀

何︰幾時返又唔知yama

J︰係呀

何︰得,咁幾時重有am 返呀,最快幾時

J︰我另外0個位同事am 就同緊我e+ 0個位manager 去開會

何︰即係而家呢更總共得兩個am

J︰係呀

何︰咁重有另外個am 幾時會返

J︰我咪同咪另一位am law,咁0個位同事就同左我manager去左開會

何︰咁即係搵第二個返黎就要下一更嘞,下一更幾點鐘呀

J︰今晚八點鐘囉

何︰今晚八點

J︰係

何︰得,我而家向你正式投訴呢位冼小姐,想問你接唔接受嗟

J︰當然接受啦,我地任何拆訴都可以接受

何︰你唔接受同我講得嫁啦,同我講唔緊要呀,我可以向第二個部門投訴,我而家就向你,投訴冼小姐

J︰好

何︰如果你,認為我證據唔夠,可以聽返錄音

J︰係

何︰甚至乎可以聽返自己錄音,我會搵你上司聽返我同你對話0既

J︰好呀

何︰睇下你講野係咪好無禮貌,態度咁差

J︰好呀

何︰禮貌差,態度差

J︰好呀

何︰如果係0既話我諗你都要比人投訴

J︰嗯,當然啦,我地接受投訴ge,係咪想投訴冼小姐關於乜野0架

何︰講左law

J︰禮貌唔好,態度唔好

何︰你係咪失憶嫁,你真係失憶嫁

J︰係咪禮貌唔好,態度唔好

何︰你係咪真係失憶嫁,我armarm 頭你講完,講完都唔夠兩分鐘呀,我發覺你真係失憶喎,講完唔夠兩分鐘呀,我唔想重覆又重覆,如果你真係失憶呢,唔該你收線之後聽返電話錄音,唔好再問我,唔好0徒市民時間,唔好0徒投訴者時間,好唔好呀,我本來打電話黎係想搵一位職員,適當ge 職員,適合ge 職員,就想投訴呢個,港龍呀,因為佢呀,某一日,某日有班機呢,就同我講大話,d 地勤人員,同我講大話,咁我呢件事,我已經向你地投訴,咁可唔可以吖?

J︰可以吖,何生,你係咪,介唔介意比我講小小野呀

何︰比你講,我點唔比你講呀,我唔比你都會講野嫁啦,我掩唔到你比口0既

J︰係咪港龍,0個位lily wong 個case 呀

何︰lily wong 係另外一件事黎0既,係同一日,不過都係04年3月16號

J︰係

何︰唔係0個個case,係第個

外部連結