GAG
香港網絡大典，真正屬於香港網民的網絡百科
Gag讀作"gεk7"；「家叻切」。根據劍橋網上字典[1]，「gag」解作「a joke or funny story, especially one told by a comedian」，意謂「笑話」。「gag」一字已切底融入廣東話，並衍生出其他港式英語。另外，中文中「gag」乃從人部，因為「gag」是人搞出來的。
目錄 |
[編輯] 「gag」字意思：
- 名詞用，指笑位，製造歡樂的場景，屬抽象名詞。英文意義為make jokes。例子：佢好鍾意搞gag。（說明他很喜歡製造笑位，為大家帶來歡樂。）而一個失敗的例子會變成爛笑話／冷笑話，俗稱「爛gag」。例子：唔好理佢啦，佢搞親都係爛gag。（指他不懂好好利用笑位。）
- 形容詞用，形容事情好笑，但卻帶點負面。例子：頭先真係好gag。（指剛才的情景很好笑，但這是因為一點點的無奈。）
- 形容詞用，形容事情令所有人覺得無奈，帶貶義。例子：佢一黎左，成個場即刻gag晒。（說明因為他的來臨，令場景冷清，使人無奈。）
- 形容詞用，形容人不太正經，有吊兒郎當之感。例子：佢份人好gag。（即他平日喜愛搞笑，然而卻令人聯想一位嬉皮笑臉的人。）
- 形容詞用，形容人講話沒有深度，膚淺。例子：佢真係越黎越gag！（說明他講說話漸漸不經大腦。）
- 如想作動詞用，須作出變化－「gagalize」中文譯意「gag」化，指把一件原本不好笑的事變得好笑。例子：佢真係好鍾意gaglize件事。（他很喜歡gag化事情。）
- 名詞用，由（６）引申而成－「gagalization」。意義指某人嘗試「gag」化事情的過程／步驟。例子：佢既gaglization做得好差。（他把事情gag化的過程做得很差。）
注意：「gagalization」與「gag」是不同的
[編輯] 文法
「gag」字多作形容詞和名詞使用，多帶貶義，其他應用範圍較少。可是「gag」字形容詞詞意很廣，不能盡錄。
「gag」字不能作語氣助詞。
作名詞使用時，多數與動詞「搞」配搭。若想加上性質形容詞，可於名詞前加上「爛」字。詳細說明，請看意思（１）。
形容詞使用時，若想說明「gag」的程度，可用程度副詞修飾形容詞，如「非常gag」，「十分gag」。
形容詞亦可以重疊－AA地的模式出現（gag gag地）。但「gag」的程度卻不同，「gag」比「gag gag地」更「gag」。
「gag」字可帶賓語使用，如gag位。後面的賓語作輔助用途，說明物伴既屬性。然而，「gag人」此詞語卻不太通順，因此使用率比較低。
[編輯] 爛gag大全
以下是一系列常見的冷(爛)笑話 《短句篇》
- 巴斯光年殺左條龍之後自封為咩？殺龍巴斯
- 條蟲爬去皇帝條ｊ度你估係咩？爬龍舟囉
- 有一日公仔軟糖行行下路，行左一陣，佢話：「我隻腳好軟」
- 當你看完A片後要作什麼？看B片！VCD是分開兩隻的唷~~!!
