FANDOM


Kiss阿漢屁股是一篇流傳於基版的文章,經常被網民回帶

原文

今天早上,有人敲門,我開門後見到一對衣著光鮮的男女。
那位男子首先說話︰Hi!我係約翰,呢位係瑪莉。
瑪莉︰Hi!我地尼係想邀請你同我地一齊去Kiss阿漢既屁股。
我話︰乜話?你講乜鬼啊?!阿漢係乜水?我又點解要Kiss佢既屁股啊?
約翰︰如果你Kiss佢既屁股,佢就會俾一百萬你,但如果你唔咁做,佢就會丙獲金既你。
我話︰乜話!?
約翰︰阿漢係一個億萬富翁兼慈善家,你依家住緊呢一個小鎮就係佢建設同擁有架啦。佢乜野都有能力做到,而佢依家想做既野就係送一百萬俾你,但係事前你必須要Kiss佢既屁股先。
我話︰聽尼都唔make sense既,點解?
瑪莉︰你係咩人可以質疑阿漢呢?乜你唔想要一百萬咩?乜Kiss一下阿漢既屁股唔值一百萬咩?
我話︰都好既,如果係合法既話,但...
約翰︰咁就跟住我地尼去Kiss阿漢既屁股啦。
我話︰你地係咪成日都Kiss阿漢既屁股架?
瑪莉︰係啊,成日都會啊!
我話︰咁佢俾左一百萬俾你未?
約翰︰啊... 仲未啊。因為你要離開左呢個鎮,你先至會收到呢筆錢架。
我話︰咁點解你唔離開呢個鎮?
瑪莉︰阿漢未叫你離開前,你係唔可以離開架,否則佢會唔俾個筆錢你,而且仲會丙你丙到嘔電架!
我話︰你知唔知道有人Kiss過阿漢既屁股又離開左本鎮,而又得到個筆錢既呢?
約翰︰我阿媽Kiss左阿漢既屁股已經有好幾年,佢係舊年離開左本鎮,我好肯定佢已經得到左個筆錢。
我話︰之後你仲有冇見過佢?
約翰︰當然冇!阿漢唔比架。
我話︰既然你從來未同一個得到筆錢既人傾過,咁有乜野令到你咁肯定佢將來會俾一百萬你?
瑪莉︰Well,佢係你離開前就已經一直俾一D錢你架啦,你或者會升職,加薪,或者會玩Lotto時會贏錢,又或者你會係街上執到二十蚊。
我話︰呢D野又同阿漢有乜關係喎?
約翰︰有架。
我話︰對唔住,越聽就越似係一個騙局。
約翰︰但係我地講緊係一百萬喎!仲有記住,如果你唔去Kiss阿漢既屁股,佢會丙獲金俾你慢慢嘆喎!
我話︰或者我可以見見阿漢,等我可以問個清楚。
瑪莉︰冇人可以見阿漢,冇人可以同佢講野既。
我話︰咁你地點Kiss佢既屁股?
約翰︰有時我地一邊幻想住佢個屁股,一邊飛吻;有時就去Kiss阿嘉既屁股,佢會作為中介人,傳俾阿漢。
我話︰邊個係阿嘉?
瑪莉︰我地既朋友尼架,係佢教我地關於Kiss阿漢屁股既事架!
我話︰咁你就相信佢既話,有一個叫阿漢既人,同如果你去Kiss佢既屁股既話,佢就會獎賞你?
約翰︰Oh no!阿嘉有一封阿漢幾年前俾佢既信,可以解釋一切。我有一份copy,你自己睇睇。
在卡爾的卓上︰
  1. 吻阿漢的屁股,他就會在你離開本鎮時,給你一百萬。
  2. 有節制地飲酒。
  3. 丙那些和你不同的人。
  4. 適當飲食。
  5. 這封信是由阿漢所口授。
  6. 月亮是由芝士所造成。
  7. 所有阿漢所說的話都是真的。
  8. 如廁後洗手。
  9. 不要飲酒。
  10. 將小燻腸放在蛋榚上一起食,不要伴入佐料。
