FANDOM


Cafe Pathetic是一篇關於尊重空中服務員的文章,曾於香港討論區發表,並被《蘋果日報》報道。

簡介

朱念爵︰「原文,惜不知為何被刪,香港蘋果日報曾作報導。本人並非本文作者,但見本文對空中服務員的工作繁重作深入了解,實屬珍貴;本人讀後對空中服務員更為尊重,若有機會再次乘坐飛機的時候,謹記以下各點,不會輕易向空中服務員提出額外無理要求,增加他們的工作量。」

原文

When flying with Cafe Pathetic Airways...... 為左你旅途愉快…… 記住以下一D貼士

  1. 唔好叫停路過既空中小姐要求服務,因為佢地唔鐘意行行下比人截停,永遠唔能夠一口氣由機頭行到機尾(or vice versa)。佢地唔會appreciate你呢種方法係會避免左Rule 2 & 3既情況。
  2. 唔好走去廚房度,揭開佢地塊布,話想要野。佢地覺得你侵犯佢地「私人空間」。我諗你都唔想見到佢地撩緊鼻屎個樣...right?
  3. 唔好按Call Button,佢地唔鐘意叮叮噹噹係咁響,亦唔鐘意佢地做緊野時突然比你interrupt,要行去serve你(而行去你個位既途中又會遇到Rule 1既情況)。
  4. 岩岩起左飛,唔好要空中小姐做野,因為佢地要預備Nuts & Juice。
  5. 食完Nuts and juice,唔好要空中小姐做野,因為佢地要收杯 & 垃圾。
  6. 收左杯 & 垃圾,唔好要空中小姐做野,因為佢地要加熱 main course。
  7. 自己記住main course有乜choice,主動開聲,唔好要空中小姐講野,因為佢地之前已經每人問左不下兩次「chicken or fish」,或者「rice or noodle」?(will further elaborated on this topic)。
  8. 派左正餐之後,唔好要空中小姐做野,因為佢地要預備 tea & coffee。
  9. 斟左Coffee or Tea比你,要極速由佢地個盤上面拿走你杯野,唔好係上面慢慢拿/加Sugar/cream,唔好要空中小姐隻手痺。
  10. 食完野,唔好要空中小姐收你個tray。生有時,死有時,派餐有時,收盤有時。因為佢地要趁你有個tray塞住你在座位,走唔到出黎既時候,洗toilet比你用。
  11. 收完野,唔好要空中小姐做野,佢地好唔得閒,要壓縮垃圾,又要自己開餐,爭食頭等商務艙食唔晒既高級野。
  12. 當客艙開始回復平靜,多數人開始入睡,唔好以為空中小姐會得閒serve你,佢地趕住輪班休息。
  13. 任何時間唔好要杯麵,雪糕,你一要,其他人見到/聞到,跟住個個都要,空中小姐就有排煩,佢地最憎杯麵黨雪糕黨。
  14. 你眼訓唔想食正餐,唔好旨意訓醒之後有得食番,空中小姐會用鄙視既眼神,告訴你「頭先比你又唔食,而家收晒爐冇野食你就要食,麻X煩」。
  15. 如果同空中小姐有過爭吵,而之後 serve 你既橙汁有泡,或稱 Orangejuiccino,小心入面有瀉藥(即時排毒)or止瀉藥(幾日內排毒不能)。
  16. 如果因為某D情況下,航空公司送左inflight duty free既shopping voucher現金券比你,唔好用。你用voucher買野,空中小姐冇commission收,白忙一餐,佢唔會多謝你,亦唔會感激你。只會埋怨你算盡張voucher,都唔肯比多少少錢等佢有番少少commission濕腳。一路做你生意一路黑你面。
  17. 排隊等廁所既話,寧願企在機翼上面等,都唔好企在通道上面等。阻住空中大小姐行過,會鬧你的。
  18. 練好英語。當你用中文(廣東話 or 普通話)問空中小姐一D佢地覺得低能無理既問題,佢地既nicam系統會間歇性失靈,只懂英語。
  19. 唔好以為你係客,空中小姐係serve你。佢地同你一樣,都係期待緊去東京shopping,去巴黎掃LV。在空中小姐既眼中,你同佢地係平等的(if not你低等過佢地的話)。
  20. 唔好要空中小姐幫你將行李放上overhead compartment。空中小姐弱不禁風,陣間佢扭親隻腳你就養佢一世。Inflight baggage亦唔好係名牌,你都唔想做第二個Gucci小姐/先生,係咪?[1]

點餐技巧

記熟main course,清楚知道自己想要既 main course 既配搭係點樣,因為大部分人(包括空中小姐)既preference都係一致,舉例:chicken > fish、rice > potato > pasta/noodle、salmon > chicken 等。如Rule 19,佢地覺得佢地重要過你,佢地都有自己既 preference,而通常都同你一樣……
  1. 唔貴唔食
  2. 唔好食唔食
基於以上原因,空中小姐會同你有conflict of interest。因此,佢會言論上引導你去選佢唔想要既 choice。例如今日既 choice 有 chicken noodle 同埋 beef rice,而佢又想要 chicken,佢就會問「rice or noodle?」。因為多人 prefer rice,所以佢就會得到佢鐘意既chicken noodle。例如chicken pasta同埋salmon rice,佢想要 salmon,但佢亦知道你一聽到Salmon就會要salmon,所以佢會問「Chicken or fish?」而唔係「rice or pasta」,飛機餐既魚因為經過處理,一般都係比較鞋,唔好食,多數人會 prefer chicken in that case。咁樣佢地就可以preserve到佢地鐘意既Salmon自己食。

註解

外部連結

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。

查看其他FANDOM

隨機Wiki