- 有一日小明行行下街果時覺得隻腳好酸，原來小明踩中左舊檸檬
- 國際機場男廁......................乜能都有
- 從前有個gag掉左落地.........無爛到
- 咩植物識溜冰？花，因為花式(識)溜冰
- 皇后似咩？似廣場，因為皇后像廣場
- 皇后的頭形如甚麼？形如馬頭，因為皇后碼（馬）頭
- 咩玩具唔可以係船玩？爆旋陀螺
- 有乜野慘過食屎？食兩舊屎
- 郭富城唱咩歌？唱「這歌」；去中國唱咩？「唱」人民幣
- You go to a ball, but you do nothing , what do you do? Whole night stand
- 小明成日上甜網，搞到成部電腦都係蟻
- 有一塊火腿同一條腸仔放左落同一隻鑊度，點解佢地唔傾計？因為佢地未熟
- 讀完中五讀乜？讀下午
- 點解唔可以係船上講笑話？因為個海聽到會笑，咁就會引起海嘯
- 食乜野昆蟲會瘦？蟻...因為食蟻瘦
- 用身體上邊樣野可以修飾雙手？答案係毛髮（無法可修飾的一對手）
- 機械人最鍾意扮咩？扮焦
- 1+1 幾時會=3？錯個陣
- 去小明屋企禁極門鍾佢都唔開，最後講左一句乜小明先去開門？「我來自德成」
- 樹邊部份最得閒？葉！因為「葉得閒」(葉德嫻，香港七十至八十年代有名歌手之一)
- 微分 sin 同 積分 sin 分別係咩呢？係「設計」同「入面」（d-sin 同 in-sin）
- 原來「瑜珈」的創辦人係兩個中國人，但係佢地只係創立左一大堆理論，佢地究竟係邊個呢？孔子、孟子
- 從前有個人便秘，過左幾日.....佢疴到好似開左花灑咁
- 月經來為什麼不能吃健達出奇蛋呢？因為會讓你驚奇（經期）不斷...
- 達文西密碼上面是什麼？達文西帳號...
- 為什麼小紅帽的胸部這麼小呢？因為她奶奶被大野狼吃掉了...
- 世界上最貴既係咩菜？係「巴菜」(巴塞隆納，一隊西班牙足球隊)
- 食得檸檬多會傷架喎，傷咩呀？傷心囉
- 豬肉榮賣豬肉，菠菜蓮賣菠菜；咁衛蘭賣咩？「My love my fate」
- 鯊魚食左紅豆會變咩？紅豆沙～
- 檸檬最怕咩生果呢？柑！（柑橘檸檬）
- 估一句英文：「ABAABBBBBBBBABABAAAAAAAAABBBBBBBBBBBBABABAAABAAAAAA」。（Long time no C (see)）
- 窩打老道的老豆叫咩名？窩打老豆
- 從前，有一個好好味牌果汁咖喱，包裝上寫住「警告：不可食用!」，最後，王子同公主就過住好幸福既生活啦。
- 王子吻了公主，王子變了冬菇，公主變了雲腿，他們從此係煲仔入面，過住好焗既生活。
- 有一日，火柴人行行下街覺得個頭好痕，跟住搲搲（音「ＲＲ」）佢，之後個頭著火，咁就死左嚕～
- 小明自己做暑期作業，第二日就死去，因為自作業（孽）不可活。
- M記寫住「笑容免費供應」，小明就去同佢講：「唔該三個笑容拎走。」
- 兩條蕉係到行街，其中一條好熱除衫，另一條就咁扒街。
- 甚麼男人會漏卵？梁公春溢（涼宫春日）
- 茄子和雞蛋炒在一起是甚麼？打茄卵
- 甚麼樣的爐最受小朋友愛戴？打甂爐？非也，麥當勞（爐）是也！
- 超人是什麼名字？驚奇，因為驚奇是(四)超人
- 超人是男性還是女性？男性，錯了！是女性，因為超人都有經期(驚奇)！
- 什麼交通工具最鍾意話人肥？直昇機！因為"fat fat fat fat..."
- 揭開Yogurt面頭張紙會見到什麼？包青天，因為"開封Yogurt(有個)包青天"！
- 戰狼800為什麼最後剩下戰狼300？因為伍佰去咗唱歌...