  11. 吻阿漢的屁股,否則他會丙你丙到嘔電。
我話︰D字睇尼係寫係阿嘉既信紙上既?
瑪莉︰阿漢個時冇紙嘛。
我話︰我有個直覺,呢D字係阿嘉寫既。
約翰︰當然!不過係由阿漢親自口授既。
我話︰乜你唔係講過,冇人可以見到阿漢既咩?
瑪莉︰依家尼講,冇錯係;但係係好多年前,佢係會見人既。
我話︰你講過阿漢係一個慈善家,佢究竟係乜鬼慈善家,竟會主張丙一D同佢唔同既人既?
瑪莉︰呢個係阿漢既想法,而阿漢永遠都係啱既。
我話︰點解你會咁認為?
瑪莉︰因為信中第七項話 <所有阿漢所說的話都是真的。>
我話︰但係或者所有野都係阿嘉所作出尼既呢!
約翰︰冇可能!第五項話 <這封信是由阿漢所口授。> 另外,第二項話 <有節制地飲酒。>,第四項話 <適當飲食。>,同埋第八項話 <如廁後洗手。>,所有人都知呢D全部都係正確,所以其他個幾項都一定係同樣正確既。
我話︰但係第九項話 <不要飲酒。>,好明顯同第二項有矛盾喎;另外,第六項話 <月亮是由芝士所造成> 好明顯就係錯架啦。
約翰︰第九項同第二項根本就無矛盾,第九項係用尼靖清第二項。至於第六項,你又未去過月球,你點可以咁肯定?
我話︰科學家已斷定月球係由岩石。
瑪莉︰但係佢地唔知道個D石頭可能係0黎自地球又或者係外太空呢,所以月球都係由芝士組成。
我話︰我唔係專家,但月球係地球一部份已有定論。更何妨,唔知道D石頭黎自邊度並唔係等於月球就係由芝士所組成。
約翰︰Aha!你啱啱承認科學家係會犯錯既,但係我地知道阿漢係永遠都是對的!
我話︰下?佢永遠都係對既?
瑪莉︰當然!第五項係咁樣講。
我話︰你即係話阿漢永遠是對的,因為封信係咁講;而封信係對既,因為封信係由阿漢口授既;而我地知道封信係由阿漢所口授既,因為封信係咁講既。呢一D係循環論證喎,同 <阿漢是對的,因為佢話佢係對的。> 無分別個喎。
約翰︰啊!你終於明白啦。
我話︰第十項小煄腸又乜解呢?
瑪莉︰(面紅起來)
約翰︰煄腸放在蛋榚上,唔落佐料,呢個係阿漢既方法,其他既都係錯既。
我話︰如果我冇蛋榚呢?
約翰︰冇蛋榚,冇腸食,煄腸唔伴住蛋榚食係錯既。
我話︰冇調味料?冇芥醬?
瑪莉︰(非常之苦惱的樣子)
約翰︰(大喝地) 你唔需要咁樣講野!任何佐料都係錯既!
我話︰咁... 切碎既煄腸加入菜絲咪唔食得?
瑪莉︰(用手指塞住耳朵) 我唔會聽呢D野既!lalalalala...
約翰︰你真係嘔心!只有邪惡既人先會食埋D咁既野!
我話︰好食喎,我成日都食架。
瑪莉︰(昏倒)
約翰︰(扶著瑪莉) 如果我早知你係果D人,我就唔會係度哂時間。當阿漢丙你既時候,我一定會係度睇,一邊數錢一邊笑。我會為你去Kiss阿漢既屁股既,你呢個食切煄腸無蛋糕碎菜既邪魔!
約翰拖著瑪莉上車,然後火速開走。

相關條目

您使用了廣告過濾軟體!


Wikia通過廣告運營為使用者提供免費的服務。我們對通過嵌入廣告過濾軟體訪問網站的使用者進行調整。

如果您使用了廣告過濾軟體,將無法使用我們的服務。請您移除廣告過濾軟體,以確保頁面正常載入。

查看其他FANDOM

隨機Wiki