- 湯告魯斯最後為什麼無死到？因為"最後無事(武士)"
- 知唔知滔滔(飲食節目常出現的肥佬)用咩用到咁肥? olay total(滔滔) effect (易fat)
- 點解姚明要捉比卡超?因為姚明係火箭隊既
- 波波,哥哥,科科一齊去番學...知唔知邊個會遲到呢?波波,因為波波池(遲)
- 知唔知咩動物鐘意聞底褲?豹紋(聞)底褲!!!
- 足球姓足，籃球姓籃，咁尤道姓乜？姓誕，因為‘又到聖誕、又到聖誕......’
- 廣東出冬瓜, 廣西出西瓜, 廣北出什麼?廣北出聲(講不出聲 - 無綫電視劇《溏心風暴》主題曲)
- 冬甩既爸爸係邊個呢？多啦A夢,【冬甩既爸爸，冬甩既爸爸，“多啦A夢”】
- 柴米油鹽醬醋茶，有邊樣野唔係黎自80年代咖？油不是80年代。
- 有咩係唔可以雪凍既呢????(答案係:秘密)because:不能"說"的秘密XD
- 點解豬咪咪唔可以"SOR"頭!!??答案你知既!!!咪又係"不能說的秘密(普)"
- 大明養小明咁邊個養大明??係狗('狗'仰大'明')
- 香港邊度既人最鍾意搞爛gag？打鼓嶺（夠哂凍）
- 咩生果唔打字？ 蕉，因為不打自招
- 小明點解會跳得高過飛鵝山? 因為飛鵝山唔識跳。
- 西餐廳餐牌上面，有邊種食物係由三個姓氏組成？ 羅宋湯。
- 叉雞同鵝少分６支可樂，點解分唔均？ 因為鵝攞多支。
- 係邊度減肥難ｄ？ 倫敦（慢瘦倫敦)
- 有個癲佬係架飛機度dum左個滅火筒落黎，點解？因為佢癲既
- 咩文具最正義？ 筆！因為見死不救
- 究竟益力多係咩味架呢？係「你今日飲左未」
- 最咸濕既粥？及第粥（因為gup底）
- 咩爐係最臭？多士爐
- 小明係20樓跳落街...佢無死到...但係點解死左隻雞？因為佢呀媽雞還神。
- 蝦究竟冇乜？ (太郎。)
- 唔駛急最緊要快
- 學生心聲
求學不是求分數 生係中國人，死係中國魂
要我學英文，梗係冇可能
英語唔合格，更顯我性格
數學唔合格，老師負全責
語文唔合格，我都冇辦法
考試考得好，全靠隔離好
考試考唔好，隔離唔識做
這個中國人，真係失禮人
叫佢學語文，佢話佢低能
叫佢學英文，佢話冇可能
叫佢學計數，佢話會頭暈
考試考得好，全靠運氣好
考試考唔好，完全意料到
唔駛睇相佬，大家估得到
返學九個月 怨聲已不絕
晨早六點九 趕住著衫走
路口等小巴 車費又再加
爬到校門口 仲有幾層樓
望望班房內 竟然冇人在
聽到人示愛 遲到又要再
今日第一堂 學生已發狂
漏帶一本書 九族都要誅
空堂唱下歌 傾計都唔多
科學孖連擊 聽完都唔識
跟住中文堂 擦鞋仔最忙
最後英文科 變曬做睡魔
打鐘各自飛 就咁又一 Day
返學為左乜 日日被糟質
返學等放學 放學飲可樂
- 有乜野魚係學生唔食得既？東星班。
[編輯] 錯字變種
不知到由何時開始，高登人把gag誤寫為gap。同時，搞gag也變成了搞gap。雖然只是一字之差，但gap也可解作女性的陰部。此別字在有局外人的時候應特別注意它的使用，以免做成誤會。
關於gap的意思，請參考粗口。
[編輯] 相關圖片
 爛Gag |
[編輯] 參見
[編輯] 參考
2. GagNotes - http://gag.hea.hk
2個分類: 需要真實性確認的條目 | 術